Homeຂ່າວທ້ອງຖິ່ນປກສ ເມືອງຊ່ອນ ທຳລາຍອາວຸດລ່າເນື້ອ

ປກສ ເມືອງຊ່ອນ ທຳລາຍອາວຸດລ່າເນື້ອ

Published on

ໃນວັນທີ 19 ກຸມພາ 2023 ຜ່ານມາ, ກອງບັນຊາການ ປກສ ເມືອງຊ່ອນ ແຂວງຫົວພັນ ໄດ້ທໍາລາຍອາວຸດລ່າເນື້ອ ປະເພດປືນແກ໋ບ ແລະ ຈັກສະຕີນຕັດໄມ້ ໂດຍມີ ທ່ານ ສີວິໄລ ພິມມະວົງເມືອງ ເຈົ້າເມືອງຊ່ອນ, ພັທ ເຕັມ ບຸນດວງໄຈ ຮອງຫົວໜ້າກອງບັນຊາການ ປກສ ເມືອງຊ່ອນ ພ້ອມດ້ວຍບັນດາຫົວໜ້າ-ຮອງຫ້ອງການ ອ້ອມຂ້າງເມືອງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ຮອ ເພັດ ສຸດຫ່ວງ ຮອງຫົວໜ້າພະແນກສໍາມະໂນຄົວ ແລະ ກໍ່ສ້າງຮາກຖານ ກອງບັນຊາການ ປກສ ເມືອງຊ່ອນ ກ່າວວ່າ:
ໂດຍປະຕິບັດຕາມກົດລະບຽບການຄຸ້ມຄອງອາວຸດ ແລະ ທາດລະເບີດ ສະບັບເລກທີ 01/ປຫພ, ລົງວັນທີ 20 ມີນາ 2016 ແລະ ຂໍ້ຕົກລົງຂອງທ່ານເຈົ້າເມືອງ ວ່າດ້ວຍ ການແຕ່ງຕັ້ງຄະນະຮັບຜິດຊອບທໍາລາຍເຄື່ອງຂອງກາງ, ອາວຸດລ່າເນື້ອ ແລະ ຈັກສະຕິນຕັດໄມ້ ສະບັບເລກທີ 337/ຈມ, ລົງວັນທີ 26 ສິງຫາ 2021 ກໍາລັງ ປກສ ເມືອງ ຈຶ່ງໄດ້ສົມທົບກັບ ປກສ ກຸ່ມບ້ານແຕ່ລະກຸ່ມ ແລະ ພາກສ່ວນທີ່ກ່ຽວຂ້ອງ ລົງສຶກສາອົບຮົມການເມືອງແນວຄິດໃຫ້ພໍ່-ແມ່ປະຊາຊົນທົ່ວເມືອງຊ່ອນ ໃຫ້ນໍາເອົາອາວຸດເສິກ, ອາວຸດລ່າເນື້ອ ແລະ ທາດລະເບີດທີ່ມີໄວ້ຄອບຄອງແບບບໍ່ຖືກຕ້ອງຕາມລະບຽບກົດໝາຍ ມາມອບໃຫ້ພັກ-ລັດດ້ວຍຄວາມຈິງໃຈ ໂດຍບໍ່ມີການປັບໃໝໃສ່ໂທດແຕ່ຢ່າງໃດ, ເຊິ່ງເຄື່ອງຂອງກາງທີ່ທ້ອມໂຮມນໍາເອົາມາທໍາລາຍໃນຄັ້ງນີ້ ລວມມີ: ປືນແກ໋ບ 110 ກະບອກ, ປືນແຕ່ງຍິງລູກບີ ຈໍານວນ 29 ກະບອກ, ປືນນໍ້າເຫຼົ້າ 90 ຈໍານວນ 4 ກະບອກ ແລະ ຈັກສະຕິ່ນຕັດໄມ້ຈໍານວນໜຶ່ງ.
ຕອນທ້າຍພິທີ ຜູ້ເຂົ້າຮ່ວມກໍໄດ້ພ້ອມກັນນໍາເອົາອາວຸດລ່າເນື້ອປະເພດຕ່າງໆ ພ້ອມຈັກສະຕິ່ນຕັດໄມ້ຈໍານວນດັ່ງກ່າວ ລົງທໍາລາຍ, ໂດຍນໍາໃຊ້ລົດຈົກທໍາລາຍ ຈົນໃຊ້ການບໍ່ໄດ້ແລ້ວຈົກດິນຖົມຢ່າງລະອຽດ.
ທີ່ມາ: ຄວາມສະຫງົບ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...