ລົດໄຟຂົນສົ່ງສິນຄ້າດ່ວນພິເສດອາຊຽນ ຫຼື Asean Express ເຊື່ອມຕໍ່ລະຫວ່າງ ມະເລເຊຍ ໄທ ແລະ ລາວ ຄາດວ່າຈະເປີດນຳໃຊ້ຢ່າງເປັນທາງການໃນເດືອນຕຸລາປີນີ້.
ອ້າງອີງຈາກ ໜັງສືພິມລຽນເຫີຈາວປ້າວຂອງສິງກະໂປ: ວັນທີ 11 ສິງຫາ 2022 ບໍລິສັດທາງລົດໄຟມະເລເຊຍໄດ້ອອກຖະແຫຼງການວ່າ ລົດໄຟຂົນສົ່ງສິນຄ້າດ່ວນພິເສດອາຊຽນແມ່ນເດີນທາງອອກຈາກມະເລເຊຍໄປສູ່ປະເທດລາວ, ຢູ່ກາງທາງຈະແວ່ປະເທດໄທ, ມີໄລຍະທາງຍາວທັງໝົດ 2.206 ກິໂລແມັດ, ຄາດວ່າຈະໃຊ້ເວລາເດີນທາງ 72 ຊົ່ວໂມງ.
ລົດໄຟຂົນສົ່ງສິນຄ້າດ່ວນພິເສດອາຊຽນແມ່ນຈຸດເລີ່ມຕົ້ນທີ່ບໍລິສັດທາງລົດໄຟມະເລເຊຍບຸກເບີກຕະຫຼາດສາກົນ ແລະ ສາມາດຖືເປັນຄວາມພະຍາຍາມເພື່ອຊຸກຍູ້ແຜນການທາງລົດໄຟພາກພື້ນອາຊີທີ່ເລີ່ມຈາກນະຄອນຄຸນໝິງຂອງຈີນ ໄປຮອດສິງກະໂປ.