spot_img
Homeຂ່າວພາຍ​ໃນລັດຖະບານອົດສຕາລີ ມອບເຄື່ອງຟອກໝາກໄຂ່ຫລັງ ຈໍານວນ 4 ໜ່ວຍ ມູນຄ່າ 1 ຕື້ກີບ ໃຫ້ແກ່ລາວ

ລັດຖະບານອົດສຕາລີ ມອບເຄື່ອງຟອກໝາກໄຂ່ຫລັງ ຈໍານວນ 4 ໜ່ວຍ ມູນຄ່າ 1 ຕື້ກີບ ໃຫ້ແກ່ລາວ

Published on

ໃນວັນທີ 1 ກັນຍາ 2022 ທີ່ກະຊວງສາທາລະນະສຸກ ໂດຍການກ່າວມອບຂອງທ່ານ ແດນເຮວເດິນ ຮອງເອກອັກຄະລັດຖະທູດອົດສະຕຣາລີ ປະຈຳລາວ ແລະ ທ່ານ ນາງ ໂລຢິງຣູ ແຈັກເກີລີນ ຕາງໜ້າອົງການອະນາໄມໂລກ ແລະ ກ່າວຮັບໂດຍ ດຣ ບຸນແຝງ ພູມະໄລສິດ, ລັດຖະມົນຕີກະຊວງສາທາລະນະສຸກ ແລະ ເຄື່ອງດັ່ງກ່າວຈະຖືກສົ່ງຕໍ່ໃຫ້ໂຮງໝໍແຂວງຄຳມ່ວນ ສາລະວັນ ແລະ ຈຳປາສັກ.

ເຄື່ອງຟອກໝາກໄຂ່ຫຼັງຈໍານວນນີ້ຈະຊ່ວຍເພີ່ມຄວາມອາດສາມາດໃນການປິ່ນປົວຄົນເຈັບທີ່ທຸກທໍລະມານຈາກພະຍາດໝາກໄຂ່ຫຼັງ. ນອກຈາກນີ້ຍັງສາມາດຊ່ວຍໃຫ້ຜູ້ທີ່ຕິດເຊື້ອພະຍາດໂຄວິດ-19 ໄດ້ຮັບການຮັກສາແຍກຈາກຄົນເຈັບທົ່ວໄປ, ໝາຍຄວາມວ່າຈະຊ່ວຍຫຼຸດຜ່ອນຄວາມສ່ຽງໃນການແພ່ພະຍາດໄປສູ່ຜູ້ເຖົ້າ, ຄົນເຈັບ ແລະ ກຸ່ມຄົນທີ່ມີຄວາມສ່ຽງສູງທີ່ຕ້ອງໄປໂຮງໝໍຢູ່ເປັນປະຈຳ.

ດຣ ບຸນແຝງ ພູມະໄລສິດ, ລັດຖະມົນຕີກະຊວງສາທາລະນະສຸກ ໄດ້ສະແດງຄວາມຂອບໃຈຕໍ່ລັດຖະບານອົດສະຕຣາລີ ທີ່ໃຫ້ການຊ່ວຍເຫຼືອຢ່າງກວ້າງຂວາງ ແລະ ທັນເວລາ, ເນື່ອງຈາກລາວກຳລັງປະເຊີນກັບການເພີ່ມຂຶ້ນຂອງກໍລະນີຜູ້ຕິດເຊື້ອພະຍາດໂຄວິດ-19 ຢູ່ໃນຊຸມຊົນ ແລະ ຍັງປະເຊີນກັບການເພີ່ມຂຶ້ນຂອງຈຳນວນຄົນເຈັບຈາກພະຍາດໝາກໄຂ່ຫຼັງ ແລະ ເບົາຫວານ, ການຊ່ວຍ ເຫຼືອຄັ້ງນີ້ ຈະຊ່ວຍຮັກສາໄດ້ຫຼາຍຊີວິດໃນຫຼາຍຊຸມຊົນທັງໃນປະຈຸບັນ ແລະໃນອະນາຄົດ. ໃນແຕ່ລະປີລາວສູນເສຍປະຊາກອນຫຼາຍກວ່າ 30.000 ຊີວິດຈາກພະຍາດທີ່ບໍ່ຕິດຕໍ່ເຊັ່ນພະຍາດເບົາ ຫວານ, ຊຶ່ງເກືອບເຄິ່ງໜຶ່ງຂອງຈຳນວນດັ່ງກ່າວສາມາດປ້ອງກັນຈາກການເສຍຊີວິດໄດ້.

ການຊ່ວຍເຫຼືອໃນຄັ້ງນີ້ແມ່ນສ່ວນໜຶ່ງຂອງເງິນຊ່ວຍເຫຼືອຈຳນວນ 2 ລ້ານໂດລາສະຫະລັດທີ່ລັດ ຖະບານອົດສະຕຣາລີ ໄດ້ຊ່ວຍເຫຼືອຜ່ານອົງການອະນາໄມໂລກປະຈຳລາວ ເພື່ອປັບປຸງແກ້ໄຂວຽກງານປ້ອງກັນ ແລະ ປິ່ນປົວພະຍາດໂຄວິດ-19, ວັກຊີນກັນພະຍາດໂຄວິດ-19 ແລະ ພະຍາດອື່ນໆ, ລວມເຖິງບັນຫາທາງດ້ານສາທາລະນະສຸກອື່ນໆໃນທົ່ວປະເທດ. ນອກຈາກນີ້ການຊ່ວຍເຫຼືອດັ່ງ ກ່າວຍັງກວມເອົາການຊ່ວຍເຫຼືອໃນການກວດພະຍາດໂຄວິດ-19 ແລະ ການເຝົ້າລະວັງການແພ່ລະ ບາດ, ການສະໜອງວັກຊີນ, ຫ້ອງທົດລອງ, ຄລີນິກ ແລະ ການຝຶກອົບຮົມພະນັກງານສາທາລະ ນະສຸກຕື່ມອີກ.

ແຫຼ່ງຂ່າວຈາກ Lao National Radio

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...