ເກີດເຫດໄຟໄໝ້ຄາຊິໂນໃນເມືອງປອຍເປດ ປະເທດກຳປູເຈຍ ໃນນັ້ນມີຄົນໄທທີ່ເປັນພະນັກງານ ແລະ ນັກພະນັນຢູ່ພາຍໃນຫຼາຍກວ່າ 50 ຄົນ ມີຄົນຕົກຈາກຕຶກອາຄານບາດເຈັບສາຫັດ.
ວັນທີ 28 ທັນວາ 2022 ເວລາປະມານ 23:40 ນາທີ ເກີດເຫດໄຟໄໝ້ຄາຊິໂນຂະໜາດໃຫຍ່ໃນເມືອງປອຍເປດ ປະເທດກຳປູເຈຍ ເຊິ່ງເປັນຊາຍແດນລະຫວ່າງໄທ-ກຳປູເຈຍ ໃນນັ້ນມີຄົນໄທທີ່ເປັນພະນັກງານ ແລະ ນັກພະນັນພາຍໃນເປັນຈຳນວນຫຼາຍ.
ຫຼ້າສຸດ ທາງກຳປູເຈຍໄດ້ປະສານງານກັບໄທ ເພື່ອຂໍການສະໜັບສະໜູນລົດເຄເບິນຈາກໄທ ເພື່ອເຂົ້າໄປຊ່ວຍເຫຼືອຄົນໄທທີ່ຍັງຕິດຢູ່ຄາຊິໂນປະມານ 50 ຄົນ ມີລາຍງານວ່າຄົນສ່ວນໃຫຍ່ທີ່ໄດ້ຮັບບາດເຈັບແມ່ນເປັນຄົນໄທ ແລະ ມີຄົນໂດດລົງມາຈາກຊັ້ນທີ 5 ດ້ານຫຼັງຂອງຕຶກ.
ຈາກເຫດການນີ້ ມີຄົນເສຍຊີວິດຢ່າງໜ້ອຍ 10 ຄົນ ແລະ ບາດເຈັບອີກຈຳນວນຫຼາຍ ຈາກການໂດດອອກຈາກຕຶກເພື່ອໜີໄຟໄໝ້.
ແຫຼ່ງຂ່າວ The Guardian