spot_img
Homeຂ່າວທ້ອງຖິ່ນພິທີມອບຮັບອາວຸດລ່າເນື້ອ

ພິທີມອບຮັບອາວຸດລ່າເນື້ອ

Published on

ໃນຕອນເຊົ້າຂອງວັນທີ 14 ກັນຍາ 2022 ຜ່ານມາ, ຫ້ອງການປ້ອງກັນຄວາມສະຫົງບ ກຸ່ມສາກົກ ເມືອງຮ້ຽມ ແຂວງຫົວພັນ ໄດ້ຈັດພິທີມອບຮັບອາວຸດລ່າເນື້ອ (ປືນແກັບ) ຢູ່ຫ້ອງການ ປກສ ກຸ່ມບ້ານສາກົກ ໂດຍເປັນກຽດເຂົ້າຮ່ວມຂອງ ທ່ານ ພັທ ພຸດອານົງ ມະນີວົງ ຮອງຫົວໜ້າກອງບັນຊາການ ປກສ ເມືອງຮ້ຽມ, ຫົວໜ້າ ພະແນກສໍາມະໂນຄົວ ກອງບັນຊາການ ປກສ ເມືອງ, ພ້ອມດ້ວຍອົງການປົກຄອງບ້ານ 5 ບ້ານທີ່ຂື້ນກັບກຸ່ມສາກົກເຂົ້າຮ່ວມ.

ສຳລັບອາວຸດທີ່ນໍາມາມອບໃນຄັ້ງນີ້ມີຈໍານວນ 52 ກະບອກ ເຊິ່ງໄດ້ມາຈາກພໍ່ແມ່ປະຊາຊົນຜູ້ທີ່ມີອາວຸດລ່າເນື້ອໄວ້ຄອບຄອງ ທີ່ມີຄວາມສະມັກໃຈມາມອບໃຫ້ຫ້ອງການ ປກສ ກຸ່ມ ໂດຍໄດ້ຜ່ານການສຶກສາອົບຮົມທາງດ້ານການເມືອງແນວຄິດ, ໃຫ້ມີຄວາມເຂົ້າໃຈ, ມີສະຕິ ແລະ ເຄົາລົບຕໍ່ກົດໝາຍບ້ານເມືອງ ຈາກເຈົ້າໜ້າທີ່ກໍ່ຄື ປກສ ກຸ່ມສາກົກ ທີ່ໄດ້ຍົກເຫັນໄດ້ເຖິງຜົນກະທົບທີ່ຈະຕາມມາໃນການມີອາວຸດລ່າເນື້ອໄວ້ຄອບຄອງ, ເຊິ່ງກ່າວມອບໂດຍ ທ່ານ ຮອ ຄໍາຜິວ ໄຊຍະຈັກ ຫົວໜ້າ ປກສ ກຸ່ມ ບ້ານສາກົກ ແລະ ກ່າວຮັບໂດຍ ທ່ານ ພັທ ພຸດອານົງ ມະນີວົງ ຮອງກອງບັນຊາການ ປກສ ເມືອງຮ້ຽມ ເພື່ອນຳເອົາອາວຸດຈຳນວນດັ່ງກ່າວໄປທຳລາຍຖີ້ມ.
ພາບ-ຂ່າວ: ປກ​ສ ເມືອງ​ຮ້ຽມ

ບົດຄວາມຫຼ້າສຸດ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດພະເທບ ແຫ່ງ ຣາຊະອານາຈັກໄທ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດ ພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງ ຣາຊະອານາຈັກໄທ. ໃນຕອນບ່າຍຂອງວັນທີ 22 ເມສາ 2025,...

ນັກທ່ອງທ່ຽວຕ່າງຊາດທີ່ຈະເດີນທາງເຂົ້າໄທ ດ້ວຍພາສປອດຕ້ອງໄດ້ຂຽນຟອມອອນລາຍ ເລີ່ມ 1 ພຶດສະພານີ້

ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ (ນັກທ່ອງທ່ຽວ, ຄົນຕ່າງປະເທດ) ທີ່ຈະເດີນທາງໄປປະເທດໄທ ຕ້ອງໄດ້ເຂົ້າຕື່ມແບບຟອມ (TDAC) ລິ້ງ https://tdac.immigration.go.th/arrival-card/#/home ທາງອອນລາຍ...

ຍຶດຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ.

ກອງບັນຊາການ ປກສ ແຂວງບໍ່ແກ້ວ ຍຶດຂອງກາງ ຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ. ໃນຄັ້ງວັນທີ 21...

ປກສ ນະຄອນໄກສອນ ພົມວິຫານ ຈັບຜູ້ສໍ້ໂກງ ແລະ ລັກຊັບ

ເຈົ້າໜ້າທີ່ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຈັບທ້າວ ວັນນະລາດ ອາຍຸ 55 ປີ ອາຊີບກຳມະກອນ ເຊື້ອຊາດ-ສັນຊາດລາວ ບ້ານເກີດໂພນໄຊ ເມືອງໂພນໂຮງ...