spot_img
Homeຂ່າວພາຍ​ໃນອີຕາລີຈະເຂົ້າມາຊ່ວຍເຫຼືອດ້ານໃນຂົງເຂດອາຫານ ແລະ ການສ້າງຄວາມຍືນຍົງໃຫ້ແກ່ນະຄອນຫຼວງ

ອີຕາລີຈະເຂົ້າມາຊ່ວຍເຫຼືອດ້ານໃນຂົງເຂດອາຫານ ແລະ ການສ້າງຄວາມຍືນຍົງໃຫ້ແກ່ນະຄອນຫຼວງ

Published on

ວັນທີ 19 ສິງຫາ 2022 ທີ່ຫ້ອງວ່າການນະຄອນຫຼວງວຽງຈັນ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໄດ້ຕ້ອນຮັບ ການເຂົ້າຢ້ຽມຄໍານັບຂອງທ່ານ ຟີລິບໂປ ກາວງເຊນີ (Filippo GavazZeni) ຫົວຫນ້າສໍານັກງານເລຂາທິການການພັດທະນານະໂຍບາຍອາຫານໃນຕົວເມືອງມິລານ (Milan Urban Food Policy Development) ປະຈໍານະຄອນມິລານ ປະເທດອີຕາລີ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ນະຄອນຫຼວງວຽງຈັນ.

ທ່ານ ອາດສະພັງທອງ ສີພັນດອນ ໄດ້ສະແດງຄວາມຍິນດີໃນການຕ້ອນຮັບຄະນະຜູ້ແທນ ຫົວຫນ້າສໍານັກງານເລຂາທິການການພັດທະນານະໂຍບາຍອາຫານໃນຕົວເມືອງມີລານ ປະຈໍານະຄອນມິລານ ປະເທດອີຕາລີ ທີ່ໄດ້ເດີນທາງມານະຄອນຫຼວງວຽງຈັນ ພ້ອມທັງ ຕີລາຄາສູງຕໍ່ສາຍພົວພັນທີ່ດີຂອງສອງປະເທດ ແລະ ສັນຍາວ່າຈະສືບຕໍ່ໃຫ້ການຮ່ວມມືຂອງສອງປະເທດ ກໍ່ຄືສອງນະຄອນໃຫ້ເກີດດອກອອກຜົນຍິ່ງຂຶ້ນເປັນກ້າວໆ ແລະ ອວຍພອນໃຫ້ການຢ້ຽມຢາມ ສປປ ລາວ ຂອງຄະນະຜູ້ແທນຈົ່ງ ປະສົບຜົນສໍາເລັດ.

ທ່ານ ຟີລິບໂປ ກາວາເຊນີ້ ກໍ່ໄດ້ສະແດງຄວາມຂອບໃຈຕໍ່ກັບການຕ້ອນຮັບດ້ວຍຄວາມອົບອຸ່ນຂອງທ່ານ ອາດສະພັງທອງ ສີພັນດອນ ພ້ອມທັງແຈ້ງໃຫ້ຊາບຈຸດປະສົງຂອງການມາຢ້ຽມຢາມຄັ້ງນີ້ ເພື່ອນໍາສະເຫນີຄວາມເປັນມາ ຄວາມຫມາຍຄວາມສໍາຄັນ ແລະ ຜົນປະໂຫຍດຂອງການເປັນສະມາຊິກຂອງ ສົນທິສັນຍາການພັດທະນານະໂຍບາຍອາຫານໃນຕົວເມືອງມີລານ ຈະສາມາດສ້າງຄວາມຮ່ວມມື ເພື່ອຮັບເອົາການຊ່ວຍເຫຼືອແບບຫຼາກຫຼາຍ ໃນຂົງເຂດອາຫານ ແລະ ການສ້າງຄວາມຍືນຍົງ ພ້ອມດຽວກັນນັ້ນ ສອງຝ່າຍຍັງໄດ້ຫາລືວຽກງານອື່ນໆຈໍານວນຫນຶ່ງຕື່ມອີກ.

ແຫຼ່ງຂ່າວຈາກ ວຽງຈັນໃໝ່

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...