spot_img
Homeຂ່າວພາຍ​ໃນການຝຶກອົບຮົມເພື່ອພັດທະນາສີມືແຮງງານ ໃນຂະແໜງການທ່ອງທ່ຽວ ແລະ ໂຮງແຮມ

ການຝຶກອົບຮົມເພື່ອພັດທະນາສີມືແຮງງານ ໃນຂະແໜງການທ່ອງທ່ຽວ ແລະ ໂຮງແຮມ

Published on

ໃນລະຫວ່າງວັນນທີ 06 ກຸມພາ – 15 ມີນາ 2023, ທີ່ນະຄອນລວງວຽງຈັນ, ໄດ້ມີການຈັດຝຶກອົບຮົມເພື່ອພັດທະນາສີມືແຮງງານ ໃນຂະແໜງການທ່ອງທ່ຽວ ແລະ ໂຮງແຮມ ໂດຍພາຍໃຕ້ ໂຄງການສ້າງໂອກາດການມີວຽກເຮັດງານທໍາໃຫ້ແຮງງານເຄື່ອນຍ້າຍກັບຄືນປະເທດ ແລະ ສາມາດເຊື່ອມໂຍງ ເຂົ້າໃນການພັດທະນາເສດຖະກິດທ້ອງຖິ່ນ ເພື່ອຕອບໂຕ້ຜົນກະທົບຂອງພະຍາດໂຄວິດ-19 ເຊິ່ງກິດຈະກຳ ແລະ ໄລຍະການຝຶກອົບຮົມມີຄືດັ່ງນີ້:

ໃນການຝຶກອົບຮົມມີ ວິຊາ ແມ່ບ້ານ ສໍາລັບແຮງງານທີ່ບໍ່ມີທັກສະ (ຝຶກອົບຮົມ 5ມື້) = 40 ຄົນ; ຝຶກອົບຮົມ ວິຊາ ບໍລິການອາຫານ ແລະ ເຄື່ອງດື່ມ ສໍາລັບແຮງງານທີ່ບໍ່ມີທັກສະ (ຝຶກອົບຮົມ 5ມື້) = 40 ຄົນ; ຝຶກອົບຮົມ ວິຊາ ແມ່ບ້ານ ສໍາລັບເພີ່ມທັກສະໃຫ້ແກ່ພະນັກງານ (ຝຶກອົບຮົມ 3ມື້) = 20 ຄົນ; ຝຶກອົບຮົມ ວິຊາ ບໍລິການອາຫານ ແລະ ເຄື່ອງດື່ມ ສໍາລັບເພີ່ມທັກສະໃຫ້ແກ່ພະນັກງານ (ຝຶກອົບຮົມ 3ມື້) = 20 ຄົນ.

ກິດຈະກຳດັ່ງກ່າວ ແມ່ນໄດ້ເລີ່ມຝຶກອົບຮົມຕັ້ງແຕ່ວັນທີ 7 ກຸມພາ 2023 ເຊິ່ງແບ່ງອອກເປັນ 3 ກຸ່ມຄື:

  • ໃນວັນທີ 7-12 ກຸມພາ 2023 ຝຶກອົບຮົມ ວິຊາ ແມ່ບ້ານ ແລະ ວິຊາ ບໍລິການອາຫານ ແລະ ເຄື່ອງດື່ມ ສໍາລັບເພີ່ມທັກສະໃຫ້ແກ່ພະນັກງານ ຈໍານວນ 40ຄົນ ທີ່ໂຮງແຮມ ຊີຕີອິນ;
  • ໃນວັນທີ 13-17 ກຸມພາ 2023 ຝຶກອົບຮົມ ວິຊາ ແມ່ບ້ານ ແລະ ວິຊາ ບໍລິການອາຫານ ແລະ ເຄື່ອງດື່ມ ສໍາລັບແຮງງານທີ່ບໍ່ມີທັກສະ ຈໍານວນ 39 ຄົນ ທີ່ໂຮງແຮມແສງຕາວັນ
  • ໃນວັນທີ 24-28 ຝຶກອົບຮົມ ວິຊາ ແມ່ບ້ານ ແລະ ວິຊາ ບໍລິການອາຫານ ແລະ ເຄື່ອງດື່ມ ສໍາລັບແຮງງານທີ່ບໍ່ມີທັກສະ ຈໍານວນ 41 ຄົນ ທີ່ໂຮງແຮມແສງຕາວັນ.

ທ່ານນາາງ ຈຸລະຈັນ ແພງດີ ຜູ້ອຳນວຍການຝ່າຍຝຶກອົບຮົມ, ຫົວໜ້າສູນ ດີຟິກທ์ ພັດທະນາທັກສະການໂຮງແຮມແລະ ການທ່ອງທ່ຽວ ໄດ້ເວົ້າເຖິງຈຸດປະສົງໃນການຝຶກອົບຮົມໃຫ້ກັບສາຍບໍລິການ ທາງດ້ານການໂຮງແຮມ ແລະ ການທ່ອງທ່ຽວໃນຄັ້ງນີ້ວ່າ: ເພື່ອຊ່ວຍເຫຼືອຄົນທີ່ຮັກ ໃນວຽກງານການບໍລິການ ທາງດ້ານການໂຮງແຮມໂດຍສະເພາະ ແມ່ນການບໍລິການ ແມ່ບ້ານ, ການບໍລິການ ຮ້ານອາຫານ, ການບໍລິການປຸງແຕ່ງອາຫານ ແລະ ອີກຢ່າງກໍຍ້ອນເຫັນວ່າຕະຫຼາດແຮງງານທາງດ້ານນີ້ມັນຍັງມີການຂາດແຄນທາງດ້ານບຸກຄາລາກອນທີ່ມີຄຸນນະພາບ ທາງດ້ານການໃຫ້ບໍລິການ ດັ່ງນັ້ນ, ເຮົາຈຶ່ງຢາກເປັນສ່ວນໜຶ່ງທີ່ຊ່ວຍກໍຄື: ການໄດ້ຮັບແຮງງານທີ່ມີຄຸນນະພາບທີ່ໄດ້ສິດສອນອອກໄປນັ້ນ ໃຫ້ເຂົາເຈົ້າໄດ້ສະແດງສັກກະຍາພາບ ໃນການບໍລິການແຂກ ເນື່ອງຈາກປະເທດເຮົາຂຶ້ນຊື່ເລື່ອງການທ່ອງທ່ຽວ, ເພາະສະນັ້ນການເກັບລາຍໄດ້ເຂົ້າປະເທດເປັນຫຼັກກໍແມ່ນການທ່ອງທ່ຽວ ດັ່ງນັ້ນເຮົາຕ້ອງພັດທະນາ ຊັບພະຍາກອນມະນຸດ ກໍຄືບຸກຄາລາກອນໃນດ້ານບໍລິການໃຫ້ຫຼາຍຂຶ້ນຕື່ມ.

ສຳລັບໂຄງການ ສ້າງໂອກາດມີວຽກເຮັດງານທຳໃຫ້ແຮງງານເຄື່ອນຍ້າຍກັບຄືນປະເທດ ແລະ ສາມາດເຊື່ອໂຍງເຂົ້າໃນການພັດທະນາເສດຖະກິດທ້ອງຖິ່ນ ເພື່ອຕອບໂຕ້ຜົນກິໍະທົບຂອງພະຍາດໂຄວິດ-19 ຈະມີເປັນໄລຍະອີງຕາມຜູ້ສະໜັບສະໜູນ.

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...