spot_img
Homeຂ່າວພາຍ​ໃນມອບລົດຈັກ 10 ຄັນ ທີ່ເກັບກູ້ຄືນມາໄດ້ຈາກຄົນຮ້າຍລັກໄປສົ່ງຄືນໃຫ້ເຈົ້າຂອງເດີມ

ມອບລົດຈັກ 10 ຄັນ ທີ່ເກັບກູ້ຄືນມາໄດ້ຈາກຄົນຮ້າຍລັກໄປສົ່ງຄືນໃຫ້ເຈົ້າຂອງເດີມ

Published on

ພັທ ອິນປັນ ຫາດາວເຮືອງ ຮອງຫົວໜ້າກອງບັນຊາການເມືອງສີສັດຕະນາກ ນະຄອນຫຼວງວຽງຈັນ ພ້ອມດ້ວຍພະນັກງານທີ່ກ່ຽວຂ້ອງໄດ້ມອບລົດຈັກ 10 ຄັນ ທີ່ເກັບກູ້ຄືນມາໄດ້ຈາກຄົນຮ້າຍລັກໄປ ສົ່ງຄືນໃຫ້ເຈົ້າຂອງເດີມ.

ໃນວັນທີ 21 ມິຖຸນາ 2023 ຢູ່ທີ່ຄ້າຍຄຸມຂັງຊົ່ວຄາວ ປກສ ເມືອງສີສັດຕະນາກ ເຊິ່ງຕາງໜ້າກ່າວຮັບໂດຍ ທ່ານ ນາງ ສຸຄະວິນັດ ທີ່ເປັນເຈົ້າຂອງລົດໜຶ່ງໃນຈຳນວນ 10 ຄັນທີ່ມອບໃນຄັ້ງນີ້ ແລະ ມີອີກ 8 ຄົນທີ່ເປັນເຈົ້າຂອງ ເຂົ້າມາຮັບລົດຄືນ ແລະ ລົດຈັກຄັນທີ 10 ແມ່ນກຳລັງປະສານຫາເຈົ້າຂອງລົດໃຫ້ມາຮັບເອົາ ເປັນລົດຈັກເວບ100 ບໍ່ມີປ້າຍທະບຽນ, ເລກຈັກ SA5E2008226 ເລກຖັງ PR2SA1500SC008226.

ພັທ ອິນປັນ ຫາດາວເຮືອງ ໄດ້ແຈ້ງໃຫ້ຮູ້ວ່າລົດຈັກທີ່ມາມອບໃນຄັ້ງນີ້ ,ເຈົ້າໜ້າທີ່ ປກສ ເມືອງສີສັດຕະນາກແມ່ນສາມາດນຳເກັບກູ້ຄືນມາໄດ້ໃນວັນທີ 2 ພຶດສະພາ 2023 ຈຳນວນ 1 ຄັນ, ພ້ອມກັບຕົວຜູ້ຖືກຫາ 2 ຄົນຊື່ ທ້າວ ສຸກສາຄອນ ຫຼື ຕົ້ນ ອາຍຸ 32 ປີ ອາຊີບກຳມະກອນ ພັກເຊົາຢູ່ບ້ານສະພານທອງໃຕ້ ເມືອງສີສັດຕະນາກ ນະຄອນຫຼວງວຽງຈັນ ແລະ ທ້າວ ທິບພະຈັນ ຫຼື ເລ້ ອາຍຸ 37ປີ ອາຊີບກຳມະກອນ ພັກເຊົາຢູ່ບ້ານໂຊກປາຫຼວງ ເມືອງສີສັດຕະນາກ ນະຄອນຫຼວງວຽງຈັນ ແລະ ໃນວັນທີ 31 ພຶດສະພາ 2023 ສາມາດເກັບກູ້ໄດ້ອີກ 9 ຄັນ ພ້ອມກັບຕົວຜູ້ຖືກຫາອີກ 1 ຄົນ ຊື່ທ້າວ ອິນທະນູໄຊ ຫຼື ຕາໂລ້ ອາຍຸ 39 ປີ ພັກເຊົາຢູ່ບ້ານສະພານທອງເໜືອ ເມືອງສີສັດຕະນາກ ນະຄອນຫຼວງວຽງຈັນ, ພາຍຫຼັງໄດ້ເກັບກູ້ລົດຈັກມາໄດ້ເຈົ້າໜ້າທີ່ກໍໄດ້ກວດກາທີ່ໄປທີ່ມາຂອງລົດ ເມື່ອຮູ້ລາຍລະອຽດຈຶ່ງໄດ້ຕິດຕໍ່ປະສານຫາເຈົ້າຂອງລົດມາຮັບເອົາ.

ແຫຼ່ງຂ່າວ ປ້ອງກັນຄວາມສະຫງົບນະຄອນຫຼວງ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...