spot_img
Homeຂ່າວຄາດຕະກຳປກສ ເມືອງ ພີນ ແຂວງສະຫວັນນະເຂດ ກັກຕົວພວກກໍ່ເຫດ 4 ຄົນ ຄະດີພະຍາຍາມຄາດຕະກຳ

ປກສ ເມືອງ ພີນ ແຂວງສະຫວັນນະເຂດ ກັກຕົວພວກກໍ່ເຫດ 4 ຄົນ ຄະດີພະຍາຍາມຄາດຕະກຳ

Published on

ກອງບັນຊາການ ປກສ ເມືອງພີນ ແຂວງສະຫວັນນະເຂດ ກັກຕົວພວກກໍ່ເຫດ 4 ຄົນ ທີ່ພະຍາຍາມຄາດຕະກຳ ພວກໄວລຸ້ນ ບ້ານກາຍ່ອງ ແລະ ບ້ານໂນນ ເລກ 9 ເມືອງພີນ ຄື:

  1. ຊື່ທ້າວ ສຸກສະຫວັນ (ສຸກ) ອາຍຸ 18 ປີ ອາຊີບເຮັດນາ ບ້ານອາລວຍ
  2. ທ້າວ ແຈັກກີ້ ອາຍຸ 15 ປີ ອາຊີບນັກຮຽນ ບ້ານ ອາລວຍ
  3. ທ້າວ ແມັກ (ພົງສະຫວັດ) ອາຍຸ 15ປີ ບ້ານ ອາລວຍ
  4. ທ້າວ ແມນ ອາຍຸ 17 ປີ ອາຊີບ ເຮັດນາ ບ້ານສີບຸນເຮືອງ ທັງ 4 ຄົນ ແມ່ນຢູ່ເມືອງພີນ ແຂວງສະຫວັນນະເຂດ, ພ້ອມຂອງກາງທີ່ນໍາໃຊ້ເຂົ້າໃນການກໍ່ເຫດ ມີອາວຸດປືນແກັບປະດິດ ຍາວປະມານ27 ຊັງຕີແມັດ.

ພັທ ສົມພົງ ໄຊໂກສີ ຮອງຫົວໜ້າກອງບັນຊາການ ປກສ ເມືອງ ພີນ ໃຫ້ຮູ້ວ່າ:

ໃນຄັ້ງທີໜຶ່ງ ວັນທີ 28 ມີຖຸນາ2023 ທີ່ຜ່ານມາວ່າ: ໄດ້ມີເກີດເຫດການຄົນອາລະວາດໃຊ້ອາວຸດປືນແກັບຍິງກັນ ຢູ່ຂອບເຂດຂົວເຊທ່າມວກ ເມືອງພີນ ແຂວງສະຫວັນນະເຂດ, ເມື່ອໄດ້ຮັບການລາຍງານ ກໍລົງກວດກາສະຖານທີ່ເກີດເຫດຕົວຈິງ ຈຶ່ງຮູ້ວ່າຢູ່ຈຸດດັ່ງກ່າວ ມີມູນຄວາມຈິງແທ້ ເຊິ່ງມີຜູ້ໄດ້ຮັບບາດເຈັບ ຖືກລູກປືນຍິງເຂົ້າບໍລິເວນຫຼັງ ແລະ ຕົນຕົວຈໍານວນ 7 ລູກ, ຊື່ທ້າວ ໂລ່ຍ ອາຍຸ 16 ປີ ອາຊີບ ເຮັດນາ ບ້ານກາຍ່ອງ ເມືອງພີນ ແຂວງສະຫວັນນະເຂດ.

ຄັ້ງທີສອງ ໃນວັນທີ 15 ກໍລະກົດ 2023: ໄດ້ມີເຫດການຍິງກັນອີກຢູ່ຂອບເຂດ ຂົວເຊທາມວກ ເມືອງພີນ ຜູ້ໄດ້ຮັບບາດເຈັບຄື: ທ້າວ ໂອ ອາຍຸ 22 ປີ ອາຊີບ ເຮັດນາ ບ້ານ ໂນນເລກ 9, ຖືກລູກປືນຍິງເຂົ້າບໍລິເວນຫຼັງ ແລະ ຕົນຕົວຈຳນວນ 14 ລູກ, ແລ້ວນໍາສົ່ງໂຮງໝໍເມືອງພີນ, ຈາກນັ້ນເຈົ້າໜ້າທີ່ວິຊາສະເພາະຈື່ງໄດ້ເກັບກໍາຂໍ້ມູນ ຂຶ້ນບັນຊີເປົ້າໝາຍ ເພື່ອຕິດຕາມນໍາໂຕ ພວກເຫດທັງສອງຄັ້ງມາດໍາເນີນຄະດີ.

ຈົນຮອດ ວັນທີ15 ກໍລະກົດ 2023 ຈິ່ງສາມາດກັກຕົວເປົ້າໝາຍສົ່ງໃສໄດ້ 1 ຄົນຄື ທ້າວ ສຸກສະຫວັນ(ສຸກ) ຜ່ານການ ສືບສວນ-ສອບສວນ ຜູ້ກ່ຽວໃຫ້ການວ່າ: ຜູ້ລົງມືກໍ່ເຫດຍິງແມ່ນທ້າວ ແຈກກີ້, ຈາກນັ້ນ ທາງເຈົ້າໜ້າທີ່ວິຊາສະເພາະ ກໍ່ໄດ້ລົງຕິດຕາມ ແລະ ກັກຕົວ ທ້າວແຈກກີ້ ໄດ້ພາຍໃນວັນດຽວກັນ.

ຜ່ານການສືບສວນ-ສອບສວນ ທ້າວແຈກກີ້ ໃຫ້ການວ່າ: ໄດ້ຮ່ວມກັນກັບທ້າວ ແມັກ(ພົງສະຫວັດ) ແລະ ທ້າວ ແມນ ເປັນຜູ້ກໍ່ເຫດຍິງ ທ້າວໂລ່ຍ ເຊິ່ງພວກກ່ຽວທັງ 4 ຄົນ ໄດ້ໃຫ້ການຮັບສາລະພາບວ່າເປັນສ່ຽວດ່ຽວກັນ ໄດ້ຮ່ວມກັນກໍ່ເຫດໄຊ້ອາວຸດປືນແກັບປະດິດ ຍາວປະມານ 27 ຊັງຕີແມັດ ຍິງໃສ່ໄວລຸ້ນ ບ້ານ ໂນນເລກ 9 ແລະ ໄວລຸ້ນບ້ານ ກາຢ໋ອງແທ້, ສ່ວນ ທ້າວ ພິນ ປັດຈຸບັນແມ່ນທາງເຈົ້າໜ້າທີ່ກຳລັງຕິດຕາມຂຶ້ນແຜນໄລ່ຈັບເພື່ອນຳຕົວຜູ່ກ່ຽວມາດຳເນີນຄະດີ.

ປັດຈຸບັນຕໍ່ກັບຄະດີດັ່ງກ່າວ ທາງເຈົ້າໜ້າທີ່ ຍັງປະກອບສໍານວນຄະດີ ສົ່ງໄອຍາການ ຟ້ອງສານຕັດສິນດໍາເນີນຄະດີຕາມລະບຽບກົດໝາຍ.

ແຫຼ່ງຂ່າວ ປກສ ສະຫວັນນະເຂດ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...