spot_img
Homeຂ່າວກິລາກັນຕະນາ ກວາດ 4 ຫຼຽນຄຳ ຍິງປືນ ຊຽງຂວາງ ເກມ

ກັນຕະນາ ກວາດ 4 ຫຼຽນຄຳ ຍິງປືນ ຊຽງຂວາງ ເກມ

Published on

ນາງ ກັນຕະນາ ໄຊຍະລາດ ສາວນັກກິລາແມ້ນປືນມືໃໝ່ ເກີດຢູ່ບ້ານໜອງບອນ ເມືອງໄຊເຊດຖາ ນະຄອນຫຼວງວຽງຈັນ (ນວ) ມີເວລາຝຶກຊ້ອມພຽງ 2 ເດືອນ ແຕ່ສາມາດແຈ້ງເກີດກວາດ 4 ຫຼຽນຄຳ ກາຍເປັນສາວຮີໂຣຊາວ ນວ ກໍຄື ພາທັບນັກແມ້ນປືນ ນວ ສ້າງຜົນງານລື່ນຄາດໝາຍ ໃຫ້ທັບນັກກິລານະຄອນຫຼວງວຽງຈັນ ປິດສາກການແຂ່ງຂັນກິລາຍິງປືນສັ້ນແກັບກາງ ງານມະຫະກຳກິລາແຫ່ງຊາດ ຄັ້ງທີ 11 ຫຼື ຊຽງຂວາງ ເກມ.

 

ການແຂ່ງຍິງປືນ ຊຽງຂວາງ ເກມ ໄດ້ດຳເນີນແຂ່ງຂັນໄລຍະສຸດທ້າຍ ລະຫວ່າງວັນທີ 14-15 ທັນວາ 2022 ທີ່ໂຮງຮຽນປ້ອງກັນຄວາມສະຫງົບ ຫຼື ປກສ ຊັ້ນຕົ້ນ ເລກ 03 ເມືອງແປກ ແຂວງຊຽງຂວາງ, ກ່ອນໃນວັນທີ 16 ທັນວາ ຜ່ານມາ ຈະມີພິທີມອບ-ຮັບຫຼຽນເປັນທາງການ ຊຶ່ງການແຂ່ງຂັນຊີງໄຊກັນທັງໝົດ 34 ຫຼຽນຄຳ, 34 ຫຼຽນເງິນ ແລະ 68 ຫຼຽນທອງ ໃຫ້ກຽດເຂົ້າຮ່ວມ ແລະ ມອບຫຼຽນລາງວັນຂອງ ທ່ານ ພົນຕີ ວັນທອງ ກອງມະນີ ຮອງລັດຖະມົນຕິ ກະຊວງປ້ອງກັນຄວາມສະຫງົບ ທັງເປັນປະທານສະຫະພັນຍິງປືນແຫ່ງຊາດລາວ ພ້ອມດ້ວຍຄະນະສະຫະພັນຍິງປືນແຫ່ງຊາດ, ບັນດາແຂວງ, ຄູຝຶກ ແລະ ນັກກິລາ ຢ່າງພ້ອມພຽງ.

ການແຂ່ງຂັນກິລາຍິງປືນ ງານກິລາ ຊຽງຂວາງ ເກມ ແບ່ງເປັນ 3 ໄລຍະ ຄື: ໄລຍທີ 1 ແຕ່ວັນທີ 14-20 ພະຈິກ 2022 ແຂ່ງຂັນຢູ່ນະຄອນຫຼວງວຽງຈັນ ໄລຍະທີ 2 ແຕ່ວັນທີ 25-28 ພະຈິກ 2022 ແຂ່ງຂັນຢູ່ນະຄອນຫຼວງວຽງຈັນເຊັ່ນກັນ ແລະ ໄລຍະທີ 3 ແຂ່ງຂັນຢູ່ແຂວງຊຽງຂວາງ 14-16 ທັນວາ 2022. ໂດຍມີນັກກິລາເຂົ້າຮ່ວມການແຂ່ງຂັນທີ່ມາຈາກກະຊວງປ້ອງກັນປະເທດ (ປກຊ), ກະຊວງປ້ອງກັນຄວາມສະຫງົບ (ປກສ), ນະຄອນຫຼວງວຽງຈັນ, ຫຼວງພະບາງ, ຜົ້ງສາລີ, ຄຳມ່ວນ, ຫົວພັນ, ສະຫວັນນະເຂດ ແລະ ເຈົ້າພາບ ຊຽງຂວາງ, ມີການຊີງໄຊກັນທັງໝົດ 34 ຫຼຽນຄຳ, 34 ຫຼຽນເງິນ ແລະ 68 ຫຼຽນທອງ.

ຜົນການແຂ່ງຂັນປະກົດວ່າ ນັກກິລາຍິງປຶນຈາກນະຄອນຫຼວງວຽງຈັນ ສາມາດຍາດມາໄດ້ 6 ຫຼຽນຄຳ, 2 ຫຼຽນເງິນ ແລະ 17 ຫຼຽນທອງ ຈັດຢູ່ໃນອັນດັບ 3 ຂອງຕາຕະລາງ. ຊຶ່ງຫຼຽນຄຳ ໄດ້ຈາກລາຍການບຸກຄົນຍິງ 15 ແມັດ, ທີມຍິງ, ບຸກຄົນຍິງ 25 ແມັດ, ທີມຍິງ ປືນຍາວເປົ້າເລື່ອນ 10 ແມັດ, ບຸກຄົນຍິງ ແລະ ປືນຍາວເປົ້າເລື່ອນ 10 ແມັດ ບຸກຄົນຊາຍ. ສ່ວນອັນດັບທີ 1 ເປັນຂອງ ປກຊ ຍາດໄດ້ 11 ຫຼຽນຄຳ, 14 ຫຼຽນເງິນ ແລະ 12 ຫຼຽນທອງ, ອັນດັບທີ 2 ປກສ ຍາດໄດ້ 11 ຫຼຽນຄຳ, 11 ຫຼຽນເງິນ ແລະ 14 ຫຼຽນທອງ.

ນາງ ກັນຕະນາ ໄຊຍະລາດ ໃຫ້ສຳພາດວ່າ: ການຍາດຫຼຽນຄຳມາຄອງໃນ ຊຽງຂວາງ ເກມ 2022 ເປັນຄວາມພາກພູມໃຈຫຼາຍ ເພາະຕົນເອງເປັນນັກກິລາມືໃໝ່ ກ່ອນເຂົ້າຮ່ວມກໍຫວັງພຽງແຕ່ຈະເຮັດໃຫ້ດີທີ່ສຸດ ເພາະໄດ້ເປັນຕົວແທນໃຫ້ນັກກິລາຊາວນະຄອນຫຼວງວຽງຈັນ ໃນລາຍການທໍາອິດທີ່ຕົນໄດ້ເຂົ້າມາເປັນນັກກິລາຍິງປືນຮ່ວມແຂ່ງຂັນງານຄັ້ງນີ້ ແຕ່ທີ່ໜ້າປະທັບໃຈສຸດ ນ້ອງສາມາດຍາດໄດ້ 4 ຫຼຽນຄຳ ສ້າງຜົນປະໂຫຍດໃຫ້ທັບນັກກິລາຍິງປືນນະຄອນຫຼວງວຽງຈັນ ໄດ້ລື່ນຄາດໝາຍ ຜົນງານດັ່ງກ່າວນີ້ ໄດ້ມາກໍຍ້ອນຄວສມເອົາໃຈໃສ່ຂອງສະຫະພັນຍິງປືນ ນະຄອນຫຼວງ ກໍຄື ຄູຝຶກ ເອົາໃຈໃສ່ແນະນຳການຊ້ອມຕະຫຼອດໄລຍະເກັບຕົວ ເລີ່ມຕັ້ງແຕ່ຂັ້ນພື້ນຖານ ແລະ ເຕັກນິກຕ່າງໆ ອີກສ່ວນໜຶ່ງແມ່ນມາຈາກຄອບຄົວ ໝູ່ເພື່ອນ ທີ່ໄດ້ຊຸກຍູ້ສົ່ງເສີມຕະຫຼອດມາ ສິ່ງສຳຄັນອີກ ກໍຄື ແມ່ນມາຈາກພໍໍ່ແມ່ປະຊາຊົນຊາວນະຄອນຫຼວງວຽງຈັນ ທີ່ໄດ້ສົ່ງກຳລັງໃຈຕະຫຼອດໄລຍະເຂົ້າຮ່ວມການແຂ່ງຂັນ ຈົນສາມາດສ້າງຜົນງານໃນງານຄັ້ງນີ້ິ້.

ທີ່ມາ: ໜັງສືພິມສຶກສາ-ກິລາ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...