ອີງຕາມຂ່າວຈາກ ວິທະຍຸສາກົນ ແຫ່ງ ສປ ຈີນ ລາຍງານ, ຫຼາຍປະເທດໃນທົ່ວໂລກ ກຳລັງຜະເຊີນກັບ ອຸນຫະພູມສູງຂຶ້ນ ແລະ ເກີດໄພແຫ້ງແລ້ງ ທີ່ຜິດປົກກະຕິ, ເຮັດໃຫ້ມວນຊົນ ມີຄວາມກັງວົນຕໍ່ການ ນຳໃຊ້ນ້ຳເຂົ້າໃນຊີວິດປະຈຳວັນ.
ເມື່ອບໍ່ດົນມານີ້, ຄະນະກຳມາທິການ ສະຫະພາບເອີຣົບໄດ້ເຜີຍແຜ່ ບົດລາຍງານໂດຍລະບຸວ່າ: ຍ້ອນວ່າລະດູໜາວ ທີ່ຫາກໍຜ່ານໄປນັ້ນ ມີອາກາດແຫ້ງ ແລະ ອົບອຸ່ນເປັນພິເສດ, ປະລິມານນ້ຳຝົນ ແລະ ຫິມະໜ້ອຍຫລາຍ, ສະນັ້ນ, ຝຣັ່ງ, ແອັດສະປາຍ ແລະ ອີຕາລີ ຈຶ່ງໄດ້ຮັບ ຜົນກະທົບຈາກໄພແຫ້ງແລ້ງ.
ໃນໄລຍະຕໍ່ໜ້ານີ້, ປະເທດ ຈຳນວນໜຶ່ງໃນທະວີບເອີຣົບ ອາດຈະຂາດແຄນ ຊັບພະຍາກອນນ້ຳເປັນຈຳນວນຫຼາຍ ໃນຂະນະທີ່ ອົດສະຕຣາລີ ນັບແຕ່ຕົ້ນເດືອນ ມີນານີ້ເປັນຕົ້ນມາ, ອຸນຫະພູມ ສະເລ່ຍສູງສຸດຢູ່ນະຄອນ ຊິດນີ ແມ່ນສູງ ເຖິງ 29,1 ອົງສາ. ສື່ມວນຊົນ ທ້ອງຖິ່ນ ລາຍງານວ່າ: ອີງຕາມ ທ່າອ່ຽງ ແບບນີ້, ເດືອນມີນາປີນີ້ ຈະມີອາກາດຮ້ອນ ທີ່ສຸດໃນຮອບ 165 ປີ ນັບແຕ່ ອົດສະຕຣາລີ ເລີ່ມມີການບັນທຶກ ຂໍ້ມູນໃນປະຫວັດສາດເປັນຕົ້ນມາ.
ທີ່ມາ: ຂ່າວສານປະເທດລາວ