Homeຂ່າວພາຍ​ໃນອັບເດດເຫດນັກຮຽນຂີ່ລົດຈັກຊ້ອນ3 ສວນເລນ ຕຳລົດເກັງ ເສຍຊີວິດຄາທີ່ 1 ຄົນ

ອັບເດດເຫດນັກຮຽນຂີ່ລົດຈັກຊ້ອນ3 ສວນເລນ ຕຳລົດເກັງ ເສຍຊີວິດຄາທີ່ 1 ຄົນ

Published on

ເກີດອຸປະຕິເຫດນັກຮຽນຂັບຂີ່ລົດຈັກຊ້ອນກັນສາມຄົນ ຂັບຂີ່ສວນທາງໄປຕຳໃສ່ລົດເກັງ ເຮັດໃຫ້ມີຜູ້ເສຍຊີວິດຄາທີ່ 1 ຄົນ, ບາດເຈັບສາຫັດ 2 ຄົນ ຢູ່ເຂດບ້ານຫຼວງ ເມືອງຫຼວງນ້ຳທາ ແຂວງຫຼວງນ້ຳທາ.

ເຈົ້າໜ້າທີ່ຕຳຫຼວດຈະລາຈອນ ປກສ ເມືອງຫຼວງນ້ຳທາ ໃຫ້ຮູ້ວ່າ: ໃນເວລາປະມານເວລາ 20:00 ໂມງ ຂອງວັນທີ 16 ກຸມພາ 2023 ໄດ້ມີລົດເກັງ ໂຕໂຍຕ້າ, ສີຂາວ, ທະບຽນ ຄສ 0234 ກຳແພງນະຄອນ, ຂັບຂີ່ໂດຍທ້າວ ຈ໋າຍແຝງ ອາຍຸ 38 ປີ ຢູ່ບ້ານນ້ຳແງ້ນ ເມືອງຫຼວງນ້ຳທາ ແຂວງຫຼວງນ້ຳທາ ໄດ້ຂັບຂີ່ອອກມາຈາກບ້ານປຸງ ເມືອງຫຼວງນ້ຳທາ ຈະໄປເທດສະບານແຂວງ ແລ່ນຢູ່ໃນເລນຂວາມືຂອງຕົນ ໄປຕໍາໃສ່ລົດຈັກ ຮອນດ້າ ບໍ່ມີປ້າຍທະບຽນ ຂັບຂີ່ຊ້ອນກັນອອກຈາກເສັ້ນທາງຮ່ອມບ້ານວຽງໃຕ້ ທີ່ແລ່ນຢູ່ໃນເລ່ນຊ້າຍ (ຂີ່ສວນທາງ) ເຮັດໃຫ້ ທ້າວ ສາຍທອງ ອາຍຸ 16 ປີ ນັກຮຽນ ຢູ່ບ້ານນ້ຳດີ (ຜູ້ຂັບເສຍຊີວິດ), ທ້າວ ນູ ອາຍຸ 16 ປີ ນັກຮຽນ ຢູ່ບ້ານວຽງເງິນ (ຜູ້ຊ້ອນທ້າຍ1) ໄດ້ຮັບບາດເຈັບສາຫັດ, ທ້າວ ໄກສອນ ອາຍຸ 16 ປີ, ນັກຮຽນ ຢູ່ບ້ານ ວຽງທອງ (ຜູ້ຊ້ອນທ້າຍ2) ໄດ້ຮັບບາດເຈັບສາຫັດ, ທັງ 3 ຄົນ ແມ່ນຢູ່ເມືອງ ຫຼວງນ້ຳທາ ແຂວງ ຫຼວງນ້ຳທາ.

ອຸປະຕິເຫດດັ່ງກ່າວ, ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່ 1 ຄົນ ແລະ ຜູ້ຊ້ອນທ້າຍ 2 ຄົນ ໄດ້ຮັບບາດເຈັບສາຫັດ ພາຫະນະເປ່ເພສົມຄວນທັງ 2 ຄັນ, ມູນຄາເສຍຫາຍປະມານ 70.000.000 ກວ່າກີບ.

ແຫຼ່ງຂ່າວ ວາລະສານ ປ້ອງກັນຄວາມສະຫງົບ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...