spot_img
Homeແຈ້ງການສານປະຊາຊົນສູງສຸດ ອອກແຈ້ງການຮັບສະມັກລັດຖະກອນໃໝ່

ສານປະຊາຊົນສູງສຸດ ອອກແຈ້ງການຮັບສະມັກລັດຖະກອນໃໝ່

Published on

ສານປະຊາຊົນສູງສຸດ ກົມຈັດຕັ້ງ-ພະນັກງານ ອອກແຈ້ງການປະກາດຮັບສະຫມັກລັດຖະກອນໃຫມ່ຂອງສານປະຊາຊົນສູງສຸດ ປະຈໍາປີ 2023.

ອີງຕາມ ຂໍ້ຕົກລົງ ຂອງປະທານສານປະຊາຊົນສູງສຸດ ວ່າດ້ວຍ ການຈັດຕັ້ງ ແລະ ການເຄື່ອນໄຫວ ຂອງກົມຈັດຕັ້ງ-ພະນັກງານ ສະບັບເລກທີ 868/ສປສສ, ລົງວັນທີ 22 ທັນວາ 2022; ອີງຕາມ ຄໍາແນະນໍາ ສະບັບເລກທີ 08/ພນ, ລົງວັນທີ 07 ກຸມພາ 2023 ຂອງລັດຖະມົນຕີກະຊວງພາຍ ໃນ ກ່ຽວກັບການຈັດຕັ້ງປະຕິບັດຂໍ້ຕົກລົງ ວ່າດ້ວຍ ການແບ່ງຕົວເລກລັດຖະກອນໃຫມ່ ປະຈໍາປີ 2023; ອີງຕາມ ຄໍາແນະນໍາ ສະບັບເລກທີ 11/ພນ, ລົງວັນທີ 07 ກັນຍາ 2016 ຂອງລັດຖະມົນຕີກະຊວງ ພາຍໃນ ກ່ຽວກັບການຈັດຕັ້ງປະຕິບັດຂໍ້ຕົກລົງ ວ່າດ້ວຍ ການສອບເສັງເຂົ້າເປັນລັດຖະກອນ.

ກົມຈັດຕັ້ງ-ພະນັກງານ ສານປະຊາຊົນສູງສຸດ ຂໍແຈ້ງມາຍັງ ບັນດານັກສຶກສາທີ່ຮຽນຈົບ ວິຊາສະເພາະ ຊັ້ນສູງຂຶ້ນໄປ ທີ່ມີຄວາມສົນໃຈ ຕ້ອງການສະຫມັກເຂົ້າເຮັດວຽກ ຢູ່ສານປະຊາຊົນສູງສຸດ ປະຈໍາປີ 2023 (ຈໍາ ນວນ 02 ຕໍາແຫນ່ງ), ເຊິ່ງມີລາຍລະອຽດດັ່ງນີ້:
1. ຮຽນຈົບລະດັບວິຊາສະເພາະຊັ້ນສູງຂຶ້ນໄປທັງພາຍໃນແລະຕ່າງປະເທດ;
2. ມີປະຫວັດທີ່ຈະແຈ້ງ, ເປັນຄົນຖືສັນຊາດລາວ ແລະ ບໍ່ເຄີຍມີຄະດີມາກ່ອນ; 3. ອາຍຸກະສຽນ 18 ປີຂຶ້ນໄປ ແຕ່ບໍ່ເກີນ 35 ປີ;
4. ເປັນຜູ້ທີ່ດໍາລົງຊີວິດຢູ່ພາຍໃນນະຄອນຫຼວງວຽງຈັນ;
5. ສາມາດນໍາໃຊ້ຄອມພິວເຕີ້ Microsft word ແລະ Excel ໄດ້ເປັນຢ່າງດີ; 6. ມີສຸຂະພາບແຂງແຮງ ສາມາດໄປເຄື່ອນໄຫວວຽກງານຕ່າງໆ ຕາມການຈັດຕັ້ງມອບຫມາຍໃຫ້;
7. ເລີ່ມຂາຍແບບຟອມສະຫມັກສອບເສັງ ແຕ່ວັນທີ 05 ເມສາ 2023 ແລະ ປິດຮັບຄໍາຮ້ອງ ວັນທີ
12 ເມສາ 2023;
8. ສະຖານທີ່ ແລະ ວັນເວລາສອບເສັງ: ວັນທີ 24 ເມສາ 2023, ເວລາ 9:00-16:00 ( ຕອນເຊົ້າ: ພາກຂຽນ ແລະ ຕອນບ່າຍ: ພາກສໍາພາດ) ທີ່ຫ້ອງປະຊຸມຊັ້ນສີ່, ສໍານັກງານສານປະຊາຊົນສູງສຸດ; 9. ການປະກອບເອກະສານ ມີລາຍລະອຽດ ໃນແບບຟອມຄໍາຮ້ອງຂໍສະຫມັກເຮັດວຽກແລ້ວ.
ດັ່ງນັ້ນ, ຈິ່ງແຈ້ງມາຍັງຜູ້ທີ່ມີຄວາມສົນໃຈ ສາມາດພົວພັນເອົາຄໍາຮ້ອງ ນໍາກົມຈັດຕັ້ງ-ພະນັກງານ ສານປະຊາຊົນສູງສຸດ (ໃນໂມງລັດຖະການ).
ຫົວຫນ້າກົມຈັດຕັ້ງ-ພະນັກງານ ເປີໂທຕິດຕໍ່ປະສານງານ:
020 9955 2268 ທ່ານ ນາງ ແພງໃຈ ດວງຄໍາພັນ
020 5633 0008 ທ່ານ ນາງ ເພັດດາວັນ ສີສຸພັນ

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...