ອີງຕາມການລາຍງານຂອງສຳນັກຂ່າວໄທ ໃນວັນທີ 17 ມັງກອນ 2023 ຜ່ານມາ, ເກີດເຫດເຮືອບັນທຸກນ້ຳມັນຂະໜາດໃຫຍ່ທີ່ມີຊື່ວ່າ: Smooth sea 22 ເກີດລະເບີດ ໃນເຂດພຶ້ນທີ່ ບ້ານ ແຫຼມໃຫຍ່ ແຂວງ ສະມຸດສົງຄາມ ປະເທດໄທ, ເຊິ່ງເຫດການດັ່ງກ່າວສ້າງແຮງສັ່ນສະເທືອນຫຼາຍກິໂລແມັດ ເຮັດໃຫ້ປະຊາຊົນແຖວນັ້ນບາດເຈັບຫຼາຍຄົນ.
ທ່ານ ສຸລິຍາ ກິດຕິມົນທົນ ຜູ້ອຳນວຍການສຳນັກງານເຈົ້າທ່າ ແຂວງສະມຸດສົງຄາມ ໄດ້ລາຍງານວ່າ: ໄດ້ພົບຮ່າງຜູ້ເສຍຊີວິດ 2 ຄົນ, ມີຜູ້ບາດເຈັບ 4 ຄົນ ແລະ ສູນຫາຍອີກ 5 ຄົນ, ເຊິ່ງເຮືອລຳດັ່ງກ່າວເປັນເຮືອເປົ່າທີ່ມີການຈອດສ້ອມແປງ ແລະ ເຈົ້າໜ້າທີ່ກຳລັງສຶບສວນເຖິິງສາເຫດທີ່ເກີດຂຶ້ນ.
ສຳລັບເຮືອ Smooth sea 22 ເລີ່ມໃບອະນຸຍາດໃຊ້ເຮືອເມື່ອວັນທີ 9 ມິຖຸນາ 2022 ແລະ ໝັດອາຍຸໃບອະນຸຍາດໃຊ້ເຮືອໃນວັນທີ 30 ພຶດສະພາ 2023.
ອ້າງອີງ: ສຳນັກຂ່າວ ອິສະຮາ