spot_img
Homeຂ່າວທ້ອງຖິ່ນພິທີທຳລາຍເຄື່ອງມືຫາປາ ແລະ ຈັກສະຕິນທີ່ນຳໃຊ້ຜິດຕໍ່ລະບຽບ ກົດໝາຍ.

ພິທີທຳລາຍເຄື່ອງມືຫາປາ ແລະ ຈັກສະຕິນທີ່ນຳໃຊ້ຜິດຕໍ່ລະບຽບ ກົດໝາຍ.

Published on

ຄຽງຄູ່ກັບການຊຸກຍູ້ ສົ່ງເສີມໃຫ້ອົງການຈັດຕັ້ງທຸກພາກສ່ວນຂອງລັດ, ນັກທຸລະກິດ,ພໍ່ຄ້າຊາວຂາຍ, ນັກຮຽນ ແລະອຳນາດການປົກຄອງ ຮ່ວມແຮງຮ່ວມໃຈກັນ ປູກເບ້ຍໄມ້ໃຫ້ຫຼາຍ ແລະສົ່ງເສີມໃຫ້ມີການນຳເອົາລູກປາ ຫຼາກຫຼາຍຊະນິດປ່ອຍລົງສູ່ແຫຼ່ງນ້ຳທຳມະຊາດໃຫ້ນັບມື້ຫຼາຍຂື້ນ ເພຶ່ອເພີ່ມຄວາມອຸດົມ ສົມບູນໃຫ້ແກ່ທຳມະຊາດ ເປັນທ່າແຮງໃຫ້ແກ່ລູກຫຼານໄດ້ນຳໃຊ້ໄດ້ຢ່າງຍາວນານໃນອານາຄົດແລ້ວ. ທາງໜ່ວຍງານກວດກາປ່າໄມ້ ແລະໜ່ວຍງານລ້ຽງສັດ-ການປະມົງ ຂັ້ນເມືອງ ຍັງໄດ້ເອົາໃຈໃສ່ເຂັ້ມງວດໃນການກວດກາ ເພຶ່ອສະກັດກັ້ນ ການຕັດໄມ້ທຳລາຍປ່າແບບຊະຊາຍ ແລະຕິດຕາມ ກວດກາ ການຫາປາຂອງຊາວປະມົງທີ່ນຳໃຊ້ເຄື່ອງມືຫາປາແບບດັບສູນທີ່ຜິດຕໍ່ກົດໝາຍຢ່າງຕໍ່ເນື່ອງ.

 ສະນັ້ນ ໃນກາງເດືອນກໍລະກົດທີ່ຜ່ານມາ ເຈົ້າໜ້າທີ່ພາກສ່ວນທີ່ກ່ຽວຂ້ອງ ໄດ້ສົມທົບກັນລົງກວດກາ ຕາມຈຸດເປົ້າໝາຍ ພາຍໃນກຸ່ມບ້ານນາໃໝ່ ສາມາດກວດພົບ ເຄື່ອງມືຫາປາ ,ຈັກສະຕິນ ແລະອຸປະກອນ ເຊິ່ງປະກອບມີ: ມໍ້ໄຟໃຫຍ່ 120 V ຈໍານວນ 13 ໜ່ວຍ, ມໍ້ໄຟນ້ອຍ 12 V ມີ 2 ໜ່ວຍ, ເຄື່ອງສາກມໍ້ໄຟໃຫຍ່ 4 ເຄື່ອງ, ເຄື່ອງສາກມໍ້ໄຟນ້ອຍ 6 ເຄື່ອງ, ເຄື່ອງດູດປາ 13 ເຄື່ອງ, ເຄື່ອງຊ໋ອດປາ 2 ເຄື່ອງ, ຈັກສະຕິນ ແລະອຸປະກອນ 3 ເຄື່ອງ ທີ່ກວດພົບຢູ່ຕາມຈຸດເປົ້າໝາຍ. ມາໃນ ວັນທີ 5 ກັນຍາ 2023 ນີ້ ທາງຫ້ອງການກະສິກຳ-ປ່າໄມ້ເມືອງເຟືອງ ແຂວງວຽງຈັນ ຈຶ່ງໄດ້ຈັດພິທີທຳລາຍ ເຄື່ອງດັ່ງກ່າວຂື້ນ ຢູ່ທີ່ເດີ່ນໜ້າເຂື່ອນໄຟຟ້ານ້ຳລີກ 1-2 ເຊິ່ງເປັນກຽດເຂົ້ົາຮ່ວມພິທີໃນຄັ້ງນີ້ ມີ ທ່ານ ຄຳເພັດ ຈັນສົມພູ ກຳມະການພັກແຂວງ ເລຂາພັກເມືອງ ເຈົ້າເມືອງໆເຟືອງ, ມີການນຳຂັ້ນເມືອງ, ເຈົ້າໜ້າທີ່ໆກ່ຽວຂ້ອງຂັ້ນເມືອງ, ພະນັກງານວິຊາການຫ້ອງການກະສິກຳ-ປ່າໄມ້ເມືອງ, ໜ່ວຍປະມູນຮັບຊື້-ຈຳໜ່າຍປາ ປະຈຳເຂື່ອນ ແລະອຳນາດການປົກຄອງພາຍໃນກຸ່ມບ້ານນາໃໝ່ ໄດ້ພ້ອມກັນເຂົ້າຮ່ວມ.
ຂໍ້ມູນຈາກ: ເມືອງເຟືອງ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...