ອີງຕາມການການແບ່ງປັນຂອງຜູ້ໃຊ້ເພຈບຸກ สมจิด คำพูเวืยง ໄດ້ໂພສໃນເວລາປະມານ 17 ໂມງ ຂອງວັນທີ 7 ສິງຫາ 2023 ທີ່ບ້ານນ້ຳກັດ, ເມືອງໄຊ, ແຂວງອຸດົມໄຊ ໂດຍເປັນວີດີໂອ ທີ່ກຳລັງໃຫ້ການຊ່ວຍເຫຼືອແມ່ມານທ້ອງແກ່ເຈັບທ້ອງທີ່ຈະເກີດລູກ ໂດຍການໃຊ້ລົດເຄນຍົກເອົາແມ່ມານຂ້າມຝາກເພື່ອໄປໂຮງໝໍເນື່ອງຈາກນໍ້າຖ້ວມລົດບໍ່ສາມາດໄປໄດ້.
ຂໍ້ມູນເບື້ອງຕົ້ນໃຫ້ຮູ້ວ່າ ແມ່ມານຖືພາ ຊື່ວ່າ ນາງ ສອນ ເຊິ່ງເຈັບທ້ອງເກີດລູກຕັ້ງແຕ່ 6 ໂມງເຊົ້າແລ້ວ ເລີຍໄດ້ໄປຂໍຄວາມຊ່ວຍເຫຼືອຈາກພີ່ນ້ອງ ແລະປະຊາຊົນແຖວບ້ານ ເພື່ອຈະໄປເກີດລູກທີ່ໂຮງໝໍເມືອງ ແຕ່ໄລຍະທາງທີ່ຈະໄປໂຮງໝໍໄດ້ມີນ້ຳຖ້ວມຕັນທາງ ຈຶ່ງໄດ້ຂໍຄວາມຊ່ວຍເຫຼືອຄົນຂັບລົດເຄນ ຍົກພາແມ່ມານຂ້າມມາອີກຟາກໂດຍມີຜູ້ເປັນຜົວຂ້າມໄປນຳ.
ຫຼ້າສຸດອັບເດດມື້ນີ້ 8/8/2023 ແມ່ ແລະ ລູກໄດ້ພາກັນອອກໂຮງໝໍແລ້ວ (ລູກເປັນເພດຍິງ) ແຂງແຮງໝົດສອງ. ເພີ່ມເຕີມ: ຄອບຄົວຜູ້ກ່ຽວບໍ່ຄ່ອຍມີເງື່ອນໄຂ ຖ້າຫາກທ່ານໃດຕ້ອງການຊ່ວຍເຫຼືອແບ່ງປັນບໍ່ວ່າຈະເປັນເຄື່ອງໃຊ້ ຫຼື ນໍ້າໃຈ ສາມາດຕິດຕໍ່ຫາ 020 56794440 ນາງ ສົມຈິດ ຄຳພູວຽງ (ພີ່ນ້ອງຜູ້ກ່ຽວ)