spot_img
Homeຂ່າວພາຍ​ໃນປກສ ເມືອງປາກຊັນມອບລົດຈັກ 3 ຄັນທີ່ຖືກຄົນຮ້າຍລັກໄປຄືນໃຫ້ເຈົ້າຂອງ

ປກສ ເມືອງປາກຊັນມອບລົດຈັກ 3 ຄັນທີ່ຖືກຄົນຮ້າຍລັກໄປຄືນໃຫ້ເຈົ້າຂອງ

Published on

ວັນທີ 19 ມິຖຸນາ 2023 ນີ້ ພະແນກຕໍາຫຼວດ ປກສ ເມືອງປາກຊັນ ແຂວງບໍລິຄໍາໄຊ ໄດ້ມອບ-ຮັບ ລົດຈັກ ຈຳນວນ 3 ຄັນທີ່ຖືກຄົນຮ້າຍລັກໄປຄືນໃຫ້ເຈົ້າຂອງເດີມ ກ່າວມອບໂດຍທ່ານ ພັນຕີ ຈັນສະໝອນ ບຸນທະວີວົງ ຮອງຫົວໜ້າພະແນກຕໍາຫຼວດ ປກສ ເມືອງປາກຊັນ ມີເຈົ້າໜ້າທີ່ ແລະ ເຈົ້າຂອງລົດຈັກເຂົ້າຮ່ວມ.

ໃນຄັ້ງວັນທີ 31 ພຶດສະພາ 2023 ເວລາປະມານ 11 ໂມງ ເຈົ້າໜ້າທີ່ຕໍາຫຼວດ ປກສ ເມືອງ ປາກຊັນ ໄດ້ຮັບແຈ້ງຄວາມຈາກຜູ້ເສຍຫາຍວ່າ: ເວລາປະມານ 4 ໂມງເຊົ້າຂອງວັນທີ່ 31 ພຶດສະພາ 2023 ໄດ້ມີຄົນຮ້າຍ ມາລັກເອົາລົດຈັກເວບ100 ສີຟ້າດຳ ເລກຈັກ:E2346040 ເລກຖັງ: MC 346040 ປ້າຍທະບຽນ ຈສ 5294 ບໍລິຄຳໄຊ ຂອງຜູ້ກ່ຽວທີ່ຈອດໄວ້ໃນຫໍພັກໂຮງຮຽນແຫ່ງ 1 ໃນເມືອງປາກຊັນ, ຫຼັງຈາກນັ້ນທາງເຈົ້າໜ້າທີ່ວິຊາສະເພາະໄດ້ລົງເກັບກຳຂໍ້ມູນ ກວດກາສະຖານທີ່ເກີດເຫດ ແລະ ຕິດຕາມຂັດຈ້ອນເປົ້າໝາຍ, ຕົກມາຮອດ ເວລາປະມານ 19 ໂມງ ຂອງມື້ດຽວກັນ ຈື່ງໄດ້ກັກຕົວຜູ້ຖືກຫາໄດ້ຈໍານວນ 2 ຄົນ ພ້ອມຂອງກາງລົດຈັກຄັນດັ່ງກ່າວມາສືບສວນ-ສອບສວນຕາມກົດໝາຍ.

ຜ່ານການສືບສວນ-ສອບສວນຜູ້ຖືກຫາໃນເບື້ອງຕົ້ນພວກກ່ຽວໄດ້ໃຫ້ການຮັບສາລະພາບວ່າໄດ້ຮ່ວມກັນເຄື່ອນໄຫວລັກລົດຈັກມາແລ້ວ 3 ຄັ້ງ, ໄດ້ລົດຈັກຈໍານວນ 3 ຄັນ ແລ້ວນໍາໄປຂາຍໃຫ້ຜູ້ຮ່ວມຂະບວນການນໍາກັນ ສ່ວນເງິນທີ່ໄດ້ມາແຕ່ລະຄັ້ງແມ່ນນໍາໄປໃຊ້ຈ່າຍຫຼິ້ນກິນຟຸມເຟືອຍຈົນໝົດ, ມາຮອດວັນທີ 8 ມິຖຸນາ 2023 ເຈົ້າໜ້າທີ່ຈຶ່ງສາມາດນໍາເກັບກູ້ລົດຈັກໄດ້ອີກຈໍານວນ 2 ຄັນ ແລະ ໄດ້ແຈ້ງເຖີງຜູ້ເປັນເຈົ້າຂອງລົດນໍາເອົາເອກະສານທີ່ກ່ຽວຂ້ອງມາແຈ້ງຕໍ່ເຈົ້າໜ້າທີ່ ແລະ ໄດ້ມອບ-ຮັບ ລົດຈໍານວນ 3 ຄັນຄືນໃຫ້ເຈົ້າຂອງຢ່າງຖືກຕ້ອງຕາມກົດໝາຍ.

ແຫຼ່ງຂ່າວ ປ້ອງກັນຄວາມສະຫງົບ ແຂວງບໍລິຄຳໄຊ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...