ກຳປູເຈຍຈະຍົກເລີກຂໍ້ກຳນົດ ໃນການກັກຕົວນັກທ່ອງທ່ຽວທີ່ເດີນທາງເຂົ້າມາໃນປະເທດ ໂດຍທີ່ບໍ່ໄດ້ຮັບວັກຊີນຄົບໂດສ ຫຼື ຍັງບໍ່ໄດ້ສັກວັກຊີນ ແຕ່ຍັງຕ້ອງໄດ້ກວດພະຍາດດ້ວຍຊຸດກວດ ATK ເມື່ອເດີນທາງມາເຖິງ ເຊິ່ງເລີ່ມຕັ້ງແຕ່ວັນທີ 11 ກໍລະກົດນີ້.
ໃນວັນທີ 8 ກໍລະກົດ ທີ່ຜ່ານມານີ້ ອ້າງອີງຈາກ ຊິນຫົວ ໄດ້ລາຍງານວ່າ: ທ່ານ ແມມ ບຸນເຮັງ ລັດຖະມົນຕີກະຊວງສາທາລະນະສຸກຂອງກຳປູເຈຍ ລາຍງານການຍົກເລີກມາດຕະການກັກຕົວສຳລັບນັກທ່ອງທ່ຽວທີ່ຈະເດີນທາງເຂົ້າປະເທດ ໂດຍທີ່ຍັງບໍ່ໄດ້ສັກວັກຊີນປ້ອງກັນໂຄວິດ-19 ຄົບໂດສ ຫຼື ຍັງບໍ່ທັນສັກວັກຊີນ, ແຕ່ຜູ້ທີ່ເດີນທາງເຂົ້າມາຕ້ອງຈະຕ້ອງໄດ້ກວດພະຍາດດ້ວຍຊຸດກວດ ATK ເມື່ອເດີນທາງມາເຖິງ ແລະ ຕ້ອງກັກຕົວເມື່ອຜົນກວດເປັນບວກ, ຖ້າຜູ້ທີ່ມີອາການຮຸນແຮງ ສາມາດເຂົ້າຮັບການຮັກສາທີ່ໂຮງໝໍໃນປະເທດກຳປູເຈຍໄດ້.
ຜູ້ທີ່ບໍ່ໄດ້ສັກວັກຊີນປ້ອງກັນໂຄວິດ-19 ຄົບໂດສ ຫຼື ຍັງບໍ່ທັນສັກວັກຊີນ ຈະຕ້ອງຈ່າຍເງິນ 5 ໂດລາ ເພື່ອກວດພະຍາດດ້ວຍຊຸດກວດ ATK ເພື່ອກະຕຸ້ນນັກເດີນທາງຂາເຂົ້າ ໂດຍບໍ່ຕ້ອງເສຍຄ່າສັກວັກຊີນໃນທົ່ວປະເທດ.