Homeຂ່າວຕ່າງປະເທດຈີນກຳລັງຮັບມືກັບພາຍຸ ທົກຊູລີ ຢ່າງໜັກ ໄດ້ອົບພະຍົບກວ່າໝື່ນຄົນ

ຈີນກຳລັງຮັບມືກັບພາຍຸ ທົກຊູລີ ຢ່າງໜັກ ໄດ້ອົບພະຍົບກວ່າໝື່ນຄົນ

Published on

ອີງຕາມສຳນັກຂ່າວຕ່າງປະເທດລາຍາງານໃນວັນທີ 1 ສິງຫາ 2023, ຈີນກຳລັງຮັບມືກັບພາຍຸ ທົກຊູລີ ເຊິ່ງເປັນພາຍຸທີ່ຮຸນແຮງທີ່ສຸດໃນຮອບຫຼາຍປີ ໂດຍເຮັດໃຫ້ເກີດຝົນຄົກໜັກ ແລະ ນ້ຳຖ້ວມເປັນວົງກວ້າງໃນພາກເໜືອ ລວມເຖິງກຸງປັກກິ່ງ ຈາກເຫດການຄັ້ງນີ້ມີຄົນເສຍຊີວິດຢ່າງນ້ອຍ 2 ຄົນ ແລະ ປະຊາຊົນກວ່າ 31,000 ຄົນຕ້ອງອົບພະຍົບອອກຈາກບ້ານ.

ຜູ້ເສຍຊີວິດ 2 ຄົນຖືກພົບຢູ່ເຂດເມິນໂຖໂຖ ໃນກຸງປັກກິ່ງເມື່ອວັນຈັນທີ 31 ກໍລະກົດ 2023 ທີ່ຜ່ານມາ, ໂດຍມີປະຊາຊົນກວ່າ 5000 ຄົນ ໃນເຂດນີ້ຕ້ອງອົບພະຍົບໜີນ້ຳຖ້ວມ ສ່ວນທາງພາກໃຕ້ຂອງກຸງປັກກິ່ງ ທະຫານກວ່າ 2000 ຄົນ ຖືກສົ່ງມາປະຈຳການເພື່ອຊ່ວຍຕັ້ງແນວກັ້ນນ້ຳທີ່ກຳລັງເພີ່ມສູງຂຶ້ນ.

ທັງນີ້ ພາຍຸ ທົກຊູລີ ເຄື່ອນຕົວຂຶ້ນຝັ່ງ ມົນທົນຟູຈ້ຽນເມື່ອອວັນທີ 28 ກໍລະກົດ 2023 ທີ່ຜ່ານມາ, ເຊິ່ງປະລິມານນ້ຳຝົນສະເລ່ຍ 170.9 ມມ. ລະຫວ່າງຄືນວັນເສົາຈົນຮອດຕອນສວຍຂອງວັນຈັນ ເຊິ່ງທຽບກັບຄ່າສະເລ່ຍຝົນຕົກຕະຫຼອດທັງເດືອນກໍລະກົດ ເຮັດໃຫ້ຫຼາຍເມືອງໃນພາກເໜືອຂອງຈີນໄດ້ຮັບຜົນກະທົບ ແລະ ຄາດວ່າຝົນຈະຕົກຍາວອອກໄປອີກ 24 ຊົ່ວໂມງເປັນຢ່າງນ້ອຍ.

ແຫຼ່ງຂ່າວ: ໄທລັດ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...