spot_img
Homeຂ່າວພາຍ​ໃນຄາຕະກຳເມຍ ຫຼົບໜີໄດ້ 5 ປີ ຖືກຈັບດໍາເນີນຄະດີ

ຄາຕະກຳເມຍ ຫຼົບໜີໄດ້ 5 ປີ ຖືກຈັບດໍາເນີນຄະດີ

Published on

ເຫດການຄະດີຜົວຄາດຕະກໍາເມຍໃນປີ 2018 ເກີດຂຶ້ນເມື່ອວັນທີ 20 ກໍລະກົດ 2018, ຢູ່ແຂວງໄຊຍະບູລີ ພາຍຫຼັງຄາດຕະກໍາເມຍແລ້ວຫຼົບໜີໄປລີ້ຊ້ອນຢູ່ແຂວງຈໍາປາສັກ ເປັນເວລາ 5 ປີ ສາເຫດຍ້ອນບໍ່ເຂົ້າໃຈກັນ. ໂດຍເຈົ້າໜ້າທີ່ໄດ້ຮັບແຈ້ງ ຄວາມຈາກພົນລະເມືອງດີ ວ່າ: ພົບເຫັນຮ່າງຄົນເສຍຊີວິດໄຫຼມາຄ້າງຢູ່ແຄມແມ່ນໍ້າເຂດ ບ້ານນາຍາວ ເມືອງໄຊຍະບູລີ ແຂວງໄຊຍະບູລີ; ຈາກນັ້ນ, ເຈົ້າໜ້າທີ່ພະແນກຕໍາຫຼວດສືບສວນ-ສອບສວນ ສົມທົບເຈົ້າໜ້າທີ່ ປກສ ເມືອງໄຊຍະບູລີ ຊັນນະສູດສະຖານທີ່ເກີດເຫດ, ຜູ້ເສຍຊີວິດ ຊື່ ນາງ ມິນຕາ ອາຍຸ 20 ປີ ປະຊາຊົນ ບ້ານສີບຸນເຮືອງ ເມືອງຫົງສາ ແຂວງໄຊຍະບູລີ.

ສາເຫດຂອງການເສຍຊີວິດແມ່ນຍ້ອນຖືກ ຄາຕະກຳ ແລະ ຜູ້ກະທໍາຜິດຊື່ ທ້າວ ທອງສໍາລິດ ຫຼື ແອໃຫຍ່ ແກ້ວປະເສີດ ອາຍຸ 39 ປີ ປະຊາຊົນ ບ້ານໜອງແຕ່ງເໜືອ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ຫຼົບໜີຢູ່ແຂວງຈຳປາສັກເປັນເວລາ 5 ປີ  ຈົນມາຮອດປັດຈຸບັນວັນທີ 15 ມີນາ 2023, ເຈົ້າໜ້າທີ່ຈຶ່ງກັກຕົວ ທ້າວ ທອງສຳລິດ ມາດຳເນີນຄະດີຕາມກົດໝາຍ.

ທ້າວ ທອງສຳລິດ ສາລະພາບວ່າ: ໃນປີ 2018, ຜູ້ກ່ຽວໄດ້ສ້າງຄອບຄົວກັບ ນາງ ມິນຕາ ມີລູກນຳກັນ 1 ຄົນ ຊື່ ທ້າວ ແອນ້ອຍ, ອາຍຸ 7 ເດືອນ; ຮອດວັນທີ 16 ກໍລະກົດ 2018, ທ້າວ ທອງສຳລິດ ແລະ ນາງ ມິນຕາ ພ້ອມດ້ວຍລູກ ໄດ້ໄປພັກເຊົາຢູ່ເຮືອນ ພັກ ແຫ່ງໜຶ່ງຢູ່ບ້ານທ່ານາ ເມືອງໄຊຍະບູລີ; ຈາກນັ້ນ, ເວລາປະມານ 8:00 ໂມງ ວັນທີ 17 ກໍລະກົດ 2018 ນາງ ມິນຕາ ບອກວ່າຈະໄປຊື້ນົມໃຫ້ລູກແລ້ວກໍອອກຈາກເຮືອນພັກ, ເວລາປະມານ 23 ໂມງ ນາງ ມິນຕາ ຈຶ່ງກັບຮອດເຮືອນພັກ ແລະ ມີອາ ການມືນເມົາ ແລ້ວ ທ້າວ ທອງສຳລິດ ກັບ ນາງ ມິນດາ ຈຶ່ງຜິດຖຽງກັນຢ່າງແຮງ, ທ້າວ ທອງສຳລິດ ໄດ້ບີບຄໍ ນາງ ມິນຕາ ຈົນເສຍຊີວິດ ແລ້ວເອົາຜ້າຫົ່ມພັນຮ່າງຜູ້ເປັນເມຍ.

ຮອດເວລາປະມານ 22:00 ໂມງ ວັນທີ 18 ກໍລະກົດ 2018, ທ້າວ ທອງສຳລິດ ເອົາຮ່າງຂອງເມຍທີ່ເສຍຊີວິດໄປຖິ້ມລົງແມ່ນໍ້າຮຸ່ງ ເພື່ອທຳລາຍຫຼັກຖານ ແລ້ວເອົາຕົວຫຼົບໜີ ໄປລີ້ຊ່ອນຢູ່ ແຂວງຈຳປາສັກ, ຮອດວັນ ທີ 15 ມີນາ 2023 ເປັນເວລາ 5 ປີ ຈຶ່ງຖືກເຈົ້າໜ້າທີ່ກັກຕົວໄດ້ໄປດໍາເນີນຄະດີຕາມລະບຽບກົດໝາຍ.

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...