spot_img
Homeຂ່າວຕ່າງປະເທດອຸບັດຕິເຫດລົດໄຟຕຳກັນໃນເກຣັກ ເສຍຊີວິດແລ້ວ 26 ຄົນ

ອຸບັດຕິເຫດລົດໄຟຕຳກັນໃນເກຣັກ ເສຍຊີວິດແລ້ວ 26 ຄົນ

Published on

ທີ່ປະເທດເກຣັກ (Greece) ເກີດອຸບັດຕິເຫດລົດໄຟໂດຍສານ ແລະ ລົດໄຟບັນທຸກສິນຄ້າແລ່ນມາຕຳກັນ ເປັນເຫດໃຫ້ມີຜູ້ເສຍຊີວິດຢ່າງໜ້ອຍ 26 ຄົນ.

Greece train crash: At least 26 killed, dozens hurt | khou.com

ໃນວັນທີ 1 ມີນາ 2023 ຊ່ວງເຊົ້າມືດທີ່ຜ່ານມາ ຕາມເວລາທ້ອງຖິ່ນຂອງປະເທດເກຣັກ ເກີດອຸບັດຕິເຫດລົດໄຟໂດຍສານ ແລະ ລົດໄຟບັນທຸກສິນຄ້າແລ່ນມາຕຳກັນ ໂດຍໃນລົດໄຟມີຜູ້ໂດຍສານປະມານ 350 ຄົນ ມີຜູ້ເສຍຊີວິດແລ້ວ 26 ຄົນ ແລະ ບາດເຈັບຢ່າງໜ້ອຍ 85 ຄົນ ໃນນີ້ມີຜູ້ບາດເຈັບສາຫັດ 25 ຄົນ.

ເຫດດັ່ງກ່າວເກີດຂຶ້ນທີ່ຮາງລົດໄຟໃກ້ກັບເມືອງເທັມພີ (Tempe) ພາກເໜືອຂອງປະເທດເກຣັກ ສົ່ງຜົນໃຫ້ຕູ້ລົດໄຟຫຼາຍຕູ້ຕົກຮາງ ແລະ ເກີດໄຟໄໝ້ຢ່າງໜ້ອຍ 3 ຕູ້.

ຂະນະນີ້ ເຈົ້າໜ້າທີ່ກູ້ໄພໄດ້ເຮັດວຽກກາງຄວັນຕຶບໜາ ເພື່ອຄົ້ນຫາຜູ້ທີ່ຕິດຢູ່ໃນລົດໄຟ.

Fiery train crash in Greece kills 26, dozens injured | South China Morning  Post

ໄວລຸ້ນທີ່ລອດຊີວິດຄົນໜຶ່ງ ໄດ້ບອກວ່າ ກ່ອນເກີດເຫດ ລົດໄຟໄດ້ເບກຢ່າງແຮງຈົນເຫັນປະກາຍໄຟອອກມາ ຈາກນັ້ນກໍຢຸດກະທັນຫັນ ໂດຍຕູ້ລົດໄຟຂອງລົດບໍ່ໄດ້ຕົກຮາງ ແຕ່ຕູ້ລົດໄຟທາງໜ້າແມ່ນພັງເສຍຫາຍໜັກ ແລະ ເມື່ອຕົນເອງໄດ້ເຫັນຕູ້ລົດໄຟທາງໜ້າໄຟໄໝ້ ຕົນເອງກໍຮີບໃຊ້ກະເປົາທຸບແວ່ນແຕກ ແລ້ວເອົາໂຕໜີອອກມາໄດ້.

ທາງການເກຣັກກ່າວວ່າ ເຫດການຄັ້ງນີ້ຮຸນແຮງຫຼາຍ ເຮົາກຳລັງຈັດຫາລົດເຄນ ອຸປະກອນຍົກເສດສາກ ແລະ ຕູ້ລົດໄຟ.

ແຫຼ່ງຂ່າວ ອັລຈາຊີລາ

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...