ຕຳຫຼວດເກົາຫຼີໃຕ້ຈັບກຸມຜູ້ກໍ່ເຫດ ທີ່ເປັນຜູ້ຂ້າເດັກນ້ອຍ 2 ຄົນ ແລະ ຍັດໃສ່ກະເປົາເດີນທາງໃນນິວຊີແລນ.
ສຳນັກງານຕຳຫຼວດແຫ່ງຊາດຂອງເກົາຫຼີໃຕ້ ເປີດເຜີຍວ່າ ສາມາດຈັບກຸມຜູ້ຕ້ອງຫາທີ່ອະພາດເມັ້ນ ໃນເມືອງອຸລຊານ ປະເທດເກົາຫຼີໃຕ້ ຈາກການຕິດຕາມທີ່ຢູ່ ແລະ ຫຼັກຖານຈາກກ້ອງວົງຈອນປິດ ແລະ ຕຳຫຼວດປະເທດນິວຊີແລນກ່າວຫາວ່າ ລາວແມ່ນຜູ້ກໍ່ເຫດຂ້າລູກຕົນເອງ 2 ຄົນ ດ້ວຍອາຍຸ 7 ປີ ແລະ 10 ປີ ໃນປີ 2018 ໃນເມືອງ ໂອກແລນ ປະເທດນິວຊີແລນ ຈາກນັ້ນຈຶ່ງລົບໜີໄປເກົາຫຼີໃຕ້ຫຼັງກໍ່ເຫດ ແລະ ພະຍາຍາມລີ້ການຈັບກຸມມາຕະຫຼອດ.
ຕຳຫຼວດເກົາຫຼີໃຕ້ ແລະ ຕຳຫຼວດນິວຊີແລນ ເຊື່ອວ່າ ຜູ້ຍິງຄົນນີ້ເປັນແມ່ຂອງເດັກທັງ 2 ຄົນ ແລະ ເກົາຫຼີໃຕ້ກຳລັງສົ່ງມອບຜູ້ຕ້ອງຫາໃຫ້ສຳນັກງານໄອຍະການ ເພື່ອກຽມສົ່ງຜູ້ກ່ຽວນັ້ນຂ້າມແດນ.
ຈາກການລາຍງານສາມາດຮູ້ໄດ້ວ່າ ຜູ້ກ່ຽວເປັນຄົນສັນຊາດນິວຊີແລນ ທີ່ເກີດໃນເກົາຫຼີໃຕ້ ອາຍຸ 42 ປີ ໂດຍການຄົ້ນພົບຮ່າງທີ່ເສຍຊີວິດຂອງເດັກທັງ 2 ເກີດຈາກຄອບຄົວໜຶ່ງໃນນິວຊີແລນ ຊື້ສິນຄ້າຂະໜາດໃຫຍ່ຈາກການປະມູນສິນຄ້າເກົ່າ ໃກ້ເມືອງໂອກແລນ ແລະ ໄດ້ກະເປົາທາງເດີນຂະໜາດໃຫຍ່ 2 ອັນ ທີ່ບັນຈຸຮ່າງທີ່ເສຍຊີວິດຂອງເດັກນ້ອຍ 2 ຄົນ.