spot_img
Homeຂ່າວພາຍ​ໃນຮ່ວມມືກັນປຸ້ນເອົາເງິນເຈົ້າຂອງຮ້ານຂາຍເຫຼັກເສດ

ຮ່ວມມືກັນປຸ້ນເອົາເງິນເຈົ້າຂອງຮ້ານຂາຍເຫຼັກເສດ

Published on

ເວລາປະມານ 22:00 ໂມງ ຂອງວັນທີ 12 ພະຈິກ 2022 ໄດ້ມີຊາຍ 3 ຄົນ, ປຸ້ນຈີ້ເອົາເງິນຂອງ ທ້າວ ຮາ ວັນ ມາຍ ອາຍຸ 47 ປີ, ສັນຊາດຫວຽດນາມ, ພັກເຊົາຢູ່ບ້ານທົ່ງນ້ອຍ ເມືອງປາກຊັນ ແຂວງບໍລິຄໍາໄຊ ລວມມູນຄ່າເສຍຫາຍມີເງິນກີບຈໍານວນ 16.000.000 ກີບ, 1.000 ບາດ, 300 ໂດລາ, 500.000 ດົ່ງ ແລະ ໂທລະສັບມືຖື 1 ເຄື່ອງ.

ພາຍຫຼັງເຈົ້າໜ້າທີ່ ປກສ ກຸ່ມຫ້ວຍຄູນ ໄດ້ຮັບແຈ້ງຄວາມ ກໍໄດ້ລາຍງານພະແນກຕໍາຫຼວດ ປກສ ເມືອງບໍລິຄັນ, ຜ່ານການລົງເກັບກໍາຂໍ້ມູນສະຖານທີ່ເກີດເຫດ ກໍໄດ້ຂຶ້ນບັນຊີເປົ້າຫມາຍກໍ່ເຫດໄດ້ 3 ຄົນ.

ພໍຮອດວັນທີ 13 ພະຈິກ 2022 ກໍສາມາດຈັບເປົ້າໝາຍໄດ້ 3 ຄົນ ຄື:

  1.  ທ້າວ ສຸ ວິໄຊ ຫຼື ຄໍາຮູ້ ອາຍຸ 24 ປີ
  2. ທ້າວ ຂັນ ອາຍຸ 36 ປີ
  3.  ທ້າວ ວົງເດືອນ ຫຼື ຈ່ອຍ ອາຍຸ 28 ປີ, ທັງ 3 ຄົນ ຢູ່ບ້ານຫ້ວຍຄູນ ເມືອງບໍລິຄັນ ແຂວງບໍລິຄຳໄຊ.

ຜ່ານການສອບສວນໃນເບື້ອງຕົ້ນ ທັງ 3 ສາລະພາບວ່າ:

ກ່ອນຈະໄປກໍ່ເຫດ ທັງ 3 ຄົນ ໄດ້ພາກັນນັ່ງຫຼິ້ນເກມຢູ່ເຮືອນຂອງ ທ້າວ ຂັນ ແລ້ວ ທ້າວ ຄໍາຮູ້ ກໍໄດ້ ວາງແຜນການປຸ້ນເອົາເງິນຂອງຄົນຫວຽດນາມທີ່ຊື້ເຫຼັກເສດ, ຮ້ານຕັ້ງຢູ່ບ້ານທົ່ງນ້ອຍ ເພາະຜ່ານມາ ທ້າວ ຄໍາຮູ້ ແມ່ນເຄີຍຂາຍເຫຼັກເສດໃຫ້ຮ້ານດັ່ງກ່າວຈໍານວນຫຼາຍຄັ້ງ.

ໂດຍ ທ້າວ ຄໍາຮູ້ ໄດ້ວາງແຜນການ ວ່າ: ໃຫ້ ທ້າວ ວົງເດືອນ ເປັນຄົນລັດລົດ ທ້າວ ຣາ ວັນ ມາຍ ໃນ ເວລາທີ່ ທ້າວ ຄໍາຮູ້ ໄດ້ໂທບອກມາຫາບ່ອນນັດໝາຍ ເພື່ອຕົວະວ່າມີເຫຼັກເສດຈະຂາຍໃຫ້ ເມື່ອມາຮອດ ແລ້ວ ໃຫ້ຈີ້ເອົາເງິນແລ້ວມາແບ່ງປັນກັນ.

ຫຼັງຈາກຕົກລົງກັນລະອຽດແລ້ວ, ຮອດເວລາປະມານ 22:00 ໂມງ ຂອງວັນດຽວກັນ ພວກກ່ຽວທັງ 3 ຄົນ ປະຕິບັດຕາມແຜນການທີ່ວາງໄວ້ ຈາກນັ້ນ ໄດ້ຂີ່ລົດຈັກເວບຈີນສີແດງດໍາ ບໍ່ມີປ້າຍທະບຽນ ເຊິ່ງເປັນລົດຂອງ ທ້າວ ວົງເດືອນ ຊ້ອນ 3 ໄປຖ້າຢູ່ບ່ອນນັດໝາຍ ພໍຂີ່ໄປຮອດໜ້າໂຮງງານຢາງພາລາທາງຮ່ອມ ບ່ອນດູດຫີນ-ຊາຍ ກໍໄດ້ພາກັນຈອດລົດຈັກ, ໂດຍ ທ້າວ ຄໍາຮູ້ ໄດ້ວາງແຜນການໃຫ້ ທ້າວ ວົງເດືອນ ນັ່ງ ເຝົ້າລົດຈັກຢູ່ແຄມທາງ, ເວລາທີ່ເຈົ້າຂອງຮ້ານເຫຼັກເສດອອກມາແມ່ນໃຫ້ ທ້າວ ວົງເດືອນ ເປັນຄົນລັດລົດ ແລ້ວບອກໃຫ້ໄປຫາ ທ້າວ ຄໍາຮູ້ ແລະ ທ້າວ ຂັນ ທີ່ລົງໄປລີ້ຢູ່ແຄມທາງເພື່ອສະດວກໃນການລົງມືຈີ້ເອົາເງິນ.

ຈາກນັ້ນ ທ້າວ ຄໍາຮູ້ ແລະ ທ້າວ ຂັນ ກໍໄດ້ເອົາເສື້ອປິດໜ້າ ແລະ ຖືມີດຄົນລະດວງລົງໄປລີ້ຢູ່ແຄມທາງ, ຜ່ານໄປປະມານ 20 ນາທີ, ທ້າວ ຮາ ວັນ ມາຍ ແລະ ນາງ ຫງວຽນ ທິ ທີ (ຜົວ-ເມຍ) ໄດ້ຂີ່ລົດຍີ່ຫໍ້ SOJEN ມາຈາກຈຸດນັດໝາຍ ແລ້ວພວກກ່ຽວກໍເອົາມີດຈີ້ເອົາກະເປົາເງິນຂອງ ທ້າວ ຮາ ວັນ ມາຍ ແລ້ວພາກັນລົບໜີ.

ແຫຼ່ງຂ່າວ ຄວາມສະຫງົບ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...