ຍີ່ປຸ່ນສະເໜີໂຄງການໃຫຍ່ມູນຄ່າ 3 ລ້ານລ້ານເຢນ ສ້າງເມືອງໃຕ້ທະເລ Ocean Spiral ຂຶ້ນ ແກ້ບັນຫາຂາດ
ແຄນທີ່ດິນເພື່ອຢູ່ອາໄສ.
ສຳນັກຂ່າວຕ່າງປະເທດລາຍງານ ໃນວັນທີ 23 ພະຈິກນີ້ວ່າ ລັກສະນະຂອງ ໂອຊຽນ ສະໄປຣັນ ຈະເປັນໂດມຊົງກົມ
ຢູ່ໃຕ້ນ້ຳ ໂດຍບາງສ່ວນຈະໂຜ່ຂຶ້ນມາເໜືອຜິວນ້ຳ ແລະ ສາມາດຈົມລົງສູ່ໃຕ້ນ້ຳໄດ້ໃນກໍລະນີສະພາບອາກາດບໍ່ເປັນ
ໃຈ ເຊິ່ງດ້ານລຸ່ມຂອງໂດມຈະເປັນສ່ວນຂອງໂຄງສ້າງຮູບກຽວ ຍາວກ່ວາ 14 ກິໂລແມັດ ເຊິ່ງຈະເຊື່ອມກັບໂຮງງານ
ຜິວໂລກ (Earth factory) ທີ່ຈະຜະລິດພະລັງງານມາປ້ອນ ໃນຮູບແບບຂອງແກັສມີເທນ ຈາກດີອົກຊິດກາກບອນ
ທີ່ຜະລິດຈາກຈຸລະຊີບໃຕ້ທະເລ, ນອກຈາກນີ້ ຍັງອາໄສຄວາມແຕກຕ່າງຂອງອຸນຫະພູມນ້ຳທະເລ ໃນແຕ່ລະລະດັບ
ຄວາມເລິກ ເພື່ອຜະລິດພະລັງງານອີກດ້ວຍ.
ໃນແຕ່ລະໂດມຈະສາມາດເປັນທີ່ຢູ່ອາໄສ ຮອງຮັບຄົນໄດ້ 5,000 ຄົນ ລວມທັງມີອາຄານສຳນັກງານ, ໂຮງແຮມ ແລະ
ສູນລວມຄວາມບັນເທີງຢ່າງຄົບວົງຈອນຢູ່ໃຕ້ນ້ຳ, ການກໍ່ສ້າງຈະໃຊ້ເຣຊິນແທນຄອນກຣີດ ໂດຍໃຊ້ເງິນລົງທຶນກ່ວາ
3 ລ້ານລ້ານເຢນ ແລະ ຄາດວ່າຈະສ້າງສຳເລັດ ພ້ອມຍ້າຍຄົນລົງໄປຢູ່ໄດ້ໄວທີ່ສຸດໃນປີ 2030 ຫລືອີກ 16 ປີຂ້າງໜ້າ.
