spot_img
Homeຂ່າວພາຍ​ໃນແຜນປະຕິບັດງານພາຍໃຕ້ຂອບການຮ່ວມມືດ້ານພະລັງງານ ລະຫວ່າງ ຍີ່ປຸ່ນ-ສ.ອາເມລິກາ-ປະເທດແມ່ນໍ້າຂອງ (JUMPP)

ແຜນປະຕິບັດງານພາຍໃຕ້ຂອບການຮ່ວມມືດ້ານພະລັງງານ ລະຫວ່າງ ຍີ່ປຸ່ນ-ສ.ອາເມລິກາ-ປະເທດແມ່ນໍ້າຂອງ (JUMPP)

Published on

ໃນວັນທີ 6 ເມສາ 2023 ທີ່ກອງປະຊຸມເຈົ້າໜ້າທີ່ອາວຸໂສປະເທດເພື່ອນແມ່ນໍ້າຂອງ ຢູ່ນະຄອນຫຼວງວຽງຈັນ ສປປ ລາວ, ສະຫະລັດ ອາເມລີກາ, ຍີ່ປຸ່ນ ພ້ອມດ້ວຍ ກໍາປູເຈຍ, ສປປ ລາວ, ໄທ ແລະ ຫວຽດນາມ ໄດ້ປະກາດແຜນປະຕິບັດງານພາຍໃຕ້ຂອບການຮ່ວມມືດ້ານພະລັງງານ ລະຫວ່າງ ຍີ່ປຸ່ນ-ສ.ອາເມລິກາ-ປະເທດແມ່ນໍ້າຂອງ (JUMPP) ເຊິ່ງແມ່ນເອກະສານລາຍລະອຽດທີ່ກໍານົດບັນດາໂຄງການ ແລະ ກິດຈະກໍາບູລິມະສິດ ໃນການຮ່ວມມືດ້ານວິຊາການ ເພື່ອຊ່ວຍໃຫ້ບັນດາປະເທດແມ່ນໍ້າຂອງ ບັນລຸເປົ້າໝາຍກ່ຽວກັບການນໍາໃຊ້ພະລັງງານສະອາດ, ການສົ່ງຂາຍພະລັງງານໄຟຟ້າຂ້າມແດນ ແລະ ການພັດທະນາຕະຫຼາດພະລັງງານພາຍໃນປະເທດ ແລະ ພາກພື້ນ.

ການຊ່ວຍເຫຼືອດ້ານວິຊາການທີ່ໄດ້ກໍານົດໄວ້ໃນຂອບການຮ່ວມມື JUMPP ປະກອບດ້ວຍ: ການປະເມີນດ້ານເຕັກນິກ ເພື່ອອໍານວຍຄວາມສະດວກວຽກງານການເຊື່ອມສານພະລັງງານລົມ, ແສງອາທິດ ແລະ ການກັກເກັບພະລັງງານໄຟຟ້າດ້ວຍແບັດເຕີລີ ເຂົ້າລະບົບສາຍສົ່ງ, ການວິເຄາະຕະຫຼາດພະລັງງານ ແລະ ແຜນເພີ່ມທະວີການນໍາໃຊ້ພະລັງງານສະອາດ, ການໃຫ້ຄໍາປຶກສາ ເພື່ອນໍາໃຊ້ຕາຂ່າຍໄຟຟ້າຂ້າມແດນ ທີ່ມີໃນປະຈຸບັນ ໃນເກີດປະໂຫຍດສູງສຸດ, ການສ້າງຄວາມອາດສາມາດ, ການແລກປ່ຽນດ້ານລະບຽບການຄຸ້ມຄອງຈາກຄູ່ຮ່ວມງານ, ຄໍາແນະນໍາດ້ານວິຊາການ ກ່ຽວກັບສັນຍາສໍາປະທານ ເພື່ອດຶງດູດການລົງທຶນໂຄງລ່າງພື້ນຖານດ້ານພະລັງງານສະອາດ ແລະ ການໄປທັດສະນະແລກປ່ຽນທີ່ສະຫະລັດອາເມລິກາ ເພື່ອຮຽນຮູ້ວິທີການປະຕິບັດທີ່ດີທີ່ສຸດ ຈາກບັນດາຕະຫຼາດພະລັງງານ, ບໍລິສັດ ແລະ ໜ່ວຍງານຄຸ້ມຄອງ ຂອງສະຫະລັດອາເມລິກາ. 

ຂອບການຮ່ວມມື JUMPP ໄດ້ເປີດໂຕໃນ ປີ 2019 ເພື່ອສະໜັບສະໜູນການຮ່ວມມືລະຫວ່າງປະເທດແມ່ນໍ້າຂອງ-ສະຫະລັດ ອາເມລິກາ ແລະ ໂຄງການລິເລີ່ມ Clean EDGE (ເສີມຂະຫຍາຍການພັດທະນາ ແລະ ການເຕີບໂຕ ໂດຍຜ່ານ ວຽກງານດ້ານພະລັງງານ) ຢູ່ອາຊີ, ຂອບການຮ່ວມມື JUMPP ເສີມຂະຫຍາຍຄວາມອາດສາມາດໃຫ້ອົງກອນ ເພື່ອພັກດັນການກ້າວຜ່ານສູ່ພະລັງງານສະອາດ, ການຄ້າຂາຍພະລັງງານໄຟຟ້າໃນພາກພື້ນ ແລະ ການປະຕິຮູບຕະຫຼາດພະລັງງານ ເພື່ອສ້າງການແຂ່ງຂັນໃນຕະຫຼາດ, ສ້າງເງື່ອນໄຂການນໍາໃຊ້ພະລັງງານສະອາດ ແລະ ການລະດົມການລົງທຶນ.

ເພື່ອຊ່ວຍໃຫ້ບັນດາລັດຖະບານຄຸ່ຮ່ວມມືຂອງບັນດາປະເທດແມ່ນໍ້າຂອງ ມີຄວາມເຊື່ອໝັ້ນ ໃນການເຊື່ອມສານພະລັງງານທາງເລືອກ, ພາຫະນະໄຟຟ້າ ແລະ ການກັກເກັບພະລັງງານໄຟຟ້າດ້ວຍແບັດເຕີລີ; ດຶງດູດການລົງທຶນທີ່ມີຄຸນະພາບສູງ; ເພີ່ມການຄ້າຂາຍໄຟຟ້າຂ້າມແດນ; ແລະ ພັດທະນາຄວາມສາມາດຊັບພະຍາກອນມະນຸດ, ແຜນງານຮ່ວມມື JUMPP ສ້າງຄວາມກ້າວໜ້າ ເພື່ອບັນລຸບັນດາເປົ້າໝາຍຮ່ວມ ຄື ການເພີ່ມຄວາມໝັ້ນຄົງ, ຄວາມຢືດຢຸ່ນ ແລະ ຄວາມຮັ່ງມີ ດ້ານພະລັງງານໃນພາກພື້ນ. ເປົ້າໝາຍເຫຼົ່ານີ້ ແມ່ນຄໍາໝັ້ນສັນຍາຮ່ວມ ທີ່ຮອງປະທານາທິບໍດີ ທ່ານ ຄາມາລາ ແຮຣິສ ໄດ້ເນັ້ນໜັກ ໃນເວລາທີ່ທ່ານໄດ້ເດີນທາງມາຢ້ຽມຢາມປະເທດໄທ ໃນເດືອນພະຈິກ ປີ 2023.  

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...