ໃນວັນທີ 22 ພຶດສະພາ 2023 ຜ່ານມາ, ເຈົ້າໜ້າທີ່ໄທ ນຳກຳລັງຈັບກຸມ ທ້າວ ຄານເຊ ແກ້ວບຸນຕາ ອາຍຸ 21 ປີ ສັນຊາດລາວ ຕາມໜາຍຈັບແຂວງຊຽງໃຫມ່ຂໍ້ຫາ: ຮ່ວມກັນສໍ້ໂກງປະຊາຊົນ ແລະ ຮ່ວມກັນເຂົ້າສູ່ລະບົບຄອມພິວເຕີ ເຊິ່ງຂໍ້ມູນອັນເປັນເທັດ ເຊິ່ງໃນການຈັບກຸມຄັ້ງນີ້ ຈັບໄດ້ທີ່ດ່ານກວດຄົນເຂົ້າເມືອງແຂວງໜອງຄາຍ ບ້ານມີໄຊ ແຂວງໜອງຄາຍ ເນື່ອງຈາກກ່ອນໜ້ານີ້ມີຜູ້ເສຍຫາຍເຂົ້າແຈ້ງຄວາມກັບຕຳຫຼວດ ວ່າຖືກ ທ້າວ ຄານເຊ ໃຊ້ບັນຊີເຟສບຸກປອມເປັນຜູ້ຍິງ ເຂົ້າມາຕີສະໜິດ ກ່ອນຊວນໃຫ້ໄປຮ່ວມລົງທຶນລົງທຶນຊັບສິນດິຈິຕອນ ກັບ ແອັບຟິເຄຊັ່ນ Okx888 ໂດຍອ້າງວ່າຜົນຕອບແທນສູງ ຈົນເຫຍື່ອລົງເຊື່ອນຳເງິນຮ່ວມລົງທຶນເກືອບລ້ານບາດ ຈາກນັ້້ນ ທ້າວ ຄານເຊ ກໍເອົາເງິນແລ້ວຫຼົບໜີ.
ພາຍຫຼັງຮັບເລື່ອງດັ່ງກ່າວແລ້ວ, ຈຶ່ງໄດ້ຈັດຕັ້ງກຳລັງລົງພຶ້ນທີ່ເພື່ອຄົ້ນຫາຈຶ່ງຮູ້ວ່າ ພາຍຫຼັງໄດ້ຮັບເງິນຈາກຜູ້ເສຍຫາຍແລ້ວ, ຜູ້ຖືກຫາຈະປ່ຽນຊັບສິນດິຈິຕອນຜ່ານລະບົບ peer to peer ແລກປ່ຽນຊັບສິນດິຈິຕອລຂອງຕ່າງປະເທດ ເຊິ່ງມີມູນຄ່າການເຂົ້າບັນຊີຕ່າງປະເທດຫຼາຍກວ່າ 2,000 ລ້ານກີບ ຫຼື ປະມານ 3,9 ລ້ານບາດ
ທັງນີ້ທາງການ ສປປ ລາວ ຍັງລະບຸວ່າ: ຜູ້ຖືກຫາມີປະຫວັດຄະດີຢາເສບຕິດ, ລັກຊັບ ແລະ ພົວພັນການຟອກເງິນ ໃຫ້ກຸ່ມ ທຸລະກິດສີເທົາໃນ ສປປ ລາວ ເຊິ່ງທາງເຈົ້າໜ້າທີ່ຕຳຫຼວດ ກໍຕ້ອງການໂຕຜູ້ຖືກຫາ ແຕ່ການຕິດຕາມຕົວເປັນໄປໄດ້ຍາກ ເນື່ອງຈາກຜູ້ກ່ຽວບໍ່ມີທີ່ຢູ່ເປັນຫຼັກແຫຼ່ງ ແລະ ມັກຂ້າມໄປມາລະຫວ່າງສອງປະເທດ ເພື່ອຫາເຫຍື່ອມາລົງທຶນ, ຈາກນັ້ນ ເຈົ້າໜ້າທີ່ຈຶ່ງໄດ້ຮວບຮວມຫຼັກຖານເພື່ອຮ້ອງຂໍໃຫ້ສານອອກໝາຍຈັບກ່ອນຮູ້ວ່າ ທ້າວ ຄານເຊ ກໍາລັງກະກຽມອອກຈາກປະເທດ ຈຶ່ງໄດ້ນຳກຳລັງເຂົ້າຈັບຕົວຜູ້ກ່ຽວ ຈາກການສອບສວນ ຜູ້ກ່ຽວຮັບສາລະພາບ ດັ່ງນັ້ນ, ຈຶ່ງໄດ້ນຳຕົວໄປດຳເນີນຄະດີຕາມກົດໝາຍ.
ທີ່ມາ: ເດລີນິວ ອອນລາຍ