ຄະນະລັດຖະມົນຕີສີລັງກາ ກ່າວວ່າ ອະດີດປະທານາທິບໍດີສີລັງກາ ຣາສປັກຊາ ຄາດວ່າຈະເດີນທາງກັບມາສີລັງກາ ຫຼັງຈາກລີ້ໄພຢູ່ສິງກະໂປ.
ຄະນະລັດຖະມົນຕີສີລັງກາ ເປີດເຜີຍຕໍ່ສື່ມວນຊົນ ໃນວັນອັງຄານທີ່ຜ່ານມານີ້ວ່າ: ອະດີດປະທານາທິບໍດີສີລັງກາ ໂກຕາບາຢາ ຣາສປັກຊາ ຈະເດີນທາງກັບມາສີລັງກາ ຫຼັງຈາກທີ່ລີ້ໄພຢູ່ສິງກະໂປ ໂດຍລະບຸວ່າລາວບໍ່ໄດ້ໜີໄປລີ້ຢູ່ນັ້ນ ແຕ່ຍັງບໍ່ຮູ້ສາເຫດວ່າລາວຈະເດີນທາງກັບມາມື້ໃດ.
ກ່ອນໜ້ານີ້ ອະດີດຜູ້ນຳສີລັງກາ ໄດ້ລີ້ໄພຢູ່ນອກປະເທດ ຫຼັງຈາກທີ່ສີລັງກາໄດ້ເກີດມີການປະທ້ວງຢ່າງຮຸນແຮງ ເນື່ອງຈາກວິກິດການເສດຖະກິດຄັ້ງໃຫຍ່ໃນສີລັງກາ, ໂດຍ ຣາສປັກສາ ເດີນທາງອອກໄປມັລດີຟ ໃນວັນທີ 13 ກໍລະກົດ ແລະ ໄດ້ເດີນທາງໄປສິງກະໂປ ວັນທີ 14 ກໍລະກົດ ແລ້ວລາວກໍໄດ້ຍື່ນໃບລາອອກ ຢ່າງເປັນທາງການ ໃນວັນທີ 15 ກໍລະກົດ.
ແຫຼ່ງຂ່າວຈາກ ບຣູມເບີກ