spot_img
Homeຂ່າວພາຍ​ໃນງານແຂ່ງຂັນຮາຟມາຣາທອນ ສາມຫຼ່ຽມຄຳ ຄັ້ງທີ 3 ປີ 2023

ງານແຂ່ງຂັນຮາຟມາຣາທອນ ສາມຫຼ່ຽມຄຳ ຄັ້ງທີ 3 ປີ 2023

Published on

ງານແຂ່ງຂັນຮາຟມາຣາທອນ ສາມຫຼ່ຽມຄຳ ຄັ້ງທີ 3 ປີ 2023 ຊີງເງິນລາງວັນລວມ 1.375.000.000 ກີບ. ເຊິ່ງຈະຈັດຂຶ້ນຢ່າງຍິງໃຫຍ່ໃນວັນຕ້ານຢາເສບຕິດສາກົນຄົບຮອບ 36 ປີ ວັນທີ 26 ມິຖຸນາ 2023 ນີ້ ທີ່ເຂດເສດຖະກິດພິເສດ ສາມຫຼ່ຽມຄຳ. ເພື່ອເປັນການສົ່ງເສີມກິລາ, ການທ່ອງທ່ຽວ ແລະ ຕ້ານຢາເສບຕິດ. ໃນໂອກາດດັ່ງກ່າວ ຍັງມີການເຜີຍແຜ່ຜົນຮ້າຍຂອງສິ່ງເສບຕິດ ໃຫ້ແກ່ນ້ອງນັກຮຽນ, ຂະບວນນ້ອງນັກຮຽນຊົມຫໍວາງສະແດງຕ້ານຢາເສບຕິດ, ການຕ້ອນຮັບໜ່ວຍປະຕິບັດກົດໝາຍ ລາດຕະເວນຕາມລຳແມ່ນ້ຳຂອງ ລາວ, ຈີນ, ມຽນມາ, ໄທ ແລະ ກິດຈະກຳທີ່ຕິດພັນກັບການທ່ຽວທ່ຽວອື່ນໆອີກ.

ບັນດາຂະແໜງການ, ຫົວໜ່ວຍທຸລະກິດ, ພົນລະເມືອງທີ່ອາໄສຢູ່ພາຍໃນເຂດເສດຖະກິດ ພິເສດສາມຫຼ່ຽມຄຳ ແລະ ເຂດປີ່ນອ້ອມ ເຂົ້າຮ່ວມງານແລ່ນມາຣາທອນ ຄັ້ງທີ 3 ທີ່ເຂດເສດຖະກິດພິເສດ ສາມຫຼ່ຽມຄຳ ໃນການແຂ່ງຂັນໃນຄັ້ງນີ້ ຈະແບ່ງເປັນ 3 ປະເພດຄືິ: ຮາຟມາຣາທອນ, ມິນິມາຣາທອນ ແລະ ແລ່ນເພື່ອຄວາມຮັກ(5.2km).
ໃນການແລ່ນ 5,2km ນີ້ຈະໄດ້ແລ່ນເປັນກຸ່ມ ທ່ານສາມາດແລ່ນເປັນຄອບຄົວ,​ ຄູ່ຮັກ ແລະ ໝູ່ເພື່ອນຮ່ວມງານ (ໃນແຕ່ລະກຸ່ມຢ່າງນ້ອຍ 2 ຄົນຂື້ນໄປ) ເພື່ອເປັນການສ້າງຄວາມສາມັກຄີປອງດອງລະຫວ່າງຄົນຮັກ, ໝູ່ເພື່ອນຮ່ວມງານ, ຄອບຄົວ, ນອກນັ້ນກໍ່ເພື່ອເປັນການສ້າງບັນຍາກາດພາຍໃນເຂດໃຫ້ຂະບວນການຝົດຟື້ນອີກດ້ວຍ.
ເສັ້ນທາງໃນການແຂ່ງຂັນຄື: ຈຸດອອກໂຕ (ທາງເຂົ້າໂຮງແຮມດາວດອກງິິິ້ວຄຳ) – ອອກຈາກປະຕູທີ 4 ແລ້ວລ້ຽວຊ້າຍ-ໄປອ້ອມວົງວຽນແລ້ວກັບຄືນມາທາງຈຸດເສັ້ນໄຊ.

ສຳລັບກິດຈະກຳພາຍໃນງານ:
ວັນທີ 22 ມິຖຸນາ:​ ໝົດກຳນົດໃນການລົງທະບຽນ ແລະ ສະຫຼຸບການລົງທະບຽນທັງໝົດ.
ວັນທີ 24-25 ມິຖຸນາ: ຮັບເສື້ອໃນການແຂ່ງຂັນ ແລະ ປ້າຍທະບຽນ (ສະຖາທີ່: ທາງເຂົ້າໂຮງແຮມດາວດວງງິ້ວຄຳລ້ຽວຊາຍມື)
ວັນທີ 26 ມິຖຸນາ ເວລາ 4:30-5:00 ເກັບຮັກສາກະເປົ່າ
ເວລາ 5:00-5:40 ພິທີເປີດ, ກວດກາຜູ້ລົງທະບຽນ, ອົງການຈັດຕັ້ງຕ່າງໆ, ເຂົ້າຮ່ວມການແຂ່ງຂັນ.
ເວລາ 9:00-10:00 ພິທີມອບລາງວັນ.
ລາງວັນຄື: 50 ຄູ່ທຳອິດທີ່ເຂົ້າເສັ້ນໄຊຈະໄດ້ຮັບລາງວັນຈາກກຸ່ມບໍລິສັດ.
ທຸກທ່ານສາມາດລົງທະບຽນໄດ້ແລ້ວຕອນນີ້ ສາມາດລົງທະບຽນໄດ້ທີີ່ເບີ 0209732143

ເປີດສະໝັກຕັ້ງແຕ່ມື້ນີ້ຈົນເຖິງ ວັນທີ 20 ມິຖຸນາ 2023

ບົດຄວາມຫຼ້າສຸດ

ຖະແຫຼງງານແຂ່ງຂັນສີມືແຮງງານແຫ່ງຊາດ ຄັ້ງທີ IV  ແລະ ກະກຽມແຂ່ງຂັນສີມືແຮງງານອາຊຽນ ຄັ້ງທີ XIV.

ບົດຖະແຫຼງຂ່າວ ຄວາມພ້ອມງານແຂ່ງຂັນສີມືແຮງງານແຫ່ງຊາດ ຄັ້ງທີ IV  ແລະ ກະກຽມແຂ່ງຂັນສີມືແຮງງານອາຊຽນ ຄັ້ງທີ XIV. ກະຊວງແຮງງານ ແລະ ສະຫວັດດີການສັງຄົມ ທີ່ໄດ້ຮັບການມອບໝາຍຈາກລັດຖະບານ ໃຫ້ຮັບຜິດຊອບວຽກງານການພັດທະນາສີມືແຮງງານ ຊຶ່ງກຳນົດຍຸດທະສາດການພັດທະນາສີມີືແຮງງານ ດ້ານປະລິມານໄປຄຽງຄູ່ກັບດ້ານຄຸນນະ...

ຈັບລູກຊາຍຕິດຢາ ໃຈຮ້າຍທີ່ພໍ່ຫ້າມບໍ່ໃຫ້ມົ້ວສຸມຢາເສບຕິດ ເລີຍພະຍາຍາມຄາຕະກຳພໍ່ຂອງຕົນເອງ

ລູກຊາຍທໍລະພີ ກໍ່ເຫດພະຍາຍາມຄາຕະກຳພໍ່ຕົນເອງ ຍ້ອນບໍ່ມັກທີ່ພໍ່ຫ້າມມົ້ວສຸມຢາເສບຕິດ. ວັນທີ 12 ມີນາ 2025 ຜ່ານມາ ປກສ ແຂວງຫົວພັນ ໄດ້ນໍາຕົວທ້າວຫຼວງ ອາຍຸ 23 ປີ ປະຊາຊົນ...

ການຂະຫຍາຍບ່າທາງໂຄງການກໍ່ສ້າງທາງລົດເມດ່ວນ BRT ມີຄວາມຄືບໜ້າຫຼາຍກວ່າ 58%

ອົດໃຈລໍຖ້າ! ການຂະຫຍາຍບ່າທາງໂຄງການກໍ່ສ້າງທາງລົດເມດ່ວນ BRT ມີຄວາມຄືບໜ້າຫຼາຍກວ່າ 58% ມາຮອດປັດຈຸບັນການຂະຫຍາຍບ່າທາງຈຸດປະຕູໄຊ ຫາ 3 ແຍກຄໍາຮຸ່ງໜ້າມະຫາວິທະຍາໄລແຫ່ງຊາດຂອງໂຄງການກໍ່ສ້າງທາງລົດເມດ່ວນ BRT ມີຄວາມຄືບໜ້າຫຼາຍກວ່າ 58% ສ່ວນລະບົບໄຟອໍານາດທີ່ໃຊ້ການບໍ່ໄດ້ ຍ້ອນຜູ້ຮັບເໝົາກໍ່ສ້າງຂະຫຍາຍເສັ້ນທາງສອງຟາກທາງ ສົ່ງຜົນກະທົບກັບສາຍໄຟເຍືອງທາງ...

ນະຄອນຫລວງ ຫາລືເລັ່ງແກ້ໄຂການສະໜອງນໍ້າປະປາ ບໍ່ພຽງພໍ ຕໍ່ຄວາມຕ້ອງການຊົມໃຊ້ຂອງສັງຄົມ

ລັດວິສະຫະກິດນ້ຳປະປາ ນວ ປຶກສາຫາລືເລັ່ງແກ້ໄຂບັນຫາການສະໜອວງນ້ຳປະປາທີ່ບໍ່ພຽງພໍ ອົງການປົກຄອງນະຄອນຫຼວງວຽງຈັນ ແລະ ລັດວິສະກິດນ້ຳປະປາ ນວ ໄດ້ປຶກສາຫາລືເພື່ອຊອກຫາວິທີແກ້ໄຂການສະໜອງນ້ຳປະປາບໍ່ພຽງພໍກັບການຊົມໃຊ້ ຕາມຕົວເລກການຜະລິດຂອງໂຮງງານ 6 ແຫ່ງ ໄດ້ພຽງ 348.000 ເຊິ່ງຕາມຄວາມຕ້ອງ ການຕົວຈິງແມ່ນ...