ອົງກອນ Miss Universe ຕັດຂາດກັບ Miss Universe ອິນໂດເນເຊຍ ພາຍຫຼັງທີ່ຜູ້ເຂົ້າປະກວດຫຼາຍຄົນກ່າວຫາວ່າ ເກີດການລ່ວງລະເມີດທາງເພດ ກ່ອນພິທີມອບມົງກຸດໃນການປະກວດທີ່ນະຄອນຫຼວງຈາກາຕາ ປະເທດອິນໂດເນເຊຍ.
ໂດຍຜູ້ເຂົ້າປະກວດກ່າວວ່າ: ຜູ້ເຂົ້າຮອບສຸດທ້າຍຖືກຂໍໃຫ້ແກ້ເຄື່ອງ ເພື່ອກວດຮ່າງກາຍຫາຮອຍບາດໃນຕົນໂຕ ແລະ ບາງຄົນກໍບອກວ່າ ຖືກຖ່າຍພາບເປືອຍ.
ອົງກອນ Miss Universe ເຊິ່ງມິສຳນັກງານຢູ່ໃນສະຫະລັດອາເມຣິກາ ກ່າວວ່າ Miss Universe ອິນໂດເນເຊຍ ບໍ່ໄດ້ປະຕິບັດໜ້າທີ່ຕາມມາດຕະຖານ ຈະລິຍະທຳ ຂອງອົງກອນ ແລະ ຈຳເປັນຕ້ອງໄດ້ຍົກເລີກການປະກວດປີນີ້ໃນມາເລເຊຍ ທີ່ດຳເນີນການໂດຍບໍລິສັດ PT Capella Swastika Karya.
ທາງອົງກອນຍັງກ່າວຕື່ມວ່າ ກຳລັງປະເມີນນະໂຍບາຍ ແລະ ຂັ້ນຕອນເພື່ອຫຼີກລ່ຽງເຫດການທີ່ຄ້າຍຄືກັນ ແລະ ກ່າວວ່າ ບໍ່ມີຂໍ້ກຳນົດດ້ານການວັດແທກຂະໜາດຂອງຮ່າງກາຍໃນການເຂົ້າຮ່ວມການປະກວດທົ່ວໂລກ.
ແຫຼ່ງຂ່າວ theguardian