ແຫຼ່ງຂ່າວທາງການຂອງກຳປູເຈຍໄດ້ລາຍງານວ່າ: ປະທານອາຊຽນ ກຳປູເຈຍ ບໍ່ເຊີນທ່ານ ພົນເອກ ເຈນ ທຸນ ອູ (Gen Tun Oo) ລັດຖະມົນຕີກະຊວງປ້ອງກັນປະເທດ ຂອງລັດຖະບານທະຖານມຽນມາ ເຂົ້າຮ່ວມກອງປະຊຸມລັດຖະມົນກະຊວງປ້ອງກັນປະເທດອາຊຽນ (Asean Defence Ministers’ Meeting ຫຼື ADMM) ທີ່ໄດ້ຍົກເລີກ ຢູ່ນະຄອນສຽມລຽບ ກຳປູເຈຍ ເນື່ອງຈາກຍັງບໍ່ພົບຄວາມຄືບໜ້າທາງດ້ານສັນຕິພາບໃນມຽນມາເລີຍ.
ນີ້ແມ່ນເທື່ອທຳອິດທີ່ ທ່ານ Gen T un Oo ບໍ່ໄດ້ຮັບເຊີນເຂົ້າຮ່ວມກອງປະຊຸມລັດຖະມົນກະຊວງປ້ອງກັນປະເທດອາຊຽນ ຄັ້ງທີ່ 16 ໃນກຸງພະນົມເປັນໃນເດືອນມິຖຸນາ.
ແຕ່ທ່ານ ຊໍ ຊໍ ໂຊ (Zaw Zaw Soe) ຜູ້ຕາງໜ້າກະຊວງປ້ອງກັນປະເທດມຽນມາ ຮອງຫົວໜ້າກົມພົວພັນການຕ່າງປະເທດ ໄດ້ເຂົ້າຮ່ວມກອງປະຊຸມກະຊວງປ້ອງກັນປະເທດອາຊຽນ (ADSOM) ແລະ (ADSOM-Plus) ທີ່ນະຄອນພະນົມເປັນໃນເດືອນພຶດສະພາ.
ຢ່າງໃດກໍຕາມ ທ່ານ ພົນເອກ Tea Banh ລັດຖະມົນຕີກະຊວງປ້ອງກັນປະເທດກຳປູເຈຍ ໄດ້ຕັດສິນໃຈ ເຊື້ອເຊີນຜູ້ຕາງໜ້າທີ່ບໍ່ກ່ຽວຂ້ອງກັບການເມືອງ ໃຫ້ເປັນຕົວແທນຂອງລັດຖະບານທະຫານມຽນມາ ໃນກອງປະຊຸມລັດຖະມົນກະຊວງປ້ອງກັນປະເທດອາຊຽນທີ່ໄດ້ຍົກເລີກໄປ.
ແຫຼ່ງຂ່າວຈາກ Khmer Times