spot_img
Homeຂ່າວພາຍ​ໃນປະຊາຊົນຢູ່ເຂດເມືອງອາດສະພອນຈະໄດ້ໃຊ້ໄຟຟ້າທ້າຍປີນີ້

ປະຊາຊົນຢູ່ເຂດເມືອງອາດສະພອນຈະໄດ້ໃຊ້ໄຟຟ້າທ້າຍປີນີ້

Published on

ເພື່ອສ້າງຄວາມໝັ້ນໃຈໃຫ້ແກ່ປະຊາຊົນຢູ່ເຂດຈຸດສຸມ ແກ້ງມຸມ ເມືອງອາດສະພອນ ແຂວງສະຫວັນນະເຂດ ໃນການຕິດຕັ້ງລະບົບໄຟຟ້າ ເພື່ອນຳໃຊ້ໃນຄົວເຮືອນ ແລະ ທຳການຜະລິດ, ຄ້າຂາຍ. ດັ່ງນັ້ນ ມາໃນວັນທີ 8 ມິຖຸນາ 2023 ທ່ານ ຄຳຜຸຍ ສີບຸນເຮືອງ ຫົວໜ້າພະແນກແຜນການ-ການລົງທຶນແຂວງ ພ້ອມດ້ວຍພະແນກການທີ່ກ່ຽວຂ້ອງໄດ້ລົງຕິດຕາມ ເບິ່ງຄວາມຄືບໜ້າຂອງບໍລິສັດ ທີ່ຮັບຕິດຕັ້ງລະບົບໄຟຟ້າຢູ່ເຂດຈຸດສຸມດັ່ງກ່າວ, ເຊິ່ງປະຊາຊົນ ຢູ່ເຂດນີ້ໄດ້ມີການຄອງຄອຍມາຕັ້ງຫຼາຍປີແລ້ວ.

ເຂດຈຸດສຸມແກ້ງມຸມເມືອງ ອາດສະພອນ ຕັ້ງຢູ່ຫ່າງຈາກເທສະບານແຂວງປະມານ 100 ກວ່າ ກິໂລແມັດ, ເສັ້ນທາງເລກທີ 10 (ເສັ້ນທາງແຕ່ເຊໂນ ເມືອງອຸທຸມພອນ-ນາຍົມ ເມືອງວິລະບູລີ) ເຊິ່ງທາງເສັ້ນດັ່ງກ່າວ ພວມໄດ້ຮັບການຍົກລະດັບດ້ວຍການປູຢາງສອງຊັ້ນ (ສຳເລັດແລ້ວ 27 ກິໂລແມັດ), ຈຸດສຸມແຫ່ງນີ້ບໍ່ແມ່ນຈຸດສຸມສອກຫຼີກ, ແຕ່ເປັນຈຸດສຸມ ຫ່າງໄກ, ລະບົບຕາຄ່າຍໄຟຟ້າຍັງໄປບໍ່ຮອດ, ດັ່ງນັ້ນ ທ່ານເຈົ້າແຂວງສະຫວັນນະເຂດ ຈຶ່ງໄດ້ຈັດສັນງົບປະມານຈຳນວນໜຶ່ງ ເພື່ອໃຫ້ປະຊາຊົນໄດ້ນຳໃຊ້ໄຟຟ້າໃຊ້ເຂົ້າໃນຊີວິດປະຈຳວັນ.

ປະທານບໍລິສັດທະນາວັດ ການໄຟຟ້າ ເຊິ່ງເປັນຜູ້ລົງທຶນຕິດຕັ້ງໄຟຟ້າ ໄດ້ລາຍງານໃຫ້ຮູ້ວ່າ: ມາຮອດປະຈຸບັນ, ການກະກຽມອຸປະກອບສຳລັບການຕິດຕັ້ງສຳເລັດແລ້ວ 70%, ເຊິ່ງການຕິດຕັ້ງ ແມ່ນເລີ່ມແຕ່ບ້ານດົງນາສານ ໄປຫາຈຸດສຸມແກ້ງມຸມ ແລະ ໄປສິ້ນສຸດຢູ່ບ້ານສົບເຊ, ມີລວງຍາວ ທັງໝົດ 40 ກິໂລແມັດ, ໃນນັ້ນ ໄດ້ສ້າງຕາຂ່າຍໄຟຟ້າແຮງກາງ ຍາວ 40.000 ແມັດ, ໝໍແປງ 14 ໜ່ວຍ ພ້ອມດ້ວຍການຕິດຕັ້ງຕາຂ່າຍ ແຮງຕ່ຳໃນແຕ່ລະບ້ານ ຈຳນວນ 14 ບ້ານ, ຄາດວ່າໃນທ້າຍປີ 2023 ປະຊາຊົນຈະຕ້ອງໄດ້ໃຊ້ ໄຟຟ້າແນ່ນອນ, ເນື່ອງຈາກວ່າໄລຍະນີ້ທາງບໍລິສັດແມ່ນພົບຄວາມ ຫຍຸ້ງຍາກໃນດ້ານເສັ້ນທາງໃນ ການຂົນສົ່ງອຸປະກອນ, ເພາະເປັນ ຊ່ວງລະດູຝົນເຮັດໃຫ້ການຂົນສົ່ງ ບໍ່ຮັບປະກັນຍ້ອນເສັ້ນທາງດັ່ງ ກ່າວເປັນຂົວໄມ້ທີ່ບໍ່ຮັບປະກັນ.

ແຫຼ່ງຂ່າວ ສະຫວັນພັດທະນາ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...