spot_img
Homeຂ່າວທ້ອງຖິ່ນພ້ອມໃຫ້ບໍລິການ ແລະແຈ້ງລາຄາຄົບທຸກສາຍ!

ພ້ອມໃຫ້ບໍລິການ ແລະແຈ້ງລາຄາຄົບທຸກສາຍ!

Published on

ສະຖານີຂົນສົ່ງໂດຍສານທາງໄກສາຍໃຕ້-ສາຍຕ່າງປະເທດ ນະຄອນຫຼວງວຽງຈັນ ມີຄວາມພ້ອມຮອບດ້ານບໍ່ວ່າຈະເປັນການສະໜອງລົດໂດຍສານ, ດ້ານເຕັກນິກ, ຄວາມປອດໄພ, ສະຖານທີ່ຮອງຮັບຜູ້ໂດຍສານ ແລະ ອື່ນໆ ເພື່ອຮອງຮັບຜູ້ໂດຍສານທີ່ຈະເຂົ້າມາໃຊ້ບໍລິການ ໃນໄລຍະສະເຫລີມສະຫລອງ ສົ່ງທ້າຍປີເກົ່າ ພສ 2565 ແລະ ຕ້ອນຮັບປີໃໝ່ ພສ 2566 ໃຫ້ໄດ້ກັບຄືນຖິ່ນຖານ, ບ້ານເກີດ ດ້ວຍຄວາມສະຫວັດດີພາບ.

ທ່ານ ສຸກສະຫວາດ ສີສຸກ ຜູ້ຈັດການທົ່ວໄປ ສະຖານີຂົນສົ່ງໂດຍສານທາງໄກສາຍໃຕ້-ສາຍຕ່າງປະເທດ ນະຄອນຫລວງວຽງຈັນ ໃຫ້ສຳພາດຕໍ່ສື່ມວນຊົນ ໃນວັນທີ 11 ເມສາ 2023 ນີ້ວ່າ: ສະຖານີຂົນສົ່ງໂດຍສານທາງໄກສາຍໃຕ້-ສາຍຕ່າງປະເທດ ມີຄວາມພ້ອມຮອບດ້ານ ທີ່ຈະຂົນສົ່ງຜູ້ ໂດຍສານ ຈາກນະຄອນຫລວງວຽງຈັນ ໄປຍັງບັນດາແຂວງພາກໃຕ້ ຂອງ ສປປ ລາວ ໃນໄລຍະສະຫລອງປີໃໝ່ລາວ ໂດຍຈະເພີ່ມຖ້ຽວລົດຈາກມື້ປົກກະຕິ 60 ກວ່າຖ້ຽວຕໍ່ວັນ, ເປັນ 80 ຖ້ຽວຕໍ່ວັນ. ສຳລັບ ດ້ານຄວາມປອດໄພ ໃນການເດີນທາງຂອງຜູ້ໂດຍສານ, ສະຖານີຂົນສົ່ງໂດຍສານທາງໄກສາຍໃຕ້-ສາຍຕ່າງປະເທດ ໄດ້ຮ່ວມກັບພະແນກໂຍທາທິການ ແລະ ຂົນສົ່ງ ນະຄອນຫລວງວຽງຈັນ ຈັດຄະນະກວດກາເຕັກນິກລົດໂດຍສານທຸກຄັນ ກ່ອນຈະອອກລົດ, ຖ້າຄັນໃດບໍ່ຜ່ານເຕັກນິກ ແມ່ນຈະບໍ່ໃຫ້ແລ່ນໂດຍສານຢ່າງເດັດຂາດ.

ສຳລັບລາຄາແມ່ນປະຕິບັນຕາມກະຊວງໂຍທາທິການ ແລະ ຂົນສົ່ງ ວາງອອກ, ຈະບໍ່ມີການຂຶ້ນລາຄາໂດຍສານແຕ່ຢ່າງໃດ ເປັນຕົ້ນ

ລາຄາລົດທຳມະດາ ວຽງຈັນ-ປາກຊັນ 80 ພັນກີບ, ວຽງຈັນ-ຫລັກ 20 ລາຄາ 150.000 ກີບ, ວຽງຈັນ-ເຊໂປນ 240.000 ກີບ (ລົດດ່ວນ 1 ລາຄາ 300.000 ກີບ, ລົດດ່ວນ 2 ລາຄາ 280.000 ກີບ), ວຽງຈັນ-ເມືອງໄຊຈຳພອນ 210.000 ກີບ, ວຽງຈັນ-ນ້ຳທອນ 95 ພັນກີບ, ວຽງຈັນ-ວຽງທອງ 160.000 ກີບ, ວຽງຈັນ-ກອງລໍ 140.000 ກີບ, ວຽງຈັນ-ທ່າແຂກ 120.000 ກີບ (ລົດດ່ວນ 1 ລາຄາ 150.000 ກີບ, ລົດດ່ວນ 2 ລາຄາ 130.000 ກີບ), ວຽງຈັນ-ນາກາຍ 150.000 ກີບ, ວຽງຈັນ-ສະຫວັນ 170.000 ກີບ (ລົດດ່ວນ 1 ລາຄາ 220.000 ກີບ, ລົດດ່ວນ 2 ລາຄາ 200.000 ກີບ), ວຽງຈັນ-ປາກເຊ 240.000 ກີບ(ລົດດ່ວນ1 ລາຄາ 290.000 ກີບ, ລົດດ່ວນ 2 ລາຄາ 280.000 ກີບ), ວຽງຈັນ-ສາລະວັນ 230.000 ກີບ(ລົດດ່ວນ1 ລາຄາ 300.000 ກີບ, ລົດດ່ວນ 2 ລາຄາ 280.000 ກີບ), ວຽງຈັນ-ເຊກອງ 260.000 ກີບ(ລົດດ່ວນ 1 ລາຄາ 320.000 ກີບ, ລົດດ່ວນ 2 ລາຄາ 300.000 ກີບ), ວຽງຈັນ-ອັດຕະປື 300.000 ກີບ (ລົດດ່ວນ 1 ລາຄາ 400.000 ກີບ, ລົດດ່ວນ 2 ລາຄາ 350.000 ກີບ), ວຽງຈັນ-ດອນຕະລາດ 280.000 ກີບ, ວຽງຈັນ-ດອນໂຂງ 315.000 ກີບ, ວຽງຈັນ-ເວີນຄາມ 310.000 ກີບ, ວຽງຈັນ-ຊຽງຂວາງ 180.000 ກີບ(ລົດດ່ວນ 1 ລາຄາ 220.000 ກີບ, ລົດດ່ວນ 2 ລາຄາ 200.000 ກີບ).

ທີ່ມາ: ປະເທດລາວ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...