spot_img
Homeຂ່າວພາຍ​ໃນກອງປະຊຸມທາບທາມຮ່າງກົດໝາຍວ່າດ້ວຍເຂດເສດຖະກິດພິເສດ

ກອງປະຊຸມທາບທາມຮ່າງກົດໝາຍວ່າດ້ວຍເຂດເສດຖະກິດພິເສດ

Published on

ວັນທີ 26 ພຶດສະພາ 2023 ທີ່ຫ້ອງການສົ່ງເສີມ ແລະ ຄຸ້ມຄອງເສດຖະກິດພິເສດ ກະຊວງແຜນການ ແລະ ການລົງທຶນ (ຜທ) ຈັດກອງປະຊຸມທາບທາມຮ່າງກົດໝາຍວ່າດ້ວຍເຂດເສດຖະກິດພິເສດ ເປັນປະທານຂອງທ່ານ ຄຳຈັນ ວົງແສນບູນ ຮອງລັດຖະມົນຕີກະຊວງ ຜທ ມີທ່ານ ສອນປະເສີດ ດາລາວົງ ຫົວໜ້າຫ້ອງການສົ່ງເສີມ ແລະ ຄຸ້ມຄອງເສດຖະກິດພິເສດ ພ້ອມຫົວໜ້າກົມ ຫົວໜ້າຫ້ອງການ ຫົວໜ້າພະແນກການ 4 ແຂວງພາກກາງ ແລະ ສະພາປະຊາຊົນແຂວງເຂົ້າຮ່ວມ.

ຈຸດປະສົງກອງປະຊຸມຄັ້ງນີ້ ເພື່ອປຶກສາຫາລື ແລະ ປະກອບຄໍາເຫັນຕໍ່ເນື້ອໃນຂອງຮ່າງກົດໝາຍ ເພື່ອທາບທາມແນວຄວາມຄິດ ແລະ ວິໄສທັດໃນການສ້າງກົດໝາຍວ່າດ້ວຍເຂດເສດຖະກິດພິເສດ ໃຫ້ມີຄວາມເປັນເອກະພາບ ແລະ ເປັນບ່ອນອີງໃນການຄົ້ນຄວ້າຮ່ວມກັນ ເພື່ອເຮັດໃຫ້ຮ່າງກົດໝາຍດັ່ງກ່າວ ມີຄວາມຮັດກຸມຖືກຕ້ອງ ແລະ ສອດຄ່ອງກັບສະພາບການພັດທະນາຂອງເຂດເສດຖະກິດພິເສດໃນແຕ່ລະໄລຍະກອງປະຊຸມຈຶ່ງໄດ້ຮ່ວມກັນຄົ້ນຄວ້າ ປະກອບຄຳຄິດຄຳເຫັນ ແລະ ທົບທວນຄືນບາງຈຸດສຳຄັນດັ່ງນີ້:

  1. ການກໍານົດເປົ້າໝາຍໃນການສ້າງຕັ້ງເຂດເສດຖະກິດພິເສດ ແມ່ນເພື່ອເປັນບ່ອນສ້າງລາຍຮັບໃຫ້ປະເທດຊາດ ສ້າງພື້ນຖານໂຄງລ່າງ ສ້າງວຽກເຮັດງານທຳ ແລະ ອື່ນໆ ໂດຍມີຄວາມສອດຄ່ອງຕາມແຜນພັດທະນາເສດຖະກິດ-ສັງຄົມ ໃນແຕ່ລະໄລຍະ
  2. ການກຳນົດຈຸດທີ່ຕັ້ງຂອງເຂດເສດຖະກິດພິເສດ ແມ່ນໃຫ້ອີງໃສ່ຈຸດພິເສດທີ່ຕັ້ງຂອງປະເທດເຮົາ ລວມທັງທ່າແຮງທີ່ເອື້ອຍອຳນວຍອື່ນໆ ໂດຍສອງຄ່ອງກັບແຜນການນໍາໃຊ້ທີ່ດິນແຫ່ງຊາດ
  3. ການກໍານົດນະໂຍບາຍສົ່ງເສີມໃນເຂດເສດຖະກິດພິເສດ ກໍຄວນໃຫ້ມີຄວາມພິເສດທີ່ແຕກຕ່າງຈາກນອກເຂດ ເພື່ອສາມາດແຂ່ງຂັນກັບບັນດາປະເທດໃກ້ຄຽງ ແລະ ພາກພື້ນ ໃນດຶງດູດການລົງທຶນ ແລະ
  4. ການຄຸ້ມຄອງວຽກງານເຂດເສດຖະກິດພິເສດ ໂດຍສະເພາະແມ່ນວຽກງານບໍລິການການລົງທຶນປະຕູດຽວ ເຊິ່ງຕ້ອງໄດ້ຮັບການຮ່ວມມື ແລະ ເຂົ້າໃຈຈາກຂະແໜງການທີ່ກ່ຽວຂ້ອງ ເພື່ອໃຫ້ມີປະສິດທິພາບ ແລະ ປະສິດທິຜົນ ໃນການຈັດຕັ້ງປະຕິບັດ ເພື່ອໃຫ້ສາມາດຕອບສະໜອງ ແລະ ບໍລິການແກ່ຜູ້ລົງທຶນໃຫ້ສົມກັບການເປັນເຂດເສດຖະກິດພິເສດ ຮັບປະກັນຄວາມວ່ອງໄວ ຖືກຕ້ອງ ໂປ່ງໃສ ແລະ ສາມາດກວດສອບໄດ້.

ແຫຼ່ງຂ່າວ Vientiane Mai

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...