spot_img
Homeຂ່າວພາຍ​ໃນປກສ ກຸ່ມສີວິໄລ ມອບລົດໃຫຍ່ຄືນໃຫ້ເຈົ້າຂອງເດີມ

ປກສ ກຸ່ມສີວິໄລ ມອບລົດໃຫຍ່ຄືນໃຫ້ເຈົ້າຂອງເດີມ

Published on

ວັນທີ 15 ພະຈິກ 2022, ຢູ່ທີ່ ປກສ ກຸ່ມສີວິໄລ ເມືອງໄຊທານີ ນວ, ພັທ ແອັດດີ້ ວັນຄຳທອງຄູນ ຫົວໜ້າ ປກສ ກຸ່ມສີວິໄລ ພ້ອມດ້ວຍຄະນະ, ໄດ້ຈັດພິທີມອບ-ຮັບລົດກະບະ ຍີ້ຫໍ້ໂຕໂຍຕ້າ ວີໂກ້ ສີດຳ ປ້າຍທະບຽນ ກກ 4389 ຄຳມ່ວນ ທີ່ເກັບກູ້ຄືນມາໄດ້ຈາກຄົນຮ້າຍລັກໄປ ໃຫ້ເຈົ້າຂອງເດີມ ກ່າວຮັບໂດຍ ທ່ານ ແກ້ວໂອໄດ ພົງວິໄລ ເຈົ້າຂອງລົດ.

ພັທ ແອັດດີ້ ວັນຄໍາທອງຄູນ ຫົວໜ້າ ປກສ ກຸ່ມສີວິໄລ ໃຫ້ຮູ້ວ່າ: ໃນຕອນເຊົ້າວັນທີ 15 ພະຈິກ 2022 ພາຍຫຼັງໄດ້ຮັບແຈ້ງຈາກພົນລະເມືອງດີວ່າ ໄດ້ພົບເຫັັນລົດກະບະວີໂກ້ສີດຳ ທີ່ໄດ້ປະກາດເສຍຫາຍຢູ່ທາງສື່ສັງຄົມອອນລາຍເຟສບຸກ ພົບເຫັນຈອດໄວ້ຢູ່ຫ້ອງແຖວເຂດບ້ານຄຳຮຸ່ງ ຈຶ່ງໄດ້ຕິດຕາມສືບຄົ້ນຫາ ຈຶ່ງຮູ້ວ່າລົດຄັນດັ່ງກ່າວໄດ້ຂັບຂີ່ອອກໄປຈອດໄວ້ຢູ່ເຂດບ້ານໜອງພະຍາ ຈຶ່ງໄດ້ນຳກຳລັງ ເຂົ້າກວດກາ ແລະ ຈັບຕົວຜູ່ຖືກສົງໄສໄດ້ 1 ຄົນ ຊື່ທ້າວ ແຫຼ້ ຫຼື ອາ ອາຍຸ 24 ປີ, ພັກເຊົາຢູ່ບ້ານ ຄຳຮຸ່ງ ແລ້ວນຳຕົວຂຶ້ນມາສອບສວນ; ຜ່ານການສອບສວນຂອງເຈົ້າໜ້າທີ່ ທ້າວແຫຼ້ ຫຼື ອາ ໄດ້ຍອມຮັບສາລະພາບວ່າ: ໃນຕົ້ນເດືອນພະຈິກ ຕົນເອງໄດ້ລົງໄປຊອກເຮັດວຽກຢູ່ແຂວງຄຳມ່ວນ ໃນລະຫວ່າງລໍຖ້າຊອກເຮັດວຽກນັ້ນ ມີແນວຄິດຢາກໄດ້ເງີນຈຶ່ງລົງມືລັກງັດແງະເຂົ້າຮ້ານຂາຍເຄື່ອງແຫ່ງໜຶ່ງຢູ່ເຂດເມືອງທ່າແຂກ ໄດ້ເງີນສົດປະມານ 3 ແສນກີບ, ບັດເຕີມເງີນ ລວມມູນຄ່າ 8 ແສນກີບ ແລະ ລັກເອົາລົດກະບະ ໂຕໂຍຕ້າ ວີໂກ້ສີດຳປ້າຍທະບຽນ ກກ 4389 ຄຳມ່ວນ ຂັບຂີ່ມາຊຸກເຊືອງໄວ້ຢູ່ ນະຄອນຫຼວງວຽງຈັນ; ຮອດວັນທີ 15 ພະຈິກ 2022 ຈຶ່ງຖືກເຈົ້າໜ້າທີ່ເຂົ້າຈັບຕົວ. ປັດຈຸບັນ ເຈົ້າໜ້າທີ່ ປກສ ກຸ່ມສີວິໄລ ໄດ້ສົ່ງຕົວຜູ້ຖືກຫາໃຫ້ ປກສ ເມືອງໄຊທານີ ດຳເນີນຄະດີຕາມລະບຽບກົດໝາຍ.

ກອງບັນຊາການ ປກສ ນວ ຮຽກຮ້ອງມາຍັງທົ່ວສັງຄົມ ໃຫ້ເພີ່ມທະວີປົກປັກຮັກສາຊັບສີນວັດຖຸເງີນຄຳ ແລະ ຂໍໃຫ້ເປັນເຈົ້າການປະກອບສ່ວນປະຕິບັດພັນທະຂອງຕົນເຂົ້າໃນວຽກງານຮັກສາຄວາມສະຫງົບ ຄວາມເປັນລະບຽບຮຽບຮ້ອຍ ເພື່ອປ້ອງກັນສະກັດກັ້ນກຸ່ມຄົນບໍ່ດີ ກໍ່ອາດຊະຍາກຳທຸກປະເພດ.

ແຫຼ່ງຂ່າວ ປກສ ນະຄອນຫຼວງວຽງຈັນ

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...