spot_img
Homeຂ່າວຄວາມສະຫງົບປກສ ເມືອງທ່າແຂກ ແຂວງຄຳມ່ວນ ມ້າງຄະດີຢາເສບຕິດ

ປກສ ເມືອງທ່າແຂກ ແຂວງຄຳມ່ວນ ມ້າງຄະດີຢາເສບຕິດ

Published on

ໃນວັນທີ 13 ມັງກອນ 2023 ຜ່ານມາ, ທາງເຈົ້າໜ້າທີ່ພະແນກຕຳຫຼວດ ໜ່ວຍງານສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ເມືອງທ່າແຂກ, ໄດ້ຮັບການລາຍງານຈາກພົນລະເມືອງດີວ່າ: ມີຈຸດມົ້ວສຸມ,ຄ້າ-ຂາຍ, ຈຳໜ່າຍ ແລະ ເສບຢາເສບຕິດ ຢູ່ເຂດບ້ານຍາງເກົ່າ ເມືອງທ່າແຂກ ເມື່ອໄດ້ຮັບການລາຍງານດັ່ງນັ້ນແລ້ວ ທາງເຈົ້າໜ້າທີຕຳຫຼວດໜ່ວຍງານວິຊາສະເພາະ ປກສ ເມືອງທ່າແຂກ ຈຶ່ງໄດ້ສົມທົບກັບ ປກສ ກຸ່ມເໝື່ອງບ່າ ແລະ ພາກສ່ວນທີ່ກ່ຽວຂ້ອງ ລົງຕິດຕາມເປົ້າໝາຍ ເຫັນວ່າມີຄວາມຈິງແທ້.

ມາຮອດເວລາປະມານ 08:00ໂມງເຊົ້າຂອງວັນດຽວກັນທາງເຈົ້າໜ້າທີ່ ໜ່ວຍງານວິຊາສະເພາະ ປກສ ເມືອງທ່າແຂກຈຶ່ງໄດ້ນຳກຳລັງເຂົ້າກັກຕົວເປົ້າ ໝາຍຢູ່ເຮືອນຂອງຜູ້ກ່ຽວ,ພ້ອມກວດຄົ້ນຈຶ່ງພົບເຫັນຂອງກາງຢາບ້າ ຈຳນວນ 93 ເມັດ. ຜ່ານການສືບສວນ-ສອບສ່ວນຂອງເຈົ້າໜ້າທີ່ຕຳຫຼວດ ຈຶ່ງຮູ້ວ່າຜູ້ຖືກຫາຊື່ ທ້າວແສງສຸລີ ເດດລືສັກ ຫຼື(ທ້າວຄະລຶກ) ອາຍຸ 22 ປີເປັນປະຊາຊົນຢູ່ບ້ານ ຍາງເກົ່າ ເມືອງທ່າແຂກ ແຂວງຄຳມ່ວນ. ພ້ອມຮັບສາລະພາບຕື່ມອີກວ່າ ຢາບ້າຈຳນວນດັ່ງກ່າວ ແມ່ນຊື້ມາຈາກ ທ້າວ ຕ້ອມ ລາດສົມບັດ ຢູ່ບ້ານ ນາບົງ ເມືອງທ່າແຂກ ແຂວງຄຳມ່ວນ.

ຕໍ່ມາໃນເວລາປະມານ 16:00ໂມງ ຂອງວັນທີ່ 14 ມັງກອນ 2023 ທາງເຈົ້າໜ້າທີ່ວິຊາສະເພາະ ປກສ ເມືອງທ່າແຂກ ຈຶ່ງໄດ້ນຳກຳລັງລົງຕິດຕາມ ເພື່ອນຳກັກຕົວ ເປົ້າໝາຍທີ່ຊັກທອດ ຈາກລາຍຄະດີດັ່ງກ່າວ ຢູ່ເຂດບ້ານນາບົງ ເມືອງທ່າແຂກ ຈຶ່ງສາມາດກັກຕົວ ທ້າວຕ້ອມ ລາດສົມບັດ ອາຍຸ 33 ປີ ເປັນປະຊາຊົນຢູ່ບ້ານ ນາບົງ ພ້ອມຢຶດເຄື່ອງຂອງກາງຢາບ້າ ຈຳນວນ 02 ມັດກັບ 07 ຖົງ. ມາດຳເນີນຄະດີຕາມລະບຽບກົດໝາຍ.

ຄະດີດັ່ງກ່າວທາງເຈົ້າໜ້າທີ່ ປກສ ເມືອງທ່າແຂກ ແມ່ນພວມເລັ່ງສືບສວນ-ສອບສວນຂະຫຍາຍຜົນຫາກຸ່ມແກ້ງຮ່ວມຂະບວນການດ່ຽວກັນມາດຳເນີນຄະດີຕໍ່ໄປ.

ທີ່ມາ: ຄວາມສະຫງົບແຂວງຄຳມ່ວນ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...