Homeຂ່າວພາຍ​ໃນສາຍການບິນລາວກຽມຕ້ອນຮັບນັກທ່ອງທ່ຽວຈີນ

ສາຍການບິນລາວກຽມຕ້ອນຮັບນັກທ່ອງທ່ຽວຈີນ

Published on

ນັບແຕ່ເປີດປະເທດຢ່າງເຕັມຮູບແບບໃນກາງປີ 2022 ຈຳນວນຖ້ຽວບິນລະຫວ່າງປະເທດກໍ່ເພີ່ມຂຶ້ນຢ່າງຕໍ່ເນື່ອງ ເຊິ່ງໃນປັດຈຸບັນ ສາຍການບິນລາວແອລາຍ ກໍມີຫຼາຍຖ້ຽວບິນເຂົ້າມາ ບໍ່ວ່າຈະແມ່ນທັງພາຍໃນ ແລະ ຕ່າງປະເທດ.

ແຜນຂະຫຍາຍເສັ້ນທາງການທ່ອງທ່ຽວ ຫຼື ເພີ່ມສາຍການບິນລະຫວ່າງລາວ-ຈີນ

ປະຈຸບັນ ການບິນລາວ ກຳລັງກະກຽມເປີດເສັ້ນທາງໄປ ສ.ປ ຈີນດັ່ງນີ້:

  • ວຽງຈັນ – ກວາງໂຈ່ ອາດທີດລະ 3 ຖ້ຽວ
  • ວຽງຈັນ – ຊຽງໄຮ້ ອາດທິດລະ 2 ຖ້ຽວ
  • ວຽງຈັນ – ສາງໂຈ ອາທິດລະ 1 ຖ້ຽວ
  • ວຽງຈັນ – ຫາງໂຈ ອາທິດລະ 1 ຖ້ຽວ
  • ວຽງຈັນ – ເສິນຕູ ອາທິດລະ 1 ຖ້ຽວ.

ເຊິ່ງໃນເບື້ອງຕົ້ນຖ້ຽວບິນ ສາງຊາ, ສາງໂຈ ແລະ ເຊິນຕູ ຈະບິນອາທິດລະຖ້ຽວກ່ອນ, ແຕ່ຖ້າມີຄວາມຕ້ອງການກໍ່ຈະເພີ່ມຖ້ຽວ ຕາມກົນໄກຕະຫຼາດເປັນແຕ່ລະໄລຍະ.

ພ້ອມນີ້ກໍ່ຈະພະຍາຍາມເຊື່ອມຕໍ່ລະຫວ່າງ ສປ ຈີນ ມານະຄອນຫຼວງວຽງຈັນ ແລະ ຜ່ານໄປປະເທດເພື່ອບ້ານ ຫຼື ຈາກປະເທດເພື່ອນບ້ານ ຜ່ານ ນະຄອນຫຼວງວຽງຈັນ ໄປ ສປ ຈີນ.

ສາຍການບິນຂອງ Lao Airlines ທີ່ບິນໄປຄຸນໝິງ

ໃນເບື້ອງຕົ້ນ ການບິນລາວ ໄດ້ຮັບອະນຸຍາດໃຫ້ປະຕິບັດຖ້ຽວບິນໄດ້ອາທິດລະຖ້ຽວ ເຊິ່ງກໍ່ເຫັນວ່າບໍ່ພຽງພໍ. ດັ່ງນັ້ນ, ທາງການຂອງ ສ.ປ ຈີນ  ຈຶ່ງອະນຸຍາດໃຫ້ເພີ່ມເປັນ 2 ຖ້ຽວຕໍ່ອາທິດ, ເຊິ່ງກໍ່ຍັງບໍ່ພຽງພໍເພາະສາມາດບັນຈຸຈໍານວນຜູ້ໂດຍສານໄດ້ພຽງແຕ່ 75% ຂອງຈຳນວນຕັ່ງນັ່້ງ (ສຳລັບຄຸນໝິງ – ວຽງຈັນ ແມ່ນບັນຈຸໄດ້ 100%). ມາຮອດວັນທີ 8 ມັງກອນ 2023, ສປ ຈີນ ໄດ້ມີມາດຕະການຜ່ອນຜັນ ຈຶ່ງເຮັດໃຫ້ ສາມາດບັນຈຸຜູ້ໂດຍສານໄດ້ 100% ທັງໄປ ແລະ ກັບ.

ມາດຕະການເພື່ອຮອງຮັບ ນັກທ່ອງທ່ອງຈີນ

ນອກຈາກເສັ້ນທາງທີ່ກ່າວມາຂ້າງເທີງແລ້ວນັ້ນ ພວກເຮົາຈະຂະຫຍາຍເສັ້ນບິນບັນດາແຂວງທີ່ເປັນສະຖານທີ່ທ່ອງທ່ຽວເຊັ່ນ: ແຂວງຫຼວງພະບາງ ແລະ ແຂວງຈຳປາສັກ ໄປຫາເມືອງຕ່າງໆຂອງ ສ.ປຈີນ ເພື່ອເປັນທາງເລືອກ ແລະ ອຳນວຍຄວາມສະດວກສະບາຍ ໃຫ້ແກ່ນັກທ່ອງທ່ຽວຈີນ ແລະ ສົ່ງເສີມການທ່ອງທ່ຽວລາວ-ຈີນ ແລະ ຈີນ-ລາວ, ເຊີ່ງໄລຍະຜ່ານມາພວກເຮົາໄດ້ບິນເສັ້ນທາງ ຫຼວງພະບາງ-ເສິນຕູ, ຫຼວງພະບາງ-ສາງຊາ ແລະ ຫຼວງພະບາງ-ຄຸນມິງ.

ພ້ອມນີ້ລັດວິສາຫາກິດການບີນລາວກໍໄດ້ຮ່ວມມືກັບບໍລິສັດມະຫານາທີ ສີພັນດອນ ເພື່ອກະກຽມການເປີດເສັ້ນທາງໃໝ່ ປາກເຊ-ກວາງໂຈ ແລະ ເມືອງອື່ນໆ ຕື່ມເທື່ອລະກ້າວ, ພ້ອມດຽວກັນນັ້ນພວກເຮົາກໍໄດ້ເອົາໃຈໃສ່ປັບປຸງວຽກກງານບໍລິການໂດຍສານຮອບດ້ານ ໃຫ້ມີໃບໜ້າໃໝ່ໃນການບໍລິການລູກຄ້າທີ່ບໍ່ແມ່ນພຽງແຕ່ຜູ້ໂດຍສານທີ່ເປັນນັກທ່ອງທ່ຽວຈີນ, ຕາມທີດຊີ້ນໍາຂອງຄະນະປະຕິຮູບລັດວິສາຫະກິດການບີນລາວ ແລະ ທີ່ຂາດບໍ່ໄດ້ແມ່ນຍັງຄົງປະຕິດບັດມາດຕະການຄວາມປອດໄພດ້ານສຸກຂະພາບໃຫ້ຕົງກັບເງື່ອນໄຂການເດີນທາງເຂົ້າ-ອອກຂອງແຕ່ລະປະເທດໃຫ້ເຂັ້ມງວດເພີ່ມຕື່ມ.

ບົດຄວາມຫຼ້າສຸດ

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...