spot_img
Homeຂ່າວພາຍ​ໃນຢຶດລໍ້ຂາຍເຄື່ອງຊະຊາຍຢູ່ແຄມທາງທີ່ບໍ່ປະຕິບັດຕາມລະບຽບ

ຢຶດລໍ້ຂາຍເຄື່ອງຊະຊາຍຢູ່ແຄມທາງທີ່ບໍ່ປະຕິບັດຕາມລະບຽບ

Published on

ໃນວັນທີ 21 ມີນາ 2023 ຜ່ານມາ, ຫ້ອງການອຸດສາຫະກຳ ແລະ ການຄ້າເມືອງສີໂຄດຕະບອງ ນະຄອນຫຼວງວຽງຈັນ ໄດ້ສົມທົບກັບຄະນະກຳມະການ ຈັດສັນຄວາມເປັນລະບຽບຮຽບຮ້ອຍ ຂາຍເຄື່ອງຊະຊາຍຢູ່ຕາມແຄມທາງ, ໂດຍອີງຕາມຂໍ້ຕົກລົງເລກທີ 1184/ຈນວ ຂອງເຈົ້າຄອງນະຄອນຫຼວງວຽງຈັນ ວ່າດ້ວຍການຈັດສັນ ຄວາມບໍ່ເປັນລະບຽບຮຽບຮ້ອຍໃນຕົວເມືອງ ແລະ ຊານ ເມືອງ ແລະ ອີງຕາມຂໍ້ຕົກລົງເລກທີ 117/ຈມສບ ຂອງເຈົ້າເມືອງສີໂຄດຕະບອງ ວ່າດ້ວຍການແຕ່ງຕັ້ງຄະນະຮັບຜິດຊອບ ຈັດສັນຄວາມບໍ່ເປັນລະບຽບຮຽບຮ້ອຍ ແກ້ໄຊສິ່ງກີດຂວາງ ແລະ ຄວາມບໍ່ສະອາດຈົບງາມ ໃນຂອບເຂດທົ່ວເມືອງສີຖຄດຕະບອງ.

ຜ່ານການລົງຕິດຕາມຕົວຈິງໄດ້ພົບເຫັນລໍ້ຂາຍເຄື່ອງ ຢູ່ຕາມແຄມທາງ ຖະໜົນເຈົ້າສຸພານຸວົງ ຕໍ່ໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ຈຳນວນ 3 ລໍ້ ດັ່ງນັ້ນຈຶ້ງພ້ອມກັນຍຶດພາຫະນະ ດັ່ງກ່າວມາຮັກສາໄວ້ຢູ່ອົງການປົກຄອງເມືອງ.

ທ່ານ ຄຳຕັນ ເທບພະກອນ ຫົວໜ້າອຸສາຫະກຳ ແລະ ການຄ້າເມືອງສີໂຄດຕະບອງ ໄດ້ລາຍງານວ່າ: ເຊິ່ງໄລຍະທີ່ຜ່ານມາໄດ້ມີການ ສຶກສາອົບຮົມຫຼາຍຄັ້ງ ແລະ ໄດ້ແນະນຳໃຫ້ໄປຂາຍໃນຈຸດທີ່ ອະນຸຍາດ ໂດຍສະເພາະ ແມ່ນເຂດຕະຫຼາດ ຫຼື ບ່ອນອື່ນທີ່ອະນຸຍາດ, ເພາະວ່າໄດ້ມີການກຳນົດ 8 ເສັ້ນທາງມີເປົ້າໝາຍລົງຈັດສັນ ໃນແຕ່ລະຄັ້ງ, ສຸດທ້າຍທ່ານ ຄຳຕັນ ໄດ້ຝາກເຕືອນ ພະນັກງານລັດຖະກອນ, ທະຫານຕຳຫຼວດ ຕະຫຼອດຮອດພໍ່ແມ່ປະຊາຊົນ ໂດຍສະເພາະແມ່ຊາວຄ້າຂາຍ ໃຫ້ມີສະຕິ ຫຼື ປະຕິບັດຕາມລະບຽບກົດໝາຍ ທີ່ຄະນະກຳມະການໄດ້ແນະນຳ ບໍ່ໃຫ້ຜ່າຝືນ ສ່ວນຜູ້ຊື້ກໍບໍ່ຢາກໃຫ້ຈອດຊື້ເນື່ອງຈາກຈະເກີດການສັນຈອນແອອັດ ຕາມແຄມທາງ.

ທີ່ມາ: TVE9

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...