ເກີດເຫດໄຟໄໝ້ຕະຫລາດເກົ່າໃນນະຄອນຫລວງພະນົມເປັນ ນະຄອນຫລວງຂອງກຳປູເຈຍ ຕອນເວົ້າມື້ວານ
ນີ້ (24 ພະຈິກ) ຮ້ານຄ້າຖືກເຜົາວອດກ່ວາ 229 ຮ້ານ ມູນຄ່າເສຍຫາຍສູງກ່ວາ 1.5 ລ້ານໂດລາ.
ສຳນັກຂ່າວຕ່າງປະເທດລາຍງານ ໃນວັນທີ 24 ພະຈິກຜ່ານມານີ້ວ່າ ເຫດການໄຟໄໝ້ດັ່ງກ່າວ ແມ່ນໄດ້ເຮັດໃຫ້
ຮ້ານຄ້າ 229 ແຫ່ງ ຈາກທັງໝົດ 914 ແຫ່ງໃນຕະຫລາດ ຖືກໄຟໄໝ້ວອດ ຄາດການປະເມີນຜົນເສຍຫາຍເບື້ອງ
ຕົ້ນແມ່ນສູງເຖິງ 1.5 ລ້ານໂດລາ.
ແຫລ່ງຂ່າວໄດ້ລະບຸວ່າ ເຫດໄຟໄໝ້ດັ່ງກ່າວເກີດຂຶ້ນໃນເວລາປະມານ 7:30 ໂມງ ຕອນເຊົ້າຈາກພື້ນທີ່ໃຈກາງຕະ
ຫລາດ ທີ່ມຸງດ້ວຍສັງກະສີ ແລະ ໃຊ້ເວລາໃນການມອດໄຟຢູ່ປະມານ 2 ຊົ່ວໂມງ ໂດຍບໍ່ມີລາຍງານຜູ້ໄດ້ຮັບບາດ
ເຈັບ ຫລື ເສຍຊີວິດແຕ່ຢ່າງໃດ.
ທາງການນະຄອນຫລວງພະນົມເປັນ ໄດ້ລະບຸໃນຖະແຫລງການສະບັບໜຶ່ງວ່າ ສາເຫດຂອງໄຟໄໝ້ດັ່ງກ່າວນີ້
ແມ່ນມາຈາກໄຟຟ້າລັດວົງຈອນ ແລະ ປະຕິເສດກ່ຽວກັບຂ່າວລືວ່າມີການລັກລອບວາງເພີງ.