spot_img
Homeຂ່າວພາຍ​ໃນກຸ່ມຄ້າຂາຍຢາເສບຕິດສວຍໃຊ້ເດັກນ້ອຍ ອາຍຸບໍ່ເຖິງກະສຽນ ຫຼື ຜູ້ຍິງຖືພາຂົນສົ່ງຢາເສບຕິດ

ກຸ່ມຄ້າຂາຍຢາເສບຕິດສວຍໃຊ້ເດັກນ້ອຍ ອາຍຸບໍ່ເຖິງກະສຽນ ຫຼື ຜູ້ຍິງຖືພາຂົນສົ່ງຢາເສບຕິດ

Published on

ກໍາລັງປ້ອງກັນຄວາມສະຫງົບກວດພົບກຸ່ມຄ້າຂາຍຢາເສບຕິດ ທີ່ສວຍໃຊ້ຊ່ອງວ່າງທາງດ້ານກົດໝາຍເປັນບ່ອນອີງໃນການເຄື່ອນໄຫວຄາ້ຂາຍ ແລະ ຂົນສົ່ງຢາເສບຕິດໂດຍໃຊ້ເດັກນ້ອຍທີ່ ມີອາຍຸບໍ່ເຖິງກະສຽນ ຫຼື ຜູ້ຍິງຖືພາ ໃນການຂົນສົ່ງຢາເສບຕິດໃຫ້ກັບພວກເຂົ້າ ແລະ ອື່ນໆ.

ນັບແຕ່ປີ 2021 ມາຮອດບັດຈຸບັນ, ກໍາລັງປ້ອງກັນຄວາມສະຫງົບ ຫຼື ຄະນະສະເພາະກິດ ໄດ້ໃຊ້ທຸກໆເຫື່ອແຮງ ແລະ ສະຕິປັນຍາສຸມໃສ່ວາລະເເຫ່ງຊາດວ່າດ້ວຍຢາເສບຕິດ ໂດຍສາມາດຈັບກຸມຜູ້ຄ້າຂາຍຢາເສບຕິດ ແລະ ຢຶດຢາເສບຕິດແຕ່ລະປະເພດໄດ້ຈໍານວນຫຼາຍ ແຕ່ກໍຍັງບໍ່ສາມາດແກ້ໄຂການລັກລອບຂົນສົ່ງ ຫຼື ຂາຍຢາເສບຕິດໄດ້ 100% ຍ້ອນວ່າກຸ່ມຄ້າຂາຍ ຢາເສບຕິດໄດ້ໃຊ້ຫຼ່ຽມກົນອຸບາຍເພື່ອປິດບັງການກະທໍາຜິດ ແລະ ຫຼົບຫຼີກການກວດກາຂອງເຈົ້າໜ້າທີ່ ເຊັ່ນ: ມີການຊຸກເຊື່ອງຢາເສບຕິດໃນເວລາຂົນສົ່ງສິນຄ້າ, ເຄື່ອນຍ້າຍຢາເສບຕິດແບບແນບນຽນ, ມີການດັດແປງສະພາບຍານພາຫະນະຂົນສົ່ງ ເພື່ອຊຸກເຊື່ອງຢາເສບຕິດໄວ້ ເເລະ ຫຼົບຫຼີກສາຍຕາຂອງເຈົ້າໜ້າທີ່ ລວມທັງສວຍໃຊ້ຊ່ອງວ່າງທາງດ້ານກົດຫມາຍ ເປັນບ່ອນອີງໃນການເຄື່ອນໄຫວໂດຍໃຊ້ເດັກນ້ອຍທີ່ມີອາຍຸບໍ່ເຖິງກະສຽນ ຫຼື ຜູ້ຍິງຖືພາເຂົ້າຮ່ວມຂະບວນການກັບພວກເຂົາ.

ໃນໄລຍະ 1 ປີ (2021-2022) ຜ່ານມາ, ກໍາລັງປ້ອງກັນຄວາມສະຫງົບສາມາດມ້າງຄະດີຢາເສບຕິດ ໄດ້ທັງຫມົດ 1.202 ເລື່ອງ, ກັກຜູ້ຕ້ອງຫາໄດ້ 1.964 ຄົນ (ຍິງ 226 ຄົນ); ຢຶດຂອງກາງຢາເສບຕິດ ປະເພດຢາບ້າ 2,8 ໂຕນ, ເຮໂຣອິນ 78,92 ກິໂລກຣາມ, ຢາເຄຕາມິນ 8,53 ກິໂລກຣາມ, ຢາໄອສ 40,54 ກິໂລກຣາມ, ແປ້ງປະສົມຢາບ້າ 40 ເປົ້າ ເທົ່າກັບ 1.997 ກິໂລກຣາມ ແລະ ປະເພດຢາເສບຕິດ ຊະນິດອື່ນໆອີກຈໍານວນໜຶ່ງ.

ແຫຼ່ງຂ່າວຈາກ ວຽງຈັນທາຍ

ຂໍ້ມູນ: ຈັນສະຫມອນ (ປກສ)

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...