Homeຂ່າວຄວາມສະຫງົບປກສ ເມືອງໄຊທານີ ກັກຕົວ ຜູ້ກໍ່ເຫດປຸ້ນຊັບ

ປກສ ເມືອງໄຊທານີ ກັກຕົວ ຜູ້ກໍ່ເຫດປຸ້ນຊັບ

Published on

ອີງຕາມການລາຍງານ ເຈົ້າໜ້າທີ່ ກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ໄດ້ກັກຕົວຜູ້ກໍ່ເຫດປຸ້ນຊັບຢູ່ເຂດບ້ານໄຊສະຫວ່າງ ເມືອງໄຊທານີ ຄື: ທ້າວ ພັກສະນະ ຫຼື ນະ ອາຍຸ 22 ປີ ປະຊາຊົນ ຢູ່ບ້ານ ໂພນໄຮ່ຄໍາ ເມືອງໄຊທານີ ດໍາເນີນຄະດີ.
ພັທ ສຸລີວັນ ແກ້ວມະນີວົງ ຮອງຫົວໜ້າ ກອງບັນຊາການ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ: ພາຍຫຼັງໄດ້ຮັບແຈ້ງຈາກຜູ້ເສຍຫາຍ ໃນວັນທີ 3 ກັນຍາ 2022ເຈົ້າໜ້າທີ່ ຈິ່ງໄດ້ປະສານສົມທົບກັບພາກສ່ວນທີ່ກ່ຽວຂ້ອງ ຕິດຕາມ ແລະ ກໍານົດເປົ້າໝາຍກໍ່ເຫດປຸ້ນຊັບຄັ້ງນີ້ ຮອດວັນທີ 21 ຕຸລາ 2022, ຈິ່ງໄດ້ເຂົ້າກັກຕົວ ທ້າວ ພັກສະນະ ຫຼື ນະ ມາດໍາເນີນຄະດີ ສ່ວນຜູ້ຮ່ວມຂະບວນການ ອີກ 1 ຄົນ ແມ່ນໄດ້ເອົາຕົວຫຼົບໜີ.

ຜ່ານການສອບສວນເບື້ອງຕົ້ນ ທ້າວ ພັກສະນະ ຫຼື ນະ ໄດ້ຮັບສາລະພາບວ່າ: ໃນວັນທີ 3 ກັນຍາ 2022 ຕົນ ແລະ ໝູ່ໄດ້ໄປຫຼີ້ນຮ້ານອາຫານແຫ່ງໜຶ່ງ ຢູ່ເຂດເມືອງໄຊທານີ ສັງເກດເຫັນແມ່ຍິງ 2 ຄົນ ໄປຫຼີ້ນຢູ່ຮ້ານດຽວກັນ ກໍາລັງຈະກັບບ່ອນພັກເຊົາ ຕົນ ແລະ ໝູ່ກໍໄດ້ຕິດຕາມ ຈົນມາຮອດບ່ອນພັກເຊົາ ຈິ່ງໄດ້ປຸ້ນເອົາຊັບສິນ ເຊິ່ງລວມມີ ລົດຈັກ ເວບຮ້ອຍ 1 ຄັນ ພ້ອມເງິນກີບ 4.900.000 ກີບ ຈາກນັ້ນເອົາລົດຈັກໄປຂາຍ ໄດ້ເງິນມາ ກໍ່ແບ່ງເຄິ່ງກັບໝູ່ ແລະ ຕົນເອງໄດ້ເອົາຕົວຫຼົບໜີໄປຢູ່ຕ່າງແຂວງ ພາຍຫຼັງກັບມາ ນະຄອນຫຼວງວຽງຈັນ ກໍ່ຖືກເຈົ້າໜ້າທີ່ກັກຕົວ. ຕໍ່ກັບຄະດີດັ່ງກ່າວ ປັດຈຸບັນເຈົ້າໜ້າທີ່ພວມເລັ່ງດໍາເນີນຕາມຂັ້ນຕອນຂອງກົດໝາຍ.

ແຫຼ່ງຂ່າວ: ປ້ອງກັນຄວາມສະຫງົບນະຄອນຫຼວງວຽງຈັນ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...