ສຳນັກຂ່າວ ABC Australia News ໄດ້ລາຍງານວ່າ: ໃນວັນທີ 10 ຕຸລາ 2022 ປະທານາທິບໍດີອາເລັກຊານເດີ ລູຄາເຊນໂກຂອງເບລາລຸດຊີ ປະກາດວ່າ ທາງເບລາລຸດຊີກຽມເຄື່ອນກຳລັງທະຫານສົບທົບ ແລະ ສະໜັບສະໜູນກອງທັບຣັດເຊຍບໍລິເວນພື້ນທີ່ຝັ່ງຕິດຊາຍແດນຢູເຄຣນ ພ້ອມປະກາດເຕືອນວ່າ ກອງທັບເບລາລຸດຊີພ້ອມຕອບໂຕ້ສິ່ງທີ່ຈະເປັນໄພຄຸກຄາມຕໍ່ປະເທດ.
ໂດຍຄຳສັ່ງກຽມຮວມກຳລັງທະຫານສົມທົບກັບຣັດເຊຍ ມີຂຶ້ນພາຍຫຼັງຈາກທີ່ສະຄານເຄຣິຊ ສະພານຫຼັກທີ່ເຊື່ອມຕໍ່ໄຄຣເມຍກັບຣັດເຊຍ ເກີດເຫດລະເບີດໃນວັນທີ 8 ຕຸລາ ທີ່່ຜ່ານມາ ເປັນເຫດການທີ່ເຮັດໃຫ້ຄົນເສຍຊີວິດ 3 ຄົນ ແລະ ໂຄງສ້າງຂອງຂົວບາງສ່ວນໄດ້ຮັບຄວາມເສຍຫາຍ ກ່ອນທີ່ຈະເກີດເຫດໂຈມຕີກຸງເຄຍຟ ເມືອງຫຼວງຂອງຢູເຄຣນຢ່າງໜັກ ເປັນຄັ້ງທຳອິດໃນຮອບຫຼາຍເດືອນ ເຊິ່ງຫຼາຍຝ່າຍຄາດດວ່າເປັນການຕອບໂຕ້ຈາກຝັ່ງຣັດເຊຍ.
ການປະກາດດັ່ງກ່າວຂອງຜູ້ນຳເບລາລຸດຊີ ສະທ້ອນໃຫ້ເຫັນວ່າຄວາມຂັດແຍ່ງກັນລະຫວ່າງຢູເຄຣນ ແລະ ຣັດເຊຍ ຢູ່ໃນຂັ້ນໜັກໜ່ວງ ພາຍຫຼັງທີ່ໄດ້ມີການສູ້ຮົບກັນມາດົນກວ່າ 7 ເດືອນ ໂດຍຄາດການວ່າກຳລັງທະຫານກອງທັບເບລາລຸດຊີ ແລະ ຣັດເຊຍຈະໄດ້ຮວມໂຕກັນບໍລິເວນເຂດເບລາລຸດຊີ ທີ່ຕິດກັບຊາຍແດນຢູເຄຣນ ເຊິ່ງຢູ່ບໍ່ໄກຈາກກຸງເຄຍຟ.