spot_img
Homeຂ່າວພາຍ​ໃນມອບ-ຮັບໜ້າທີ່ ຜູ້ອຳນວຍການທະນາຄານນະໂຍບາຍ

ມອບ-ຮັບໜ້າທີ່ ຜູ້ອຳນວຍການທະນາຄານນະໂຍບາຍ

Published on

ທະນາຄານນະໂຍບາຍ ຈັດພິທີ ມອບ-ຮັບໜ້າທີ່ຜູ້ອໍານວຍການ ໃນວັນທີ 25 ຕຸລາ 2022 ລະຫວ່າງ ທ່ານ ວຸດທິ ເລື່ອນວິໄລວົງ ຜູ້ອໍານວຍການທະນາຄານນະໂຍບາຍຜູ້ເກົ່າ ກັບ ທ່ານ ວິສອນ ໄຊສົງຄາມ ຜູ້ອໍານວຍການທະນາຄານນະໂຍບາຍຜູ້ໃໝ່ ໂດຍມີ ທ່ານ ບຸນເຫລືອ ສິນໄຊວໍຣະວົງ ຜູ້ວ່າການທະນາຄານແຫ່ງ ສປປ ລາວ, ປະທານສະພາບໍລິຫານທະນາຄານນະໂຍບາຍ, ມີບັນດາຄະນະກົມ-ຄະນະອຳນວຍການທະນາຄານ ທຸລະກິດ-ສະເພາະກິດ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ໃນພິທີ, ທ່ານຜູ້ອໍານວຍການທະນາຄານນະໂຍບາຍຜູ້ເກົ່າ ກໍໄດ້ລາຍງານຫຍໍ້ສະພາບການເຄື່ອນ ໄຫວວຽກງານຂອງທະນາຄານນະໂຍບາຍ ໄຕມາດ III/2022 ແລະ ທິດທາງແຜນການໄຕມາດ IV/2022. ຈາກນັ້ນ, ກໍໄດ້ມີການລົງລາຍເຊັນໃສ່ເອກະສານ ມອບ-ຮັບໜ້າທີ່ຜູ້ອໍານວຍການ ຢ່າງເປັນທາງການ.

ໃນໂອກາດດັ່ງກ່າວ, ທ່ານ ບຸນເຫລືອ ສິນໄຊວໍຣະວົງ ຜູ້ວ່າການທະນາຄານແຫ່ງ ສປປ ລາວ ໄດ້ຕີລາຄາສູງ ຕໍ່ກັບການຊີ້ນຳ-ນຳພາຂອງທ່ານຜູ້ອໍານວຍການທະນາຄານນະໂຍບາຍຜູ້ເກົ່າ ເຮັດໃຫ້ທະນາຄານນະໂຍບາຍ ມີອັນປ່ຽນແປງໃໝ່ ຢ່າງຕັ້ງໜ້າ ແລະ ຍັງໃຫ້ທິດຊີ້ນຳໃຫ້ແກ່ຜູ້ອໍານວຍການທະນາຄານນະໂຍບາຍຜູ້ໃໝ່ ພ້ອມດ້ວຍຄະນະ ຈົ່ງເອົາໃຈໃສ່ເສີມຂະຫຍາຍຜົນງານ ທີ່ພົ້ນເດັ່ນຂອງຜູ້ອໍານວຍການເກົ່າ; ນຳເອົາມະຕິຂອງຂັ້ນເທິງໄປຈັດຕັ້ງຜັນຂະຫຍາຍເປັນແຜນການ, ແຜນງານລະອຽດ ຕິດພັນກັບວຽກງານກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານ; ມີຄວາມສາມັກຄີເປັນເອກະພາບ, ເຮັດວຽກລວມສູນປະຊາທິປະໄຕ; ສືບຕໍ່ປັບປຸງປ່ຽນແປງ ແລະ ແກ້ໄຂຂໍ້ຄົງຄ້າງໃນຜ່ານມາ; ສະໜອງແຫລ່ງທຶນຕ້ອງໃຫ້ຖືກເປົ້າໝາຍ ແລະ ທ່ວງທັນລະດູການ ຢູ່ບັນດາເມືອງເປົ້າໝາຍ, ຈຸດສຸມພັດທະນາຂອງລັດຖະບານ, ຂອງທ້ອງຖິ່ນ ແລະ ບ້ານ 3 ສ້າງຕາມແຜນການ.

ແຫຼ່ງຂ່າວ: ຂປລ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...