ເປັນພາບທີ່ແຊກັນຢ່າງກວ້າງຂວາງໃນອອນລາຍ ກໍລະນີຊາຍໄປລັກໝາກໄມ້ໃນສວນແຫ່ງໜຶ່ງ ແລ້ວຖືກກັກໂຕມາລົງໂທດ.
ໃນວັນທີ 21 ມິຖຸນາ 2023 ໄດ້ມີການເຜີຍແຜ່ວິດີໂອກ່ຽວກັບ ຊາຍຄົນໜຶ່ງຖືກລົງໂທດດ້ວຍການຈັບມັດແລ້ວຍ່ອນຫົວລົງມາ ໂດຍມີຂໍ້ຄວາມລະບຸວ່າ ຊາຍດັ່ງກ່າວໄປລັກໝາກມ່ວງໃນສວນແຫ່ງໜຶ່ງ ແລ້ວຖືກກັກໂຕມາລົງໂທດດ້ວຍຮູບແບບດັ່ງກ່າວ.
ຈາກເຫດການນີ້ ກໍໄດ້ມີສັງຄົມອອນລາຍ ມາສະແດງຄວາມຄິດເຫັນໄປໃນທາງທີ່ບໍ່ເຫັນດີກັບການລົງໂທດລັກສະນະນີ້ ແລະ ຍັງບໍ່ມີລາຍງານຢ່າງຊັດເຈນວ່າເຫດການນີ້ ໄດ້ເກີດຂຶ້ນຢູ່ແຂວງໃດ ຫຼື ເກີດຂຶ້ນໃນປະເທດເຮົາຫຼືບໍ່.
ຢ່າງໃດກໍຕາມ ກໍຂໍໃຫ້ເຈົ້າໜ້າທີ່ເຂົ້າມາກວດສອບ ເພື່ອຫາສາເຫດຢ່າງແທ້ຈິງຕໍ່ໄປ.