Homeຂ່າວຕ່າງປະເທດປະຊາຊົນຣັດເຊຍປະທ້ວງທີ່ປູຕິນລະດົມກຳລັງທະຫານໄປຢູເຄຣນ

ປະຊາຊົນຣັດເຊຍປະທ້ວງທີ່ປູຕິນລະດົມກຳລັງທະຫານໄປຢູເຄຣນ

Published on

ປະຊາຊົນຣັດເຊຍຈຳນວນຫຼາຍພັນຄົນອອກມາປະທ້ວງໃນຫຼາຍເມືອງທົ່ວປະເທດ ເພື່ອຕໍ່ຕ້ານຄຳສັ່ງຂອງປູຕິນທີ່ໄດ້ລົງນາມລະດົມກຳລັງທະຫານຈາກປະຊາຊົນ ເພື່ອຈະສົ່ງໄປເສີມກອງທັບທະຫານຂອງຕົນໃນຢູເຄຣນ ຈົນເຮັດໃຫ້ມີປະຊາຊົນທີ່ປະທ້ວງນັ້ນຖືກຈັບຈຳນວນຫຼາຍ.

ຕຳຫຼວດຣັດເຊຍດຳເນີນການຈັບກຸມຜູ້ປະທ້ວງຫຼາຍຮ້ອຍຄົນ ທີ່ອອກມາຊຸມນຸມກັນໃນຫຼາຍເມືອງເທົ່າປະເທດໃນຄືນວັນພຸດ ທີ 21 ກັນຍາ 2022 ເພື່ອສະແດງຄວາມຕໍ່ຕ້ານທີ່ ທ່ານ ວະລາດິເມຍ ປູຕິນ ປະທານາທິບໍດີຣັດເຊຍ ມີຄຳສັ່ງລະດົມກຳລັງສຳຮອງບາງສ່ວນຈຳນວນ 300.000 ຄົນ ເພື່ອສົ່ງໄປເສີມກຳລັງທະຫານຂອງຣັດເຊຍໃນຢູເຄຣນ.

OVD-Info ອົງກອນສິດທິມະນຸດຊົນໃນຣັດເຊຍ ອ້າງວ່າມີຜູ້ປະທ້ວງຖືກຈັບກຸມຫຼາຍກວ່າ 1.000 ຄົນ ໂດຍບ່ອນທີ່ມີຄົນຖືກຈັບຫຼາຍທີ່ສຸດແມ່ນຢູ່ນະຄອນເຊັ້ນປີເຕີເບີກ ແລະ ທີ່ກຸງມອສໂກ ນອກຈາກນັ້ນຍັງມີອີກຫຼາຍສິບຄົນຖືກຈັບທີ່ເມືອງອີຄຸສ ແລະ ຕາມເມືອງຕ່າງໆໃນເຂດໄຊບີເຣຍ ແລະ ທີ່ເມືອງໃຫຍ່ເຢກາເຕຣິນບູກ ເມືອງໃຫຍ່ອັນດັບ 4 ຂອງຣັດເຊຍ.

ທັ້ງນີ້ ກະຊວງ​ປ້ອງ​ກັນ​ປະ​ເທດຣັດ​ເຊຍ​ກ່າວ​ວ່າ ຄຳ​ສັ່ງ​​ຂອງ​ທ່ານປູຕິນ ຈະສົ່ງສະເພາະແຕ່ກໍາລັງສຳຮອງ ບໍ່ມີການເກນທະຫານເພີ່ມເຕີມ ໂດຍຈະເລືອກເອົາແຕ່ຜູ້ທີ່ມີປະສົບການທາງທະຫານເທົ່ານັ້ນທີ່ໄດ້ຖືກຄັດເລືອກ, ແນວໃດກໍ່ຕາມ ຄໍາສັ່ງດັ່ງກ່າວໄດ້ເຮັດໃຫ້ກະແສການເດີນທາງອອກຈາກຣັດເຊຍກັບມາຄືນອີກ ໂດຍມີລາຍ​ງານ​ວ່າ ປີ້​ຍົນ​ຈາກຣັດ​ເຊຍ​ໄປ​ຍັງ​ເມືອງ​ຕ່າງໆ​ເຊັ່ນ ອີສຕັນບູ ໃນ​ຕວກກີ ​ແລະ ເຢເລວານ ​ໃນ​ອາ​ເມ​ເນຍ ​ຖືກ​ຂາຍ​ໝົດຢ່າງ​ໄວ ​ບໍ່​ພໍ​ເທົ່າໃດ​ຊົ່ວ​ໂມງຫຼັງ​ຈາກ​ທ່ານ ປູຕິນ ປະກາດ ໃນຂະນະທີ່ລາຄາປີ້ທີ່ຍັງເຫຼືອໄດ້ເພີ່ມຂຶ້ນຫຼາຍເທົ່າ.

ມີຄຳເຕືອນຂອງສຳນັກງານໄອຍະການມົສກູ ອອກມາໃນວັນພຸດທີ່ຜ່ານມານີ້ວ່າ ການຈັດງານຊຸມນຸມໂດຍບໍ່ໄດ້ຮັບອະນຸຍາດ ຫຼື ເຂົ້າຮ່ວມການຊຸມນຸມ ມີໂທດຈຳຄຸກເຖິງ 15 ປີ ນອກນັ້ນ ຍັງຖືກດຳເນີນຄະດີພາຍໃຕ້ກົດໝາຍ ໝິ່ນປະມາດກອງທັບ ເຜີຍແຜ່ຂ່າວປອມກ່ຽວກັບການປະຕິບັດທາງການທະຫານໃນຢູເຄຣນ ແລະ ກະຕຸ້ນໃຫ້ເຍົາວະຊົນອອກມາປະທ້ວງດ້ວຍ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...