spot_img
Homeຂ່າວພາຍ​ໃນຄະນະ​ເກັບ​ກູ້​ລະເບີດ​ຂອງ​ກອງທັບ​ສະຫະພັນ​ຣັດ​ເຊຍ ໄດ້​ເດີນທາງ​ມາ​ປະຕິບັດ​ໜ້າທີ່​ ຢູ່ ​ສປປ ລາວ

ຄະນະ​ເກັບ​ກູ້​ລະເບີດ​ຂອງ​ກອງທັບ​ສະຫະພັນ​ຣັດ​ເຊຍ ໄດ້​ເດີນທາງ​ມາ​ປະຕິບັດ​ໜ້າທີ່​ ຢູ່ ​ສປປ ລາວ

Published on

ໃນ​ວັນ​ທີ 17 ພະຈິກ 2022 ຜ່ານມາ, ຄະນະ​ເກັບ​ກູ້​ລະເບີດ​ຂອງ​ກອງທັບ​ສະຫະພັນ​ຣັດ​ເຊຍ ໄດ້​ເດີນທາງ​ມາ​ປະຕິບັດ​ໜ້າທີ່​ ຢູ່ ​ສປປ ລາວ, ລວມ​ທັງ​ໝົດ​ມີ 24 ສະຫາຍ. ເຊິ່ງມີຄະນະ​ທາງ​ການ​ຝ່າຍ​ລາວ ອອກ​ຕ້ອນຮັບ ຢູ່​ທີ່​ສະໜາມ​ບິນ​ສາກົນ​ວັດ​ໄຕ ນະຄອນຫຼວງ​ວຽງຈັນ, ນຳ​ໂດຍ​ ສະຫາຍ ພັນ​ເອກ ປາດ​ຖະ​ໜາ ບຸດ​ຕິ​ຈັກ ຮອງ​ຫົວ ໜ້າ​ຫ້ອງການ​ ກົມ​ໃຫຍ່​ເສນາ​ທິ​ການ​ກອງທັບ​ປະຊາຊົນ​ລາວ ພ້ອມ​ດ້ວຍ​ຄະນະ ແລະ ຝ່າຍ​ສະ ຫະພັນຣັດເຊຍ, ມີຫົວໜ້າ​ຫ້ອງ ການ​ທີ່​ປຶກສາ​ທູດ​ຝ່າຍ​ປ້ອງ​ກັນ​ຊາດ​ສະຫະພັນ​ຣັດເຊຍ ​ປະຈຳ ​ສປປ ລາວ, ຫົວໜ້າ​ຫ້ອງການ​ຜູ້ຕາງໜ້າ​ກະຊວງປ້ອງ​ກັນ​ປະ ເທດ​ສະຫະພັນ​ຣັດ​ເຊຍ ປະຈຳ ​ສປປ ລາວ ແລະ ພາກ​ສ່ວນ​ທີ່​ກ່ຽວຂ້ອງ​ອອກ​ຕ້ອນຮັບ.

ໂອກາດ​ນີ້, ສະຫາຍ ຫົວໜ້າ​ຄະນະ​ຝ່າຍ​ລາວ ກໍ​ໄດ້​ສະແດງ ຄວາມ​ຊົມເຊີຍ ແລະ ຍິນ​ດີ​ຕ້ອນ ຮັບ ສະຫາຍ ພັນ​ເອກ ອາບ​ຣາ​ມົບ ເຊຣ​ເກ ຫົວໜ້າ​ວິຊາ​ການ​ໃຫຍ່ ກົມ​ຊ່າງ​ແສງ​ກຳລັງ​ປະກອບ​ອາ ວຸດ ແຫ່ງ ສະຫະພັນຣັດ​ເຊຍ ພ້ອມ​ດ້ວຍ​ຄະນະ​ເກັບ​ກູ້​ລະເບີດ ກອງທັບ​ສະຫະພັນ​ຣັດ​ເຊຍ ທີ່​ເດີນທາງ​ມາ​ເຮັດ​ວຽກ ແລະ ຢ້ຽມ ຢາມ​ຢູ່ ​ສປປ ລາວ ແຕ່​ວັນ​ທີ 17-24 ພະຈິກ 2022 ນີ້, ເຊິ່ງ​ຈະ​ເປັນ​ການ​ປະກອບສ່ວນ​ອັນ​ສຳຄັນ​ເຂົ້າ​ໃນ​ການ​ເສີມຂະຫຍາຍ​ສາຍ​ພົວພັນ​ຮ່ວມ​ມື​ຊ່ວຍເຫຼືອ​ເຊິ່ງ​ກັນ ແລະ ກັນ ຂອງ​ທັງ​ສອງ​ປະເທດ​ທີ່​ມີ​ມູນເຊື້ອ​ມາ​ແຕ່​ດົນ​ນານ​ແລ້ວ​ນັ້ນ, ໃຫ້​ນັບ​ມື້​ຂະຫຍາຍຕົວ​ຍິ່ງໆ​ຂື້ນ, ໂດຍ​ສະເພາະ​ແມ່ນ​ສອງກະ ຊວງ​ປ້ອງ​ກັນ​ປະເທດພວກ​ເຮົາ​ຄະນະ​ເກັບ​ກູ້​ລະເບີດ​ກອງທັບສະ ຫະພັນ​ຣັດ​ເຊຍ ຈະ​ໄດ້​ພົບ​ປະ​ສອງ​ຝ່າຍ ຮ່ວມ​ກັບ​ກອງທັບປະຊາຊົນ​ລາວ ເພື່ອ​ປຶກສາ​ຫາລື​ເອກະ​ພາບ​ການ​ກະກຽມ​ກ່ຽວ​ກັບພິທີ​ເປີດ​ການ​ເກັບ​ກູ້​ລະເບີດ, ເຝິກອົບຮົມ ແລະ ຈັດ​ຕັ້ງ​ເກັບ​ກູ້​ລະເບີດ​ຮ່ວມ​ກັນໃນ​ການ​ໄປ​ປະຕິບັດ​ໜ້າທີ່​ ຢູ່​ທີ່​ເມືອງນາ​ກາຍ ແຂວງຄຳ​ມ່ວນ ເພື່ອ​ເກັບ​ກູ້​ລະເບີດ​ບໍ່​ທັນ​ແຕກ​ທີ່​ຕົກ​ຄ້າງ​ໃນ​ປາງ​ສົງຄາມ ​ຢູ່ ​ສປປ ລາວ ພ້ອມ​ທັງ​ກວດກາ ແລະ ປັກ​ຫຼັກ​ໝາຍ​ຂອບ​ເຂດ​ເພື່ອຈະ​ສືບຕໍ່​ເກັບ​ກູ້​ໃນຕໍ່ໜ້າ.

ທີ່ມາ: Lao people’s Army News

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...