spot_img
Homeຂ່າວພາຍ​ໃນປີ້ງໄກ່ເຊໂນອອກກາໝາຍການຄ້າເພື່ອເປັນສັນຍາລັກ

ປີ້ງໄກ່ເຊໂນອອກກາໝາຍການຄ້າເພື່ອເປັນສັນຍາລັກ

Published on

ພາຍຫຼັງໄດ້ຮັບການຢັ້ງຢືນຈາກ ກົມຊັບສິນທາງປັນຍາ ກະຊວງອຸດສາຫະກຳ-ການຄ້າ ໃນການນຳໃຊ້ກາໝາຍການຄ້າ (ໂລໂກ້) ຂອງຜະລິດຕະພັນສິນຄ້າໂອດັອບ ປີ້ງໄກ່ເຊໂນ ເມືອງອຸທຸມພອນ ແຂວງສະຫວັນນະເຂດ ຊຶ່ງເປັນຜະລິດຕະພັນໜຶ່ງ ທີ່ມີຊື່ສຽງໂດ່ງດັງໄປທົ່ວປະເທດ ກໍຄືຕ່າງປະເທດ, ດັ່ງນັ້ນ ທາງພາກລັດ ແລະ ກຸ່ມການຜະລິດປີ້ງໄກ່ເຊໂນ ຈຶ່ງໄດ້ສະເໜີອອກກາໝາຍການຄ້າ ເພື່ອເປັນສັນຍາລັກ ຢັ້ງຢືນເຖິງຄຸນະພາບຂອງຜະລິດຕະພັນ ແລະ ຄວາມໝັ້ນໃຈຂອງຜູ້ບໍລິໂພກ.

ມາໃນວັນທີ 16 ສິງຫາ 2023 ຄະນະກຳມະການສິນຄ້າໂອດັອບຂັ້ນແຂວງ ຮ່ວມກັບເມືອງອຸທຸມພອນ ຊຶ່ງນຳໂດຍ ທ່ານ ໄຊຍະເດດ ຜຸຍຍະວົງ ຮອງຫົວໜ້າພະແນກອຸດສາຫະກຳ-ການຄ້າແຂວງ ພ້ອມຄະນະ, ໄດ້ສົມທົບກັບ ທ່ານ ຄຳພົງ ສຸລິເຍດ ຮອງເຈົ້າເມືອງອຸທຸມພອນ ພ້ອມພາກສ່ວນທີ່ກ່ຽວຂ້ອງ, ໄດ້ປຶກສາຫາລື ພາຍຫຼັງທີ່ໄດ້ຮັບອະນຸມັດ ກາໝາຍການຄ້າ (ໂລໂກ້) ປີ້ງໄກ່ເຊໂນ, ເພື່ອຈະໄດ້ມອບໃຫ້ກຸ່ມການຜະລິດ ໃນການນຳໃຊ້ກາໝາຍດັ່ງກ່າວຢ່າງຖືກຕ້ອງ.

ການປຶກສາຫາລືຄັ້ງນີ້ ໄດ້ເປັນເອກະພາບກັນເຊັ່ນ: ໃນສະມາຊິກ ຈຳນວນ 52 ຮ້ານ, ຕ້ອງໄດ້ກວດກາຄືນໃນເລື່ອງການບໍລິການ ໃຫ້ຖືກຕ້ອງຕາມຫຼັກສຸຂະອະນາໄມ ເປັນຕົ້ນ: ຄວາມສະອາດ, ຄວາມປອດໄພແກ່ຜູ້ບໍລິໂພກ ແລະ ສິ່ງສຳຄັນ ຕ້ອງແມ່ນໄກ່ລາດຂອງແທ້. ຈາກນັ້ນ ໃນການປຶກສາຫາລື ຍັງໄດ້ຍົກໃຫ້ເຫັນເລື່ອງ ການຈັດກິດຈະກຳໃນວັນເປີດນຳໃຊ້ກາໝາຍ ທີ່ຈະໄດ້ຈັດຂຶ້ນໃນມໍ່ໆນີ້, ເພື່ອໃຫ້ສັງຄົມໄດ້ຮັບຮູ້ ແລະ ເຂົ້າໃຈເຖິງ ຄວາມໝາຍ ຄວາມສຳຄັນຂອງກາໝາຍການຄ້າດັ່ງກ່າວ.

ແຫຼ່ງຂ່າວ ສະຫວັນນະເຂດ

ບົດຄວາມຫຼ້າສຸດ

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...