spot_img
Homeຂ່າວຄາດຕະກຳນໍາຕົວ ທ້າວ ຄໍາສາຍ ຈໍາລອງເຫດການກໍ່ເຫດຄາດຕະກໍາ ເຈົ້າຂອງຮ້ານເຫຼັກເສດ

ນໍາຕົວ ທ້າວ ຄໍາສາຍ ຈໍາລອງເຫດການກໍ່ເຫດຄາດຕະກໍາ ເຈົ້າຂອງຮ້ານເຫຼັກເສດ

Published on

ໃນວັນທີ 14 ມິຖຸນາ 2023 ຜ່ານມາ, ເຈົ້າໜ້າທີ່ ປກສ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ນຳຕົວ ທ້າວ ຄຳສາຍ ຜູ້ຖືກຫາຄາດຕະກຳເຈົ້າຂອງຮ້ານຮັບຊື້ເຫຼັກເສດ ມາຈຳລອງເຫດການຄືນເພື່ອປະກອບໃສ່ສໍານວນເອກະສານຄຳຮັບສາລະພາບ ເພື່ອສົ່ງໃຫ້ໄອຍະການສັ່ງຟ້ອງສານຕັດສິນຕາມກົດໝາຍ.

ໃນວັນທີ 9 ມິຖຸນາ 2023 ເຈົ້າໜ້າທີ່ ປກສ ເມືອງຫາດຊາຍຟອງ ໄດ້ຮັບແຈ້ງຈາກປະຊາຊົນວ່າ ມີຄົນເສຍຊີວິດເປັນເພດຍິງ ຢູ່ຮ້ານຮັບຊື້ເຫຼັກເສດ ເຊິ່ງເປັນເຈົ້າຂອງຮ້ານ ຢູ່ບ້ານສາລະຄຳເໜືອ ເມືອງຫາດຊາຍຟອງ ນະຄອນຫຼວງວຽງຈັນ, ເຈົ້າໜ້າທີ່ຈິ່ງໄດ້ສົບທົບກັບ ພາກສ່ວນທີ່ກ່ຽວຂ້ອງເຂົ້າຊັນນະສູດຫຼັກຖານ ພົບເຫັນ ຄົນເສຍຊີວິດ 1 ຄົນ ເປັນເພດຍິງ ມີຮ່ອງຮອຍຖືກທຳຮ້າຍ ຮ່າງກາຍຫຼາຍຈຸດ; ເຈົ້າໜ້າທີ່ຈິ່ງໄດ້ເກັບກຳຂໍ້ມູນຫຼັກຖານ ສືບຫາເປົ້າໝາຍ, ມາຮອດວັນທີ 12 ມິຖຸນາ ຈິ່ງຈັບຕົວເປົ້າໝາຍໄດ້ ແລະ ນຳຕົວມາສືບສວນ-ສອບສວນ.

ພັທ ບຸນມີ ກັນຕິຍາວົງ ຮອງຫົວໜ້າ ປກສ ເມືອງຫາດຊາຍຟອງ ໃຫ້ຮູ້ວ່າ: ຜູ້ຖືກຫາຊື່ ທ້າວ ຄຳສາຍ ໄດ້ສາລະພາບວ່າ ໃນມື້ເກີດເຫດ ເວລາປະມານ 7-8 ໂມງແລງ ຜູ້ກ່ຽວໄດ້ເອົາເຫຼັກໄປຂາຍໃຫ້ນາງ ຫງວຽນ ຖິ ແທັງ ສັນຊາດຫວຽດນາມ ທີ່ຕັ້ງຮ້ານຮັບຊື້ເຫຼັກເສດຢູ່ບ້ານສາລະຄຳເໜືອ ແຕ່ຜູ້ເສຍຊີວິດບໍ່ຮັບຊື້ເພາະມັນເດິກແລ້ວ ແລະ ຢ້ານຖືກຂອງໂຈນລັກມາ, ຈາກນັ້ນ ກໍມີການຜິດຖຽງກັນ ທ້າວ ຄຳສາຍ ຈິ່ງເກີດຄວາມໂມໂຫ ແລ້ວເອົາເຫຼັກເສດທຸບບໍລິເວນຫົວ ແລະ ໃບໜ້າ 6 ບາດ ເຮັດໃຫ້ຜູ້ເສຍຊີວິດໄດ້ຮັບບາດເຈັບສາຫັດ ແລ້ວຜູ້ກ່ຽວກໍຫຼົບໜີ, ສ່ວນ ນາງ ຫງວຽນ ຖິ ແທັງ ແມ່ນຖືກນໍາສົ່ງ ໂຮງໝໍ ແລະ ເສຍຊີວິດໃນເວລາຕໍ່ມາ.
ທີ່ມາ: ປກສ ນະຄອນຫຼວງ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...