spot_img
Homeຂ່າວຢາເສບຕິດລົດຂົນຢາໄອຣ໌ ຜ່າດ່ານກວດ ສຸດທ້າຍຖິ້ມລົດແລ້ວລົບໜີ

ລົດຂົນຢາໄອຣ໌ ຜ່າດ່ານກວດ ສຸດທ້າຍຖິ້ມລົດແລ້ວລົບໜີ

Published on

ໃນວັນທີ 10 ພຶດສະພາ 2023 ຜ່ານມາ, ທາງຄະນະພັກ, ຄະນະກອງບັນຊາການ ປກສ ເມືອງ ຫ້ວຍຊາຍ ໄດ້ຊີ້ນຳ ອ້າຍ-ນ້ອງ ວິຊາສະເພາະພະແນກຕຳຫຼວດ ລົງໄປຕັ້ງຈຸດກວດກາຊົ່ວຄາວເພື່ອແນໃສ່ແກ້ໄຂບັນຫາປະກົດການຫຍໍ້ທໍ້ພາຍໃນຕົວ ເມືອງ ຫ້ວຍຊາຍ, ໄດ້ລົງຕັ້ງຈຸດກວດກາ ຕາມຂອບເຂດທີ່ກອງບັນຊາການ ປກສ ແຂວງ ໄດ້ກໍາໜົດໃຫ້ຄຶ: ຈຸດບ້ານ ດອນ, ເມືອງ ຫ້ວຍຊາຍ, ແຂວງ ບໍ່ແກ້ວ ມີພະນັກງານລົງປະຕິບັດໜ້າທີ່ ຄັ້ງນີ້ 06 ສະຫາຍ ເລີ່ມຕັ້ງຈຸດກວດກາແຕ່ 06 ໂມງ, 30 ນາທີ ຂອງວັນທີ 10 ພຶດສະພາ 2023.

ຈົນຮອດເວລາ 03 ໂມງ , 45 ນາທີຕອນເຊົ້າ , ຂອງວັນທີ 11 ພຶດສະພາ 2023 , ແມ່ນໄດ້ມີລົດຮຸນໄດ່ ຈຳນວນ 01 ຄັນ, ສີປອນເງິນ , ບໍ່ໄດ້ຕິດປ້າຍທະບຽນ ແລ່ນມາດ້ວຍຄວາມໄວມາຈາກທາງຫ້ວຍຊາຍ ມຸ່ງໜ້າລົງໄປທາງບ້ານດ່ານ, ເມືອງ ຫ້ວຍຊາຍ, ແຂວງ ບໍ່ແກ້ວ , ທາງເຈົ້າໜ້າທີ່ພວກເຮົາຈຶ່ງໄດ້ສະແດງຕົວເພື່ອກວດກາຕາມປົກກະຕິ ໂດຍລຸກຂຶ້ນສົ່ງສັນຍານລົດໃຫ້ຈອດພ້ອມທັງເປົ່າໝາກຫວີດ , ແຕ່ລົດຄັນດັ່ງກ່າວບໍ່ຍອມຈອດ ແລ້ວແລ່ນກາຍຈຸດກວດກາດ້ວຍຄວາມໄວ.

ດັ່ງນັ້ນ ທາງເຈົ້າໜ້າທີ່ພວກເຮົາ ຈຶ່ງໄດ້ຂີ່ລົດນຳລົດຮຸນໄດ່ຄັນດັ່ງກ່າວ, ຈາກຈຸດກວດກາມາຮອດຈຸດລະເບີດຫີນ ກ້ອງ ບ້ານ ດອນ ປະມານ 02 ຫຼັກ , ແມ່ນໄດ້ເຫັນ ລົດຮຸນໄດ່ ຄັນດັ່ງກ່າວຫຼຸດໂຄ້ງ ຕົກຮ່ອງຂ້າງທາງເບື້ອງຊ້າຍມື ໃນສະພາບທີ່ມອດຈັກລົດ ແລະ ໄຂປະຕູເບື້ອງຄົນຂັບປະໄວ້, ແຕ່ບໍ່ເຫັນຜູ້ຂັບຂີ່, ທາງເຈົ້າໜ້າທີ່ພວກເຮົາຈຶ່ງໄດ້ສ່ອງເບິ່ງລົດຄັນດັ່ງກ່າວ ເຫັນວ່າມີເປົາລາຍຢູ່ທາງຫຼັງກະບະລົດ ຈຳນວນ 02 ເປົາ , ເຫັນມີເປົາຢູ່ໃນຫ້ອງຄົນຂັບ ຈຳນວນ 06 ເປົາ ແລະ ບາໂຫຼ້ ທະຫານຈຳນວນ 02 ໜ່ວຍ , ລວມທັງໝົດ 08 ເປົາ , 02 ບາໂຫຼ້ ທະຫານ ສົງໃສແມ່ນຢາເສບຕິດ.

ຈາກນັ້ນໄດ້ລາຍງານຂໍທິດຊີ້ນຳຈາກ ປກສ ເມືອງຫ້ວຍຊາຍ ແລະ ປະສານຫາຮາກຖານປະຈຳຢູ່ບ້ານ ດອນ ໃນຄະນະດຽວກັນນັ້ນ ແມ່ນໄດ້ມີ ທະຫານຄໍ 123 ລາດຕະເວນມາພໍດີ ຈຶ່ງໄດ້ພ້ອມກັນຄວບຄຸມພື້ນທີ່ດັ່ງກ່າວໄວ້ລໍຖ້າຄະນະກອງ ລົງກວດກາຕົວຈິງ ແລ້ວກໍໄດ້ພາກັນຍູ້ລົດ ຂຶ້ນມາເສັ້ນທາງເພື່ອກວດກາ ເຫັນວ່າແມ່ນຢາເສບຕິດ ປະເພດ ຢາໄອ໌ສແທ້, ຈາກນັ້ນຈຶ່ງໄດ້ນຳລົດຄັນດັ່ງກ່າວ ພ້ອມດ້ວຍຂອງກາງ ຂຶ້ນກອງບັນຊາການ ປກສ ເມືອງ ພ້ອມກວດກາ, ຜ່ານການກວດກາແມ່ນສາມາດພົບເຫັນຢາເສັບຕິດປະເພດ (ຢາໄອ໌ສ) ຈຳນວນ 150 ຫໍ່, ດັ່ງນັ້ນທາງກອງບັນຊາການ ປກສ ເມືອງ ຫ້ວຍຊາຍ ຈຶ່ງໄດ້ສ້າງບົດບັນທຶກ ມອບຢາເສບຕິດດັ່ງກ່າວ ພ້ອມກັບລົດໃຫຍ່ ຮຸນໄດ່ 01 ຄັນ , ໃຫ້ພະແນກສະກັດກັ້ນ ແລະ ຕ້ານ ຢາເສບຕິດ ປກສ ແຂວງ ບໍ່ແກ້ວ ໄປເກັບຮັກສາ ແລະ ສືບຕໍ່ດຳເນີນຄະດີ ເພື່່ອຊອກຫາຜູ້ກະທຳຜິດມາດຳເນີນຄະດີຕາມລະບຽບກົດໝາຍ.

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...