ເອເອັບພີ ສື່ທາງການຂອງຫວຽດນາມໄດ້ລາຍງານໃນວັນທີ 31 ມັງກອນ ທີ່ຜ່ານມາ, ເກີດເຫດເຮືອບິນຊ້ອມຮົບ Su-22 ທີ່ຜະລິດໃນຣັດເຊຍຂອງກອງທັບອາກາດຫວຽດນາມ ໄດ້ເກີດເຫດຕົກລະຫວ່າງຝຶກຊ້ອມ ໃນພາກພຶ້ນທາງເໜືອຂອງປະເທດຫວຽດນາມ.
ຕາມການລາຍງານວ່າ: ເຮືອບິນທີ່ປະສົບອຸບັດຕິເຫດໄດ້ເຂົ້າຮ່ວມການຝຶກຊ້ອມບິນ ໃນຊ່ວງປະມານຕອນມ່ຽງ ກ່ອນຕົກໃສ່ສະໜາມບິນທະຫານໃນ ແຂວງອຽນບ່າຍ.
ນັກບິນໄດ້ຮັບຄຳສັ່ງໃຫ້ດີດໂຕອອກຈາກເຮືອບິນ ແຕ່ເຂົາພະຍາຍາມຈະຮັກສາເຮືອບິນໄວ້ ແລະ ເສຍຊີວິດໃນທີ່ສຸດ ແບບບໍ່ຮູ້ສາເຫດທີ່ແນ່ນອນ, ເຖິງແມ່ນວ່າພາກການບິນຂອງຫວຽດນາມຈະມີສະຖິຕິຄວາມປອດໄພສູງ ແຕ່ອຸບັດຕິເຫດທີ່ກ່ຽວກັບເຮືອບິນທະຫານນັ້ນເກີດຂຶ້ນຫຼາຍ.
ຢ່າງໃດກໍຕາມໜຶ່ງໃນບັນດາອຸປະຕິເຫດທີ່ຮ້າຍແຮງທີ່ສຸດໃນປີທີ່ຜ່ານມານີ້ໄດ້ເກີດຂຶ້ນໃນເດືອນກໍລະກົດ 2014 ເມື່ອເຮືອບິນເຮລິຄອບເຕີ Mi-171 ລຳໜຶ່ງຕົກຢູ່ຮ່າໂນ້ຍ ໃນເວລາບິນຝຶກຊ້ອມ ເຮັດໃຫ້ 19 ຄົນເສຍຊີວິດໃນເຫດການຄັ້ງນີ້.
ທີ່ມາ: MGR online