spot_img
Homeຂ່າວຕ່າງປະເທດຫວຽດນາມ ຕັ້ງເປົ້າໝາຍເປັນ "ປະເທດພັດທະນາແລ້ວ"

ຫວຽດນາມ ຕັ້ງເປົ້າໝາຍເປັນ “ປະເທດພັດທະນາແລ້ວ”

Published on

ຫວຽດນາມຕັ້ງເປົ້າໝາຍເປັນປະເທດອຸດສາຫະກຳທັນສະໄໝທີ່ມີລາຍໄດ້ປານກາງໃນລະດັບສູງພາຍໃນປີ 2030 ແລະ ຈະເປັນປະເທດພັດທະນາແລ້ວທີ່ມີລາຍໄດ້ສູງພາຍໃນປີ 2050 ຫຼື ປະມານອີກ 27 ປີ.

ຈາກມະຕິແຜນການແຫ່ງຊາດຊ່ວງປີ 2021- 2030 ເຊິ່ງມີວິໄສທັດເຖິງປີ 2050 ພົບວ່າ ການເຕີບໂຕຂອງ GDP ສະເລ່ຍຕໍ່ປີຂອງຫວຽດນາມ ຄວນຢູ່ທີ່ 7% ຕໍ່ປີຕະຫຼອດໃນຊ່ວງເວລາດັ່ງກ່າວ ເຊິ່ງພາຍໃນປີ 2030 ລາຍໄດ້ຕໍ່ຄົນຂອງປະຊາກອນຈະສາມາດຮອດລະດັບ 7.500 ໂດລາສະຫະລັດ ຫຼື ປະມານ 126 ລ້ານກີບ.

ສຳລັບການເຕີບໂຕທາງດ້ານເສດຖະກິດ ຈະຂຶ້ນກັບວິທະຍາສາດ ເທັກໂນໂລຊີ ນະວັດຕະກຳ ແລະ ການປ່ຽນແປງເຂົ້າສູ່ດິຈິຕອນ ໂດຍອັດຕາຄວາມເປັນເມືອງຂອງປະເທດຄວນເກີນ 50% ແລະ ພື້ນທີ່ເມືອງ 3-5 ແຫ່ງໃນຫວຽດນາມຈະໄດ້ຮັບການພັດທະນາຂຶ້ນ ໃຫ້ຢູ່ໃນອັນດັບຕົ້ນໆຂອງອາຊີ ແລະ ລະດັບໂລກ.

ຫວຽດນາມຈະກາຍເປັນປະເທດອຸດສາຫະກຳອັນດັບຕົ້ນໆໃນອາຊີ ແລະ ຈະເປັນ “ສູນກາງທາງການເງິນ” ໃນລະດັບພູມິພາກ ແລະ ລະຫວ່າງປະເທດ ເປັນປະເທດສູນກາງເສດຖະກິດທາງທະເລໃນອາຊີປາຊີຟິກ.

ຈາກການຂະຫຍາຍໂຕຂອງ GDP ທີ່ 6,5-7,5% ຕໍ່ປີ ຄາດວ່າຈະເຮັດໃຫ້ລາຍໄດ້ຕໍ່ຄົນຢູ່ທີ່ 27.000-32.000 ໂດລາສະຫະລັດ ຫຼື ປະມານ 456 ລ້ານ-540 ລ້ານກີບ ພາຍໃນປີ 2050 ເຊິ່ງອັດຕາການເປັນເມືອງຂອງປະເທດຄວນຂຶ້ນໄປເຖິງ 70-75%.

ຢ່າງໃດກໍຕາມ ສຳລັບປີນີ້ ລັດຖະບານຫວຽດນາມຕັ້ງເປົ້າໝາຍການເຕີບໂຕຂອງ GDP ໄວ້ຢູ່ 6,5% ໃນຂະນະປີ 2022 ທີ່ຜ່ານມາ GDP ຂອງຫວຽດນາມຂະຫຍາຍໂຕຫຼາຍເຖິງ 8,02% ຖືວ່າເປັນການຂະຫຍາຍໂຕທີ່ສູງສຸດໃນຮອບ 11 ປີ.

ແຫຼ່ງຂ່າວ the investor

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...